Свет
Обама: Барам некого да натепам
Затката на изворот во Мексиканскиот залив на ден собира меѓу една третирна и три четвртини од нафтата, но истовремено се јавува страхувањето бидејќи големата нафтена дамка се разби на многу помали кои ќе бидат тешко да се контролираат а последиците ќе се чувствуваат со години
Првиот човек кој е одговорен да се носи со големото еколошко загадување откако експлодираше и потона нафтената платформа Deepwater Horizon на Бритиш петролеум во Мексиканскиот залив на 20-ти април при што загинаа 11 работници по што нафтата почна неконтролирано да истекува загрозувајќи го еко системот во заливот и јужните брегови на САД, е адмиралот Тед Ален командант на американскта Крајбрежна стража. Тој смета дека раслојувањето на дамката може да претставува нов проблем. Дамката од површината може да се исчисти во рок од неколку месеци, но долгорочните проблеми ќе останат со години, вели Ален.Куполата којашто беше поставена над изворот на морското дно минатата седмица собира околу 2,3 до 4,8 милиони литри нафта дневно, пресметуваат во Крајбрежната стража. Бритиш петролеум, пак, во понеделникот наведе дека во текот на тој ден се собрани 1,4 милиони литри. Со затворањето на што поголем број вентили, се собира се поголемо количество нафта. Засега инженерите на компанијата се обидуваат да го избегнат формирањето кристали што беше причина за прекинувањето на сличниот обид пред еден месец кога беше ставено четирислојното ѕвоно тешко 100 тони.Сега се дизајнира нова купола којашто треба да биде малку поголема од оваа што е псотавена во моментот, но која подобро „ќе легне“ на цевката и така ќе може да собира повеќе нафта. Таа ќе биде дизајнирана и да биде отпорна на урагани, имајќи предвид дека нивната сезона започна на 1-ви јуни. Во САД повеќето од стручњаците се задоволни со овој напредок, но и натаму се чувствува голема претпазливост особено кога станува збор за изнесувањето бројки или, пак, процени. Американскиот претседател Барак Обама кој беше критикуван дека слабо одговорил на еколошката криза, во последно време дава се поостри изјави во однос со катастрофата. Дури во едно интервју рече дека разговара само со рибарите и обичните луѓе. „Тие можеби ги имаат најдобрите одговори, и затоа разговара со нив, за да знам кого да натепам.“ Ден претходно, Обама изјави дека изворот ќе биде затворен.„Изворот ќе биде затворен. Може ќе биде потребно малку време, но секако ќе биде потребно многу труд. Брегот на Мексиканскиот залив ќе претпрпе штети, аќе има и економски штети за кои мора да се обезбедиме да ги покрие БП“, рече американскиот претседател во едно од неговите претходни интервјуаа во врска со кризата во Мексиканскиот залив. Меѓутоа, во вторник адмиралот Ален повторно предупредува на опасноста од тоа дамката да се раситни на помали. „Заради се што се случи во последните неколку седмици, дамката се дезинтергрираше. Веќе не станува збор за голема компактна дамка. зборуваме за стотини или можеби илајднии помали дамки кои се движат во различни насоки“, изјавил адмиралот додавајќи дека тоа претставува и јавување на нови проблеми.Нафатат којашто на некои места е црвена а на некои има кафена боја, веќе допре до бреговите на сојузните држави Луизијана, Мисисипи, Алабама и Флорида. Најмногу смртоносно таа влијаеше врз рибите, влекачите и птиците кои нуркаат да најдат нафта. На бреговите се стотици еколози кои им помагаат на птиците чии перја се маслосани со нафтаТрошоците н ачситењето на нафтата веќе надминаат 1,25 милијарди долари, соопшти во понеделникто Бритиш петролеум. Конечниот износ засега никој не може да го предвиди, Може да се случи, британската компанија на крајот да претрпе загуба од десетици милијарди долари, бидејќи САД бездруго ќе бараат голема компанзација за најголемата еколошка и нафтена катастропфа во нивната историја,а компанијата ќе се соочи и со илјадници приватни тужби.Американските медиуми потсетуваат на катастрофата која во 1989 г. беше предизвикана со потонувањето на танкерот на Exxon „Валдез“ крај брегот на Аласка. Тоа досега беше најголемото излевање на нафта од 11 милиони галони, но се претпоставува дека истата големина може да ја достигне и хаваријата во Мексиканскиот залив. Имено се предвидува дека само брегот може да го загадат околу 4,5 милиони галони нафта, со што Deepwater Horizon ќе биде една од најголемите светски еколошки катастрофи. Еxxon до денес има исплатено 4,3 милијарди долари отштети и за чистење на регионот од излеаната нафта.ќе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Детали од пропаднатиот мировен договор меѓу Русија и Украина: „Киев да гарантира трајна неутралност, а Москва да не напаѓа“
Русија и Украина беа блиску до постигнување мировен договор во пролетта 2022 година, според кој Киев бил подготвен да се посвети на неутралност, пренесува „Велт“ повикувајќи се на нацрт-договорот.
Повикувајќи се на документ од 17 страници од 15 април 2022 година, германскиот весник наведува дека Москва и Киев постигнале начелен договор и дека преостанатите разлики ќе бидат „измазнети“ на самитот меѓу претседателите на Русија и Украина, Владимир Путин и Володимир Зеленски.
Според „Велт“, Украина тогаш се обврзала на „постојана неутралност“ без присуство на странско оружје или војници, како и да не „прима, произведува или стекнува“ нуклеарно оружје. Киев, наводно, гарантирал и дека нема да одржува воени вежби со други земји.
За возврат, Русија се обврза да не ја напаѓа Украина, а Киев можеше да добие безбедносни гаранции од САД, Велика Британија, Франција и Кина. Доколку Украина биде нападната, нејзините гаранти ќе го поддржат нејзиното право на самоодбрана во рок од три дена, со ратификација на соодветните договори од секоја држава учесничка, што ќе ги направи правно обврзувачки.
„Велт“ наведува и дека договорот го исклучил рускиот полуостров Крим, како и делови од Донбас од какви било безбедносни гаранции дадени на Украина.
Сепак, не е јасно кои делови на Донбас беа опфатени со клаузулата. Весникот наведува дека иако Русија сакала да се утврдат точните граници на самитот Путин-Зеленски, Киев одбил, инсистирајќи дека тие се засновани на украинско толкување.
Во исто време, Москва наводно сигнализирала дека е подготвена да ги повлече своите војници од украинска територија, но не и од Крим и Донбас. И тоа требаше да разговараат Путин и Зеленски.
Двете страни, исто така, наводно имале големи несогласувања околу големината на украинската војска, бидејќи Киев сакал да задржи многу повеќе војници отколку што Москва била подготвена да дозволи.
„Велт“ објави дека Москва бара рускиот да стане втор официјален јазик во Украина. Русија, наводно, побарала укинување на сите меѓусебни санкции и отфрлање на тужбите, истовремено повикувајќи го Киев да го забрани нацизмот и „агресивниот национализам“. Украина ги одби тие барања, пишува весникот.
Коментирајќи го сега пропаднатиот договор, еден украински преговарач за „Велт“ изјави: „Тоа беше најдобриот договор што можевме да го постигнеме“. Преговарачот исто така изјави дека Киев бил во посилна преговарачка позиција во 2022 година отколку сега.
Руските власти претходно потврдија дека Украина и Русија се блиску до мировен договор, но тврдеа дека напредокот е закочен од тогашниот британски премиер Борис Џонсон, кој наводно го советувал Киев да продолжи со борбите. Џонсон ги отфрли обвинувањата.
Свет
„Смрт за Америка и Израел“: Хутите тврдат дека собориле американски борбен дрон
Јеменската милитантна група Хути соопшти дека соборила американско борбено беспилотно летало MQ-9 Reaper и објави видео на кои се прикажани делови од дронот.
Хутите тврдат дека го собориле дронот со проектил земја-воздух, дел од новата серија напади на бунтовниците оваа недела, по релативно затишје во војната меѓу Израел и Хамас во Појасот Газа.
Пентагон, Централната команда на САД и американските воздухопловни сили не ја коментираа изјавата на милитантите, но Си-Би-Ес Њуз цитираше неименуван американски функционер кој потврдил дека дронот се урнал во Јемен.
Видеото објавено од Хутите вклучува ракета која е лансирана кон беспилотно летало, а во позадина се слуша како човек го рецитира слоганот на групата по ударот на авионот: „Господ е најголем, смрт за Америка, смрт за Израел, проклетство на Евреи, победа на исламот“.
На видеото се прикажани и неколку главни делови од дронот, вклучувајќи го и логото на General Atomics, која го произведува авионот, како и серискиот број.
Свет
Апокалипса во Кина: силно торнадо руши се’ пред себе, 5 загинати и многу повредени
Најмалку пет лица загинаа, а 33 се повредени во силно торнадо што денеска го погоди јужниот кинески град Гуангжу, јави кинескиот јавен сервис CGTN.
Сеизмолошкиот институт соопшти дека торнадото било на ниво 3, што е две нивоа под највисокото, а увидот за материјалната штета е во тек, објави државната новинска агенција Ксинхуа.
Метеоролошката станица во селото Лијангтиан во округот Бајин, на околу три километри од местото каде што потекнува торнадото, попладнево забележа максимален удар на ветер од 20,6 метри во секунда.
Претходно во текот на денот, градските власти издадоа предупредувања за можна појава на грмотевици, дожд, град и торнада во многу окрузи.
Ова доаѓа додека провинцијата Гуангдонг се бори со рекордни поплави предизвикани од обилните дождови, кои однесоа најмалку четири животи и раселени десетици илјади луѓе низ неколку градови.
Најмалку 10 лица се водат како исчезнати.