Свет
Десетка со кромид во пасош
Со специјалните истражни мерки, полицајците – провокатори документирале како сега уапсените полицајци и цариници на граничните премини ги дерат патниците и возачите, најдрско и без пардон, со наредби: "Стај 10-ка со кромид во пасош и вози", "Ај укруп
АФЕРА КОРУМПИРАНИ ПОЛИЦАЈЦИ И ЦАРИНИЦИ
Со специјалните истражни мерки, полицајците – провокатори документирале како сега уапсените полицајци и цариници на граничните премини ги дерат патниците и возачите, најдрско и без пардон, со наредби: "Стај 10-ка со кромид во пасош и вози", "Ај укруп
Полицаец – провокатор со минијатурна камера пикната во манжетна, минатата недела на еден од граничните премини, при влез во Македонија, љубезно го прашал цариникот:"Шефе, ми се брза. Ке може ли да средиме некако?" Овој му климнал со главата. "Оди до бифено. Таму ќе средиш со келнерот", му рекол цариникот на патникот. По некое време од бифето излегол келнерот и мафтал со раката:"Може да помине".
И така следниот, па тој по него, невидена жетва цела недела, раскажуваат во МВР, по големата акција во четвртокот, кога за примање мито беа уапсени 26 полицајци, девет цариници и тројца угостители. Неколку стотици полицајци, колку што учествувале во акцијата, со мини-камери и бубачки првин ги детектирале корумпираните полицајци и цариници на граничните премини Меџитлија, Богородица, Деве Баир и Табановце. Потоа, провокаторите лесно ги подмитувале со маркирани девизи.
Во акцијата се фаќал и лесен плен. На пример, раскажуваат во Министерството, некои наши полицајци и цариници, мито земале на местото, во четири очи и без посредник. "Стави една десетка со кромид во пасошот и ај, помини!", фатил микрофонот на еден од провокаторите. Парите за поткуп, тврдат соговорниците, до евро биле сите маркирани и подоцна при претресот кај уапсените лично, во кафеаните кај што се оставало митото и во нивните домови, биле најдени како непобитен доказ. Откриените околу 40 илјади евра од земен поткуп, биле главно во апоени од пет до десет евра.
Седнати во автобус полицајци – провокатори, божем патници, документирале и случаи на барање мито во поголеми суми. Безбедносните и царинските служби го оставиле автобусот полн со патници да дреме три часа за влез во Македонија. Пасошите биле дадени на контрола. Со часови немало информација што е проблемот и зошто патниците стојат во место на студот. На крајот, дошол возачот и се осмелил:"Да не го тресат автобусот и сите вас поединечно, да собереме сите по евро-две и да се изгубиме одовде, се согласувате?" Сите патници извадиле по едно евро. Автобусот тргнал за 50 евра.
Во МВР велат дека за не се претресува камион во детаљи и тој да не се задржува многу на граница, тарифата била и до неколку стотки евра. Пристапот на цариникот, или колегата полицаец, бил фраерски:"Имаш да ми ги укрупниш овие 50 евра?" За возачот на камион, односно на автобус со шверцери тоа било јасно дека за да пројде веднаш, треба да стави врз педесетката уште неколку такви.
Полицијата во сите случаи на земање мито била во спрега со цариниците од истата смена, и обратно. Често, тие биле солидарни, особено во случаите кај што ќе забележале подебел паричник. "Ај сега оди до кај колегата да ти провери уште нешто", била наредбата до патникот по земените 10 евра мито, за да се опари и другиот на смена.
"Ова е работа што се случувала и претходно, но сега е со толкав замав, што работното време на голем дел од полицијата и цариниците се свела само на гола печалба и понижување на граѓаните, без да ги боли уво за безбедноста на државата", сметаат во Министерството. Годишно границите во двата правца ги поминуваат по 10 милиони патници и пола милион возила. Помножено по 10 евра во просек мито од човек, или од возило, ќарот за корумпираните службени лица е милионски суми, проценува полицијата.
С.К. Делевска
*** Исплашен цариник пријавил поткуп
Завчера околу два часот по полноќ цариник на граничниот премин Табановце се извадил од памет кога открил во пасош на патник од Србија вметнати 10 евра за поткуп, за да не чека многу на граница. Веднаш штом ги видел парите, цариникот со трчање пријавил во полиција: "Човеков сака да ме поткупи".
Во МВР велат дека странецот Мијад В., вчера бил експресно изнесен пред Основниот суд во Куманово и осуден на условна казна затвор од шест месеци, Освен тоа добил и казна протерување од Македонија во рок од една година.
Осудениот само бил подготвен за влез во Македонија, оти и врапчињата веќе знаат дека само со мито брзо се проаѓа низ нашите граници, смета полицијата. (С.К.Д.)
*** Уапсените се бранат со молчење
До пет часот вчераутро траело сослушувањето на 41 уапсен полицаец и цариник во истражното одделение на Основниот суд Скопје 1. Сослушувањето го вршеле тројца истражни судии и уште толку обвинители. Речиси сите уапсени се бранеле со молчење. Од 41 уапсен, на 35-мина им била изречена мерка притвор.
Полицијата трага уште по седум вработени во безбедносните и царинските служби на граничните премини во Македонија
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Виткоф: Мировниот договор за Украина е 90 отсто готов, утре ќе одам кај Путин
Специјалниот претставник на американскиот претседател Доналд Трамп за мировни мисии, неговиот пријател и магнат за недвижности Стив Виткоф, денес изјави дека мировниот договор што би ставил крај на војната меѓу Русија и Украина е „завршен 90 проценти“.
Виткоф го изјави ова во интервју за „Блумберг“ и „Си-ен-би-си“ на маргините на Светскиот економски форум во Давос. Тој изјави дека се согласува со проценките на украинската страна дека договорот е речиси склучен, додавајќи дека неодамна е постигнат дополнителен напредок.
„Мислам дека постигнавме уште позначаен напредок“, рече Виткоф.
Според него, во последните шест до осум недели е постигнато повеќе отколку во претходните три или четири години. Тој нагласи дека преговорите влегле во фаза на забрзан напредок.
Виткоф треба да отпатува за Москва утре, каде што ќе се сретне со рускиот претседател Владимир Путин, како дел од понатамошните разговори за евентуално завршување на војната во Украина.
Свет
Европските лидери го напуштаат Давос
Се поголем број европски лидери го напуштаат или го избегнуваат Светскиот економски форум во Давос, дури и пред очекуваното пристигнување на Доналд Трамп и дебатата за Гренланд. Францускиот претседател Емануел Макрон замина откако наводно не успеал да обезбеди средба со американскиот претседател, пишува „Телеграф“.
Претседателката на Европската комисија, Урсула фон дер Лајен, истотака нема да се сретне со Доналд Трамп во Давос бидејќи веќе го напушти швајцарскиот град по вчерашниот говор. Оваа информација ја потврди Европската комисија, пишува „Гардијан“.
„Претседателката на Комисијата направи стратешка и политичка проценка дека најдобриот начин да ја искористи својата енергија е да се врати во Брисел за да се фокусира на подготовките за многу важниот состанок на Европскиот совет“, рече портпаролот.
На прашањето дали е планирана средба меѓу фон дер Лајен и Трамп во блиска иднина, одговорот беше: „Колку што знам, поканите не се испратени во ниту еден правец“.
Истовремено, средбата на Трамп со германскиот канцелар Фридрих Мерц исто така беше откажана, објави Ројтерс. Технички проблеми во претседателскиот авион беа наведени како причина.
Гардијан забележува дека ќе биде интересно да се види кого Трамп сега ќе го приоритизира за состаноците, со оглед на тоа што ќе помине помалку време во Давос од планираното.
Украинскиот претседател Володимир Зеленски ги откажа плановите за присуство, велејќи дека морал да остане во Киев поради руските ракетни напади врз енергетската инфраструктура на Украина. Неговото отсуство ги намали надежите дека западните сили ќе го искористат Давос за да потпишат пакет за финансирање на воздушната одбрана и енергетскиот сектор на Украина.
Зеленски сепак изјави дека „сè може да се промени во секој момент“. Шпанскиот премиер Педро Санчез, исто така, ја откажа својата посета, по железничката несреќа во јужна Шпанија во која загинаа 42 лица.
Италијанските медиуми објавија дека е малку веројатно премиерката Џорџа Мелони да дојде во Давос. Ројтерс во средата објави дека Мелони ќе му се придружи на Макрон во одбивањето да го потпише планот на Трамп за Газа.
Фото: ЕПА
Свет
Стармер до Трамп: Велика Британија нема да попушти
Британскиот премиер Кир Стармер изјави дека нема да попушти пред Доналд Трамп во врска со иднината на Гренланд и најави дека ќе биде домаќин на данската премиерка Мете Фредериксен во четврток.
За време на сесијата за прашања на премиерот, лидерката на конзервативците Кеми Баденох изјави дека таа и Сер Кир се согласуваат дека „иднината на Гренланд треба да ја одлучат исклучиво луѓето од Гренланд“. Потоа таа го праша премиерот: „Кога премиерката го покрена ова прашање со претседателот Трамп во понеделник, дали претседателот се согласи или не?“
Сер Кир одговори дека „конструктивниот ангажман за меѓународни безбедносни прашања е исклучително важен, особено кога станува збор за безбедноста на Арктикот, и тоа е контекстот во кој се одвива оваа дебата во врска со Гренланд“.
„Додека конструктивно се ангажираме, јасно го искажав мојот став за нашите принципи и вредности. Првиот од нив е дека иднината на Гренланд им припаѓа исклучиво на луѓето од Гренланд и Кралството Данска“, рече Стармер.
Тој додаде дека верува оти „заканите со царини за притисок врз сојузниците се сосема погрешни“.
„Ќе продолжиме конструктивно да се ангажираме. Имав многу меѓународни разговори во последните денови, а данскиот премиер утре доаѓа во Обединетото Кралство на билатерални разговори“, рече тој.
„Но, сакам да бидам јасен. Нема да попуштам, Велика Британија нема да попушти, во однос на нашите принципи и вредности во врска со иднината на Гренланд и заканите со царини. И тоа е мојот јасен став“, заклучи премиерот.
(Видео) Филипче: Нема да го поддржиме законот за „Безбеден град“
Ние сме конструктивна опозиција, но не сме контролирана опозиција, посочи претседателот на СДСМ, Венко Филипче, во одговор на новинарско прашање,...
Минчев најави реформа во администрацијата: Нема доживотни функции, нема недопирливи
Министерството за јавна администрација денес ја започна јавната дискусија по нацрт-верзијата на Законот за високи раководители во органите на државната...
(Видео) Ѓорѓиевски: Скопје чисто и проодно, фрлени се 300 тони сол
Градоначалникот на Град Скопје, Орце Ѓорѓиевски, објави видео од чисти улици и кажа дека се фрлени 300 тони сол. „Скопје,...
Со новиот закон ќе биде забрането пушењето цигари пред игротеки и на места каде што се чека во редица за билети
Со новиот предлог-закон за заштита од пушењето е предвидено регулирање на пушењето на отворени јавни простори каде има присуство или...
МВР предупредува: Не наседнувајте на лажни пораки во име на директорот на БЈБ и од Единицата за сајбер безбедност
Во МВР пристигнуваат пријави од граѓани за добиенa електронска порака наводно во име на директорот на Бирото за јавна безбедност...
Објавено колку Македонци живеат во Германија
Повеќе од 14 милиони странци живеат во Германија, а Украинците станаа втора најголема група странски државјани и наскоро би можеле...
Понудил за 100 евра да избрише судска казна од 200 евра: уапсен вработен во Основен суд во Гостивар
Вчера во 20:10 часот, полициски службеници од Полициското одделение Ростуше го лишија од слобода А.Ј.(49) од село Присојница, општина Маврово...
(Фото) Ѓорѓиевски: Од раните утрински часови, екипите на Град Скопје се постојано на терен
Соочени со зимските услови и снежните врнежи, Град Скопје навремено и одговорно ги презема сите неопходни мерки за обезбедување безбедно...
Обвинителството да ги истражи наводите за мафијашките притисоци, уцени и злоупотребата на системот од Филипче и Заев за остварување на клановските цели, бара ВМРО-ДПМНЕ
„Нема пора во општеството каде што СДС под менторство на Зоран Заев и Венко Филипче со мафијашки методи не владееле....
Граѓаните поблиску до ЕУ роаминг без дополнителни трошоци, велат од Министерството за дигитална трансформација
Министерството за дигитална трансформација известува дека измените и дополнувањата на Законот за електронски комуникации (ЗЕК) се влезени во владина процедура...
СДСМ: Дефокус на ВМРО преку Алфа и Жан додека се носат 10.000 „сезонски работници“
„Додека јавноста е бомбардирана со лажни и измислени афери со координирани напади преку Алфа ТВ, лажните изјави на Жан и...
(Видео) Американски специјалци упаднаа во уште еден танкер, објавена е снимка
Американските сили ја презедоа контролата врз танкер за нафта во Карипското Море, соопшти војската. Моторниот брод „Сагита“ ја прекрши блокадата...
(Видео) Трамп го прашаа колку далеку е спремен да оди за Гренланд: „Ќе дознаете“
Американскиот претседател Доналд Трамп вчера одби да прецизира колку далеку е спремен да оди во својот обид САД да го...
(Видео) Нова железничка несреќа во Шпанија: машиновозачот загина, 37 повредени
Машиновозачот загина, а најмалку 37 лица се повредени во железничка несреќа во близина на Барселона. Според локалните власти, возот Родалиес...
Забрани за камиони на планинските превои Ѓавато, Пресека, Маврово – Дебар и Струга – ГП Ќафасан
Забрани за тешки товарни возила на планинските превои Ѓавато, Пресека, Маврово – Дебар и Струга – ГП Ќафасан, извести АМСМ....
Полицијата ја тргнала плочката, а зад неа – 350.000 евра скриени во ѕидот: детали за падот на судијата
Единицата за корупција при Одделот за сузбивање на организиран и сериозен криминал поднела кривична пријава против судијата Ѓоко Ристов (53)...
МВР алармира: Граѓаните да не отвораат лажни пораки, наводно испратени од „Безбеден град“, и да не споделуваат лични податоци
Министерството за внатрешни работи ја информира јавноста дека изминатиов период е забележана појава на фишинг напади кои се изведуваат преку...
Јаневска: Колку повеќе децата се во училиште, толку е поголем нивниот резултат
Македонските ученици до 15-годишна возраст поминуваат дури 900 часови помалку во училишните клупи во споредба со нивните врсници од Европската...
Обвинителството побара куќен притвор за судијата Ѓоко Ристов осомничен за корупција
Обвинителството побара куќен притвор за судијата Ѓоко Ристов осомничен за корупција, кај кого беа пронајдени 350.000 евра соѕидани во ѕид...
Се зголемуваат цените на бензините и дизелот
Цените на бензините и на дизелот од ноќеска на полноќ ќе се зголемат за 1,5 и за 2 денари, соопшти...
