Македонија
Македонија ќе и помага на Црна Гора на патот кон ЕУ
Министрите за надворешни работи на Македонија и на Црна Гора, Никола Попоски и Милан Роќен денеска во Подгорица потпишаа Договор за соработка меѓу двете влади во однос на европската интеграција, јавува Вијести.
Министрите за надворешни работи на Македонија и на Црна Гора, Никола Попоски и Милан Роќен денеска во Подгорица потпишаа Договор за соработка меѓу двете влади во однос на европската интеграција, јавува Вијести.Попоски по потпишувањето на договорот изрази очекување Советот на Европската Унија да го потврди датумот за старт на пристапните преговори со двете земји.„Сметаме дека препораките од извештаите за напредокот на Црна Гора и на Македонија добар водич за нашите идни активности, за подобра реализација, бидејќи ги опфаќаат сите сфери на општествениот живот. Црна Гора може да ги искористи искуствата на Македонија од претходниот период, бидејќи имаме заеднички стратешки цели што се поврзани со интеграцијата во НАТО и ЕУ. Тоа создава атмосфера за што подобра политичка соработка меѓу двете земји. Очекуваме помошта од Македонија да ја унапреди регионалната соработка. Очекувам дека во следниот период Македонија и Црна Гора ќе соработуваат и на решавање на економските проблеми, што се актуелни. Двете држави делат многу заеднички интереси и во тој правец можеме да напредуваме како регион од што корист ќе имаат и ЕУ и нашите земји“, изјави Попоски.„Договорот содржи се она што е политички, економски и стопански живот на една земја. Задоволен сум што Македонија е подготвена своето искуство да го сподели со Црна Гора“, истакна Роќен и додаде дека во извештаите се констатира дека односите меѓу Македонија и Црна Гора се одлични. „Досега потпишавме низа важни документи, а посебно Договорот за испорачување на свои државјани и она што е важно и за Црна Гора и за Македонија се почитува улогата и на едната и на другата земја во регионален контекст и нашиот придонес кон регионалната стабилност“, посочи Роќен. /крај/вијести/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Во мај уште еден продолжен викенд
Денеска се одбележува вториот ден на Велигден според православниот календар и е неработен за сите граѓани на земјава.
Овој месец ни престои уште еден неработен ден, а тоа е 24 мај (петок) кога се одбележува „Св. Кирил и Методиј“ – Ден на сесловенските просветители.
За граѓаните од православна вероисповед неработен ќе биде 21 јуни (петок), Духовден, петок пред Духовден.
На 23 мај (четврток) се одбележува Националниот ден на Власите и ќе биде неработен за припадниците на оваа националност, додека 16 јуни (недела) муслиманите во земјвата ќе го слават Курбан Бајрам, а неработен ќе биде првиот ден на Курбан Бајрам.
Македонија
СДСМ: Граѓаните масовно да излезат на изборите на 8 ми мај, се одлучува за иднината
СДСМ ги повикува граѓаните масовно да излезат на изборите на 8 ми мај и да гласаат за Стево Пендаровски за претседател и за пратеничките листи на СДСМ и Коалицијата за европска иднина.
„На 8 мај се одлучува за иднината. Во овој клучен момент државата се наоѓа на крстопат. На една страна е враќање назад кон изолација, конфликти, меѓуетничка нетрпеливост и внатрешни поделби со ДПМНЕ. А на другата, продолжување напред, кон прогресот и просперитетот на Македонија во ЕУ, со СДСМ и Коалицијата за европска иднина“, дополнуваат од СДСМ.
Според нив, на 8 мај постои само една социјалдемократска опција, само една лева прогресивна опција која се вика СДСМ.
„Граѓаните со моќта на својот глас можат да кажат стоп за враќањето во кошмарното минато на поделби и тензии и да испратат јасна и гласна порака на сите ретроградни сили дека во Македонија живеат прогресивни луѓе, кои сонуваат за подобра европска иднина за себе и своите деца“, завршуваат од СДСМ.
Македонија
Православните верници денеска слават втор ден Велигден и Ѓурѓовден
Денес, освен вториот ден од Велигден, се празнува и Ѓурѓовден, празник во чест на Свети великомаченик Георгиј Победоносец, празникот на обновувањето на природата и на животот воопшто.
Празникот на светиот великомаченик Георгиј познат како Ѓурѓовден се празнува на 6 мај според новиот или на 23 април според стариот календар.
Тој се смета за најголем пролетен празник што го празнува не само христијанското туку и целото население во Македонија што од друга страна значи дека во неговата основа е празнувањето на природата, на разбудувањето на вегетацијата и на животот воопшто.