Македонија
Семејствата на загинатите мировници повторно пред Собранието
Додека пред пратениците се очекува да се усвои Законот за правата на македонски војници кои ќе учествуваат во меѓународни мисии, семејствата на загинатите кај Блаце протестираа пред Собранието
Тие и минатата недела, исто така, протестираа со барање законот да се врати на доработка во Владата бидејќи, според нив, не носи ништо ново туку им ги редуцира и сегашните права. Семејствата на загинатите војници во хеликоптерската несреќа кај Блаце се револтирани и од настапот во јавноста на министерот за одбрана, Зоран Коњаноски, кој главно се однесува на тоа колку пари државата им дала за животите на нивните блиски. Револт е изразен и поради фактот што истрагата за несреќата сеуште тапка во место.„Бараме од Владата да го повлече законот, во соработка со нас да понуди подобри решенија. Од собранието бараме да не гласа за законот. Овој закон е закон за посебните права, а повеќето права не се посебни. Предложениот закон, во најголем дел, не дава ништо повеќе од она што сме го добиле, а тоа што сме го добиле, сме го добиле по основ на други закони“, рече Бранко Ѓоргевски, татко на загинат мировник во хеликоптерската несреќа кај катлановскп Блаце.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На полноќ настапува молк пред вториот круг од претседателските и парламентарните избори
На полноќ завршуваат кампањите за вториот круг од претседателските избори и за парламентарните.
Кампањата за претседателските избори започна веднаш по првиот круг од изборите, додека дваесетдневната кампања за парламентарните избори на 18 април.
На полноќ започнува молкот пред изборите, кој завршува со затворањето на гласачките места на 8 мај во 19 часот.
Македонија
Во мај уште еден продолжен викенд
Денеска се одбележува вториот ден на Велигден според православниот календар и е неработен за сите граѓани на земјава.
Овој месец ни престои уште еден неработен ден, а тоа е 24 мај (петок) кога се одбележува „Св. Кирил и Методиј“ – Ден на сесловенските просветители.
За граѓаните од православна вероисповед неработен ќе биде 21 јуни (петок), Духовден, петок пред Духовден.
На 23 мај (четврток) се одбележува Националниот ден на Власите и ќе биде неработен за припадниците на оваа националност, додека 16 јуни (недела) муслиманите во земјвата ќе го слават Курбан Бајрам, а неработен ќе биде првиот ден на Курбан Бајрам.
Македонија
СДСМ: Граѓаните масовно да излезат на изборите на 8 ми мај, се одлучува за иднината
СДСМ ги повикува граѓаните масовно да излезат на изборите на 8 ми мај и да гласаат за Стево Пендаровски за претседател и за пратеничките листи на СДСМ и Коалицијата за европска иднина.
„На 8 мај се одлучува за иднината. Во овој клучен момент државата се наоѓа на крстопат. На една страна е враќање назад кон изолација, конфликти, меѓуетничка нетрпеливост и внатрешни поделби со ДПМНЕ. А на другата, продолжување напред, кон прогресот и просперитетот на Македонија во ЕУ, со СДСМ и Коалицијата за европска иднина“, дополнуваат од СДСМ.
Според нив, на 8 мај постои само една социјалдемократска опција, само една лева прогресивна опција која се вика СДСМ.
„Граѓаните со моќта на својот глас можат да кажат стоп за враќањето во кошмарното минато на поделби и тензии и да испратат јасна и гласна порака на сите ретроградни сили дека во Македонија живеат прогресивни луѓе, кои сонуваат за подобра европска иднина за себе и своите деца“, завршуваат од СДСМ.