Свет
Татко и ќерка преживеале пад од 13 кат
Чилеанецот Алберто Росас и неговата седумгодишна ќерка Фернанда преживеале пад од 13ти кат од зграда во Консепсион, при рушење на зградата предизвикано од земјотресот кој го погоди Чиле.
Чилеанецот Алберто Росас и неговата седумгодишна ќерка Фернанда преживеале пад од 13ти кат од зграда во Консепсион, при рушење на зградата предизвикано од земјотресот кој го погоди Чиле.
По пропаѓањето на зградата, тие успеале сами да се извлечат од под рушевините.
Росас и неговата ќерка спиеле во својот стан и наеднаш се почнало да се тресе.
Кога зградата почнала да се руши, таткото и ќерката почнале да пропаѓаат заедно со зградата.
Тие останале во рушевините, но ја здогледале светлината од месечината во далечината и го пронашле патот до излезот.
Успеале да излезат надвор и поминале без тешки повреди.
Росас по излегувањето од рушевините ја одвел својата ќерка кај мајка и се вратил да им помогне на службите за спасување.
Во Консепсион по земјотресот со јачина 8,8 степени според Рихтеровата скала завладеал хаос, па полицијата вчера
употребила солзавец и водени топови да ги растера крадците кои краделе храна од супермаркетите.
Безбедносните сили на Чиле уапсиле 55 лица кои не го почитувале полицискиот час и краделе по супермаркетите.
Центарот на Чиле вчера го погоди нов земјотрес со јачина од 6,2 степени според Рихтеровата скала.
Потрагата по живи лица под рушевините во Чиле продолжува, пренесуваат светските медиуми./крај/бл/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Ерупција на вулканот Руанг во Индонезија:, евакуирани повеќе од 12.000 луѓе
Во Индонезија се евакуирани 12.000 луѓе кои живеат во близина на островот Сулавеси, каде што еруптираше вулканот Руанг, за што Центарот за вулканологија и проценка на геолошки ризик прогласи највисоко, четврто ниво на тревога.
Жителите на островот се преместени во градот Манадо, а Центарот ги предупреди граѓаните на соседниот остров Тагуланданг дека постои опасност од цунами поради паѓање на материјал од вулканот во океанот, пренесува Ројтерс.
Се проценува дека чадот над вулканот достигнал висина од пет километри, поради што биле евакуирани жителите во радиус од седум километри.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Свет
Шест лица загинаа во напад на џамија во Авганистан, непознато лице пукало во цивили
Најмалку шест лица загинаа, а едно лице е рането во џамија во авганистанскиот град Андишех во областа Гузара, изјави авганистанскиот министер за внатрешни работи Абдул Матин Кани.
Тој изјави дека „непознато вооружено лице пукало во цивилни верници во џамијата“ вчера во 21 часот по локално време, пренесува Ал Џезира.
Меѓу убиените е и имамот на џамијата во која се молеле шиитските муслимани.
Ројтерс јавува дека меѓу жртвите има и дете.