Свет
Костовски ќе го легализира Шпанско село
Се подготвува студија за парк – шумата Водно со која точно треба да се утврди до каде може да се прошири градежниот појас во заштитеното зеленило
СО РЕВИЗИЈАТА НА ГЕНЕРАЛНИОТ УРБАНИСТИЧКИ ПЛАН ЗА СКОПЈЕ
Се подготвува студија за парк – шумата Водно со која точно треба да се утврди до каде може да се прошири градежниот појас во заштитеното зеленило
Елитната дива населба на Водно која скопјани ја нарекоа Шпанско село градските влести размислуваат да ја легализираат и со измените да ја внесат во Генерален урбанистички план на Град Скопје. Следниве две години треба да се направи ревизија на ГУП. Мирче Кокалески, раководител на одделението за урбанизам во Градот вчера ни изјави дека до втората половина на годината треба да се направи студија за Парк – шумата Водно со која точно ќе се знае дали и до каде може да се прошири урбанистичкиот појас во заштитената природа. Според него студијата ќе ја прават експерти кои детелано ќе го разгледаат теренот и ќе го кажат своето мислење.
"Ако се процени дека градежниот појас на Водно може да ги зголеми своите граници, тогаш изградените објекти ќе ги легализираме и инвеститорите ќе си добијат градежна документација. Миселње треба да дадат и надлежните општини кои до крајот на месецот имаат обврска до Градот да ги достават корекциите на ГУП – от", ни рече вчера Кокалески.
Уривањето на луксузната дива населба е последната опција со која градот размислува да го реши проблемот со нелегалните објекти во заштитената зона на Водно. Дознаваме дека градските власти ќе ги понудат сите можни решенија проблемот да се реши во корист и на дивоградителите и на Градот. Со легализацијата на објектите Градот ќе ја наполни својата каса, а инвеститорите нема да ги изгубат објектите во кои вложиле грдни пари.
Со најновата идеја на Градот за легализација на дивата населба падна во вода елаборатот на Државниот градежен инспекторат, со кој требаше да се урнат педесетината луксузни куќи во Шпанско село. Во него се регистрирани сите објекти кои се изградени надвор од границите на ГУП . Во елаборатот има целосни податоци за луксузните дивоградби кои се документирани со дигитални снимки. Точно се знае која градба колкава површина зафаќа и кој ја изградил.
Кокалески вчера нагласи дека клучна измена што треба да се направи во ГУП-от е што треба да се направи е внесувањето на Општина Сарај во рамките на градот. Тој рече дека се предвидени уште неколку ситни измени на планот кои во градот треба да ги пријават Општините.
"До сега корекција добивме само од Општина Ѓорче Петров. Таму треба да се прави измена на делот од ГУП-от каде што е предвидена изградба на индустриски објекти. Место индустриска зона, во изменетиот ГУП треба да стои станбени згради", вели Кокалески. (И.С.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Германска компанија лансираше ракета напојувана со цврсто парафинско гориво
Германската компанија HyImpulse денеска успешно лансираше ракета, напојувана со цврсто парафинско гориво, која ќе може да носи комерцијални сателити.
„Ја покажуваме силата на Германија како вселенска нација и го прошируваме пристапот на Европа до вселената“, рече шефот на компанијата Марио Кобалд.
We will be attempting to launch the SR75-1 ‘Light this Candle!’ mission from the Koonibba Test Range tomorrow Friday 3 May from 1430 (ACST)!
To view the launch travel to the Koonibba township.
The launch is subject to weather and may be delayed or scrubbed on the day. pic.twitter.com/xJiOopzK9n— Southern Launch (@SouthernLaunch) May 2, 2024
Дванаесет метри долга и 2,5 тони тешка ракета наречена SR75 беше лансирана околу 5 часот по европско време од Куниба, Австралија.
Може да носи помали сателити со тежина до 250 килограми до височина до 250 километри, а може да работи на цврсто парафинско гориво или течен кислород
At 2.40pm ACST @HyImpulseTech successfully launched their SR75 rocket from @SouthernLaunch‘s Koonibba Test Range. 🚀
The mission was the inaugural launch attempt of the SR75 rocket, & the first high power rocket permit to be issued under 🇦🇺 Australian law. pic.twitter.com/pmM6t3Uj0v
— Australian Space Agency (@AusSpaceAgency) May 3, 2024
Парафинското гориво се користи како поевтино и побезбедно алтернативно ракетно гориво. HyImpulse тврди дека заштеди до 50 проценти.
Германската компанија со околу 65 вработени објави дека веќе добила преднарачки за лансирање сателити во вредност од над 100 милиони евра.
HyImpulse сака да го прошири својот бизнис бидејќи расте побарувачката за транспорт на комерцијални сателити, па до 2032 година сака да оствари приходи од 700 милиони евра.
Свет
(Видео) Кина лансираше сонда на помалку истражената страна на Месечината
Кина денеска лансираше лунарна сонда на далечната страна на Месечината за да собере примероци кои би можеле да обезбедат увид во геолошките и другите разлики помеѓу далечната, помалку истражената и поблиската страна на Месечината.
Месечевата сонда Чанг’е го добила името по кинеската митска божица на Месечината. Ја носи ракета Long March-5 IB која беше лансирана од центарот Венчанг во јужната провинција Хаинан, соопшти кинеската Национална вселенска администрација.
Откако ќе орбитира околу Месечината за да ја намали брзината, лендерот ќе се одвои од леталото и ќе започне да собира примероци веднаш штом ќе се спушти на површината на Месечината пред да се врати на Земјата.
Мисијата ќе трае 53 дена.
Европа
Орбан: Унгарија ќе ги зголеми трошоците за одбрана доколку војната во Украина продолжи
Унгарија ќе мора да ги зголеми трошоците за одбрана и следната година доколку војната во Украина продолжи до 2025 година, со што ќе се намали износот на расположливите средства за други трошоци, изјави денеска унгарскиот премиер Виктор Орбан.
Орбан изјави за државното радио дека доколку војната во Украина се пролонгира до 2025 година, нивоата на средства за одбрана на Унгарија за 2023 и 2024 година нема да бидат доволни и ќе мора да се зголемат, пренесува агенцијата МТИ. Орбан изјави дека е загрижен за иднината на Европа и дека унгарската влада нема да дозволи Унгарија да биде принудена да влезе во војна по трет пат, откако учествуваше во Првата и Втората светска војна.
Премиерот на Унгарија смета дека е потребно европско безбедносно решение во кое ќе биде вклучена Русија и дека американската воена индустрија најмногу профитирала од војната во Украина, откако САД испратија најголема воена помош во Киев.
„Нашето историско искуство со војната е дека можете само да изгубите. Колку сте поблиску до воената зона, толку е поголема цената што ја плаќате“, рече Орбан.
Унгарија значително ги зголеми одбранбените распределби минатата година на 2,43 отсто од БДП, што е над два отсто на кои се обврзаа членките на НАТО, наведува МТИ.