Македонија
Собранието го разреши Трендафил Ивановски

Со 64 гласови „за“ и ниту еден против и воздржан пратениците денеска му ја прекинаа функцијата на уставниот судија Трендафил Ивановски, кој досега е единствениот носител на јавна функција за кој Комисијата за лустрација потврди дека соработувал со тајните служби.
Со 64 гласови „за“ и ниту еден против и воздржан пратениците денеска му ја прекинаа функцијата на уставниот судија Трендафил Ивановски, кој досега е единствениот носител на јавна функција за кој Комисијата за лустрација потврди дека соработувал со тајните служби.
Со одлуката Собранието констатира дека судијата на Уставниот суд, Трендафил Ивановски не го исполнува дополнителниот услов за вршење јавна функција – судија на Уставниот суд, утврден во членот 2 став 1 од Законот за определување дополнителен услов за вршење јавна функција, поради што престанува да ја врши функцијата.
Комисијата за лустрација на 10 март годинава донесе заклучок со кој сe констатира дека Решението на Комисијата за верификација на фактите од 29 септември минатата година, потврдено со пресуда на Управниот суд и Врховниот суд, е конечно.
Ивановски, откако комисијата го изнесе заклучокот, изјави дека тоа е политичка хајка против него.
Тој се жалеше до Врховниот суд, па откако беше одбиена неговата жалба, тој рече дека досието за него било фабрикувано и во него немало докази дека соработувал со тајните служби. /крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.
Македонија
„Уапсени се полицајци и полициски функционери кои биле на смена кобната вечер“: СДСМ ја поздрави акцијата на ОЈО ГОК за Кочани

„Ја поздравуваме вечерашната акција на Обвинителството за организиран криминал и корупција во која се лишени од слобода полицајци и полициски функционери кои биле на смена кобната вечер на 16 март во т.н. дискотека Пулс во Кочани“, соопшти СДСМ.
„Фактот што четири месеци ВМРО-ДПМНЕ се обидуваше да ја сокрие одговорноста на полицајците и полициските функционери, фактот што нивната вина беше негирана од страна на Панче Тошковски и Христијан Мицкоски укажува на тоа дека сите биле вмешани или на некој начин знаеле за нелегалното работење на Пулс и тоа го одобрувале.
Само поради обидите да се сокрие одговорноста од страна на Тошковски и Мицкоски на лицата кои тие ги поставија за полицајци, командири и началници би требало веднаш да си поднесат оставки.
Одговорност мора да има и за Александар Јанев, директорот на БЈБ. Тошковски и Јанев не смеат повеќе да ја попречуваат истрагата ниту да влијаат некој да не сноси одговорност.
Вистината за Кочани која цела недела ја објавуваше СДСМ е точна. Се покажа дека без силен притисок на јавноста, на дел од медиумите и на СДСМ нема да има правда за Кочани. Време е за одговорност, време е за оставки“, се додава во соопштението на СДСМ.