Свет
Потпишување на Лисабонскиот договор
Договорот за спроведување реформи во институциите на Европската Унија(ЕУ) денеска во Лисабон ќе го потпишат највисоките претставници на земјитечленки на Унијата.
Договорот за спроведување реформи во институциите на Европската Унија (ЕУ) денеска во Лисабон ќе го потпишат највисоките претставници на земјите членки на Унијата. Договорот треба да ги поедностави механизмите за одлучување и раководење во ЕУ и да овозможи и влез на нови држави членки во Унијата. „Договорот од Лисабон“ се очекува конечно да ја реши долгата криза во ЕУ, што настана во 2005 година, откако на референдуми во Франција и Холандија беше отфрлен предлогот за уставот на Унијата. Оценка е дека новиот документ е основа ЕУ долгорочно да се стабилизира како урамнотежена структура со поделен национален и наднационален суверенитет. За подалечната иднина останува можноста Унијата да стане „европска федерација“, со поголема централизирана политичка, економска и воено – безбедносна власт.Таквиот предлог засега го одбиваат Велика Британија, и уште неколку членки на ЕУ. Ратификацијата на Договорот се очекува да биде завршена до јуни 2009 година. /крај/хи/ам Copyright 2007 makfax. Сите права се задржани. Текстов не смее да се печати или емитува, во целина или во делови, без договор со makfax.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.