Македонија
ВМРО-ДПМНЕ : Мора да се донесе Деловник со консензус
ВМРО-ДПМНЕ ги прифати сите барања на СДСМ за Деловникот, а единствено логично образложение зошто СДСМ се повлекува од измените е затоа што знае дека Деловникот е еден од условите за Македонија да добие позитивен извештај од ЕК.
ВМРО-ДПМНЕ ги прифати сите барања на СДСМ за Деловникот, а единствено логично образложение зошто СДСМ се повлекува од измените е затоа што знае дека Деловникот е еден од условите за Македонија да добие позитивен извештај од ЕК, а рокот завршува утре, изјави Александар Николовски од ВМРО-ДПМНЕ, откако СДСМ најавија дека нема да учествуваат на координациите и комисиските расправи. Николовски рече дека процесот за Деловникот се води подолг временски период и основното начело кое што било поставено е усвојување на измените со консензус помеѓу власта и опозицијата . „Усвојувањето на измените со консензус е она што се обидуваме да го изградиме во истиот период. Со последните усогласувања ВМРО-ДПМНЕ ги прифати сите 24 барања на СДСМ меѓу кои и барањето за задолжителна точка на дневен ред иако не е дел од препораките на Венецијанската комисија“, рече Николовски. Тој рече дека во петок парламентарното мнозинство очекувало дека ќе бидат изгласани измените на Деловникот. „Денес и јас лично и парламентарното мнозинство очекуваше дека заеднички ќе ја изгласаме потребата за изменување на Деловникот, дека во рамки на Комисијата за деловнички и мандатно – имунитетна прашања ќе ги изгласаме измените и дека на пленарна седница во најбрз можен рок ќе бидат усвоени измените. За жал последниот развој на настаните покажува дека опозицијата нема расположение за таа работа иако измените на Деловникот се целосно во корист на опозицијата“, рече Николовски. Според него смислата на усвојување на измените на Деловникот е доколку тие бидат донесени со консензус затоа што измените одат во корист на опозицијата. Николовски ја повика опозицијата да присуствува на седницата на Комисијата за деловнички и мандатно – имунитетни прашања закажана за попладнево. Доколку Собраните не биде оценето позитивно од страна на Брисел, тој рече дека тоа ќе биде по вина на опозицијата. /крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.