Македонија
Пристигнаа шангајските експерти, ќе ги чешлаат универзитетите
Експертите од Џао Тонг Универзитетот од Шангај, кој ја прави престижната Шангајска листа на топ 500 универзитети во светот, пристигнаа во Скопје и нивна задача ќе биде да направат ранг-листа на македонските универзитети, од најлошиот до најдобриот
Министерот за образование и наука, Никола Тодоров, рече дека сите високообразовни установи се должни да ги достават сите податоци кои ќе им бидат побарани кои се во функција на рангирањето.„Треба да се достават, без разлика на каков тип на податоци станува збор и финансиски и податоци за професорите, податоци за предавањата, податоци за самоевалуацијата и предвидено е сериозни казни за оние кои нема да ги достават податоците“, рече тој.Извршниот директор на Центарот за Светско рангирање на Универзитети, проф.др. Јинг Ченг, рече дека најпрвин тој и неговиот колега – Деканот на Шангај Џао Тонг Универзитетот, проф.др Ниан Кај Лиу, ќе го проучуваат високообразовниот систем во Македонија, ќе ги анализираат индикаторите за евалуација на образованието користени во други земји и потоа ќе пробаат да ги селектираат оние кои сметаат дека се соодветни за високообразовниот систем во Македонија.„Прво ќе ги разгледаме квалитетот и ефикасноста на предавањето и учењето, а второ што ќе биде анализирано се истражувањата и третото е социјалниот сервис на универзитетот“, рече Јинг Ченг.Тие информираа дека имаат листа на повеќе од шеесет индикатори, и ќе дискутираат со домашните експерти за да утврдат кои од нив се соодветни за домашниот високообразовниот систем.Тодоров, кој денеска со нив го потпиша договорот со кој ќе отпочне процесот на рангирање на македонските универзитети, рече дека суштината на ова истражување не е некој од универзитетите во Македонија да се најде на Шангајската листа.„Поентата е Џао Тонг Универзитетот или оние кои ја креираат Шангајската листа, да направат рангирање на македонските универзитети па да видиме кои од македонските универзитети има најдобри перформанси, кој има послаби, а кој има најслаби перформанси. Нормално, тоа ќе биде добро сознание и за пријателите од Џао Тонг Универзитетот да дознаат информации за високообразовните институции во Македонија, кои можеби ќе ги искористат и за правењето на следната Шангајска листа“, рече тој.Договорот за рангирање на универзитетите ќе чини околу 100.000 евра. На престижната Шангајска листа се наоѓаат врвните 500 универзитети во светот, а засега убедливо првите места на неа ги држат трите американски универзитети – третото место е за Стенфорд универзитетот, втор е универзитетот од Калифорнија, Беркли и број еден во светот е Харвард.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ: Граѓаните масовно да излезат на изборите на 8 ми мај, се одлучува за иднината
СДСМ ги повикува граѓаните масовно да излезат на изборите на 8 ми мај и да гласаат за Стево Пендаровски за претседател и за пратеничките листи на СДСМ и Коалицијата за европска иднина.
„На 8 мај се одлучува за иднината. Во овој клучен момент државата се наоѓа на крстопат. На една страна е враќање назад кон изолација, конфликти, меѓуетничка нетрпеливост и внатрешни поделби со ДПМНЕ. А на другата, продолжување напред, кон прогресот и просперитетот на Македонија во ЕУ, со СДСМ и Коалицијата за европска иднина“, дополнуваат од СДСМ.
Според нив, на 8 мај постои само една социјалдемократска опција, само една лева прогресивна опција која се вика СДСМ.
„Граѓаните со моќта на својот глас можат да кажат стоп за враќањето во кошмарното минато на поделби и тензии и да испратат јасна и гласна порака на сите ретроградни сили дека во Македонија живеат прогресивни луѓе, кои сонуваат за подобра европска иднина за себе и своите деца“, завршуваат од СДСМ.
Македонија
Православните верници денеска слават втор ден Велигден и Ѓурѓовден
Денес, освен вториот ден од Велигден, се празнува и Ѓурѓовден, празник во чест на Свети великомаченик Георгиј Победоносец, празникот на обновувањето на природата и на животот воопшто.
Празникот на светиот великомаченик Георгиј познат како Ѓурѓовден се празнува на 6 мај според новиот или на 23 април според стариот календар.
Тој се смета за најголем пролетен празник што го празнува не само христијанското туку и целото население во Македонија што од друга страна значи дека во неговата основа е празнувањето на природата, на разбудувањето на вегетацијата и на животот воопшто.
Македонија
Времето денеска сончево, од среда пороен дожд и грмежи
Времето денеска ќе биде сончево со мала до умерена локална облачност и со слаб до умерен ветер од јужен правец. Попладне во планинските региони ќе има услови за изолирана појава на краткотраен пороен дожд. Минималните температури ќе бидат во интервал од 3 до 10, а максималните ќе достигнат од 20 до 26 степени.
Во Скопје ќе преовладува сончево време со мала облачност и со слаб ветер од јужен правец. Минималните температури ќе се спуштат до 8, а максималните ќе достигнат до 26 степени.
Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, а локално процесите ќе бидат поинтензивни и во форма на невреме со пообилни врнежи и засилен ветер. Потоа условите за нестабилно време ќе се намалуваат.