Свет
Полска одобри израчување на агент на Мосад на Германија
Апелациониот суд во четврток го одобрил израчување на наводниот агент на Мосад на Германија каде се сомничи за помагање на атентаторите врз лидерот н аХамас во Дубаи минатата зима
Полскиот суд ја потврди јунската одлука на понискиот суд израелскиот државјанин Ури Бродски да го испорача на Германија под обвинение за фалсификување документи, но не и за шпионажа, пренесува DPA. Судот проценил дека шпионирањето против Германија во Полска не е кривично дело. Пресудата значи дека на Бродски во Германија ќе може да му се суди за фалсификување но не и за шпионажа. Пресудата стана правосилна и треба да биде извршена во рок од десет дена.Германија побара испорачување откако на 4-ти јуни Бродски беше уапсен на аеродромот во Варшава, по меѓународна потерница. Таму е осомничен дека дејствувал како агент на странска тајна служба и помагал во фалсификувањето на германски пасоши за еден од напаѓачите врз високиот функционер на Хамас, Махкмуд ал-Мабух. За тоа кривично дело е предвидена казна од три години затвор. Израел се спротистави на испорачувањето со образложение дека со тоа би требало да се занимава израелското правосудство. Барајќи Полска да не го израчи Бродски, Тел Авив ја стави Варшава во незгодна позиција да мора да мира меѓу дава значајни сојузници – Германија и Израел. Полскиот премиер Доналд Туск изјави дека се надева дека овој случај нема да наштети на полско-изрелските односи, но додал дека според европското законодавство полскиот суд не може да донесе поинаква пресуда. Германи, како и повеќето западни држави беше револтирана од фактот што нејзини пасоши биле употребени од припадниците на тимот атентатори на Мосад за кои се верува дека на 19-ти ноември во хотел крај Дубаи го убиле ал-Мабух кој беше еден од главните основачи на военото крило на Хамас.Полицијата во Дубаи го обвинува Мосад за убиството на Махмуд ал-Мабхуд, еден од водачите на исламската организација Хамас. Според полицијата во Дубаи, осомничените за убиството пристигнале од Париз, Рим, Милано и од Хонг Конг, а по убиството се расштркале по светот. Двајца од нив заминале за Иран со брод.Атентаторите користеле лажни пасоши со имињата и податоците на сопствениците на документите, а осомничени се 27 луѓе, од кои 12 со докумнети на британски државјани.Во март Интерпол со ова вкупно издаде 27 потерници за убиството на ал-Мабхуд во неговата хотелска соба крај Дубаи. Претходно, на 18-ти февруари Интерпол издаде 11 потерници по исто толку осомничени лица. Овие 11-мина патувале со лажни британски, ирски, француски и гермаски пасоши. Шестмина од нив се Британци кои живеат во Израел и негираат какваи да е вмешаност во убиството, а тврдат дека идентитетите им се украдени.Австралиската влада остро реагираше на употребата на австралиски пасоши на луѓето кои може да се вмешани во убиството, па на Израел му е јасно ставно до знаење дека доколку истрагата покаже дека злоупотребата на нивните пасоши, на некој начин е спонзорирано од израелските надлежни, одговорот нема да биде пријателски. И другите земји, чии пасоши се појавуваат кај осомничените ги повикале на разговор амбасадорите од Израел во нивните земји.Израел ниту ја потврдува, ниту ја негира вмешаноста, но нивниот министер за надворешни работи вели дека тоа не може да се поврзи со убиството. Мабхуд, роден во појасот Газа, живеел во Сирија од 1989 г. и израелските и палестинските извори велат дека играл улога на шверцер на иранско оружје за милитантите во Газа. Неименуван разузнавачки извор претходно изјави дека ал-Мабхуд бил клучната личност преку која во појасот Газа пристигнувале иранските ракети со дострел од 40 километри. Меѓутоа, ни тој не потврдил дека Израел има некакво учество во неговата смрт.Во соопштението по повод убиството, Хамас потврди дека ал-Мабхуд бил еден од втемелувачите на военото крило на организацијата која изведе стотици бомбашки напади против израелски цели. Движењето, исто така, вели дека тој бил мозокот во заробувањето и убиството на двајца израелски војници за време на палестинската револуција во осумдесетите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
48 лица загинаа во страшна несреќа во Кина, Кинезите го слават херојскиот потег на камионџијата
Кинезите го слават возачот на камион кој го паркирал своето возило преку автопат за да спречи повеќе возила да не се стркалаат по падината по уривањето на автопат. Најмалку 48 лица загинаа во несреќата на југот на земјата.
Ванг Ксијангнан во средата возел по автопат во провинцијата Гуангдонг кога забележал неколку возила кои се движат во спротивна насока на автопатот со четири ленти. Набрзо еден колега возач го известил дека автопатот пропаднал.
Поранешниот војник Ванг брзо го позиционирал својот камион да го блокира автопатот, ефикасно запирајќи десетици возила да продолжат кон амбисот. Во меѓувреме, неговата сопруга излегла од камионот за да ги предупреди другите возачи за ситуацијата, јавуваат кинеските медиуми.
„Не размислував премногу. Само сакав да ги запрам возилата“, изјави Ванг за кинеската новинска агенција. Храбрите постапки на Ванг не само што добија пофалби од Кинезите на социјалните мрежи, туку и признанија од Кинеската фондација за развој на работниците.
Фондацијата во петокот објави дека му доделила на Ванг 10.000 јуани (1.414 долари) во соработка со една автомобилска компанија. Добротворниот проект поврзан со технолошкиот гигант Алибаба, исто така, му даде на Ванг еднаков износ. Ванг изјави за весникот дека парите ќе ги донира на семејствата на жртвите од колапсот.
Локалните медиуми, исто така, објавија дека уште еден маж клекнал за да ги спречи автомобилите да продолжат по автопатот. Несреќата се случила по цел месец обилни дождови во Гуангдонг. Некои од 23-те возила кои паднаа во длабоката провалија се запалија, по што се издигнаа густи облаци од чад.
Во саботата, градската влада на Меиџоу во Гуангдонг објави дека властите ќе спроведат проверки на автопатите, железниците и патиштата во планинските области. Тим предводен од гувернерот на провинцијата ги истражува причините за падот.
Свет
Садик Кан по трет пат стана градоначалник на Лондон
Градоначалникот на Лондон, Садик Кан победи на изборите во главниот град по трет пат, победувајќи ја Сузан Хол од британската Конзервативна партија.
Кан, кој е од Лабуристичката партија, победи во девет од 14-те изборни единици во Лондон.
Тој обезбеди 1.088.225 гласови, додека за Хол гласале 812.397 гласачи, пренесува „Стандард“.
Свет
(Видео) Мачна сторија: 98-годишна Украинка пеш, во влечки побегнала од фронтот во Доњецк за да се најде со семејството
Лидија Ломиковска (98) се споила со семејството неколку дена откако избегала од украинскиот фронт, поради што пешачела 10 километри во влечки.
98-годишната жена која побегнала од територијата во Украина окупирана од Русија користејќи стап, само во влечки, и повторно се споила со своето семејство неколку дена откако биле разделени додека бегале на безбедно.
Лидија и нејзиното семејство одлучиле да го напуштат градот Очеретине, во источниот регион на Доњецк, откако руските војници влегле во него минатата недела и борбите се интензивирале.
– Се разбудив опкружен со пукотници, беше толку страшно – изјави Ломиковска во видео интервјуто што го објави полицијата во Доњецк.
Таа беше разделена од синот и снаите, од кои и едната беше повредена од шрапнел неколку дена претходно. Помладите членови на семејството тргнале по споредни патишта, но Лидија сакала да остане на главниот пат.
Со бастун во едната рака и парче дрво во другата, Ломиковска цел ден пешачела без храна и вода за да стигне до украинските линии.
Ломиковска рече дека два пати паднала и дека понекогаш морала да застане за да се одмори, а во еден момент дури и задремала пред да го продолжи патувањето.
– Еднаш изгубив рамнотежа и паднав во тревата. Заспав малку и продолжив да одам. И тогаш, по втор пат, пак паднав, но потоа станав и помислив, морам да одам, малку по малку – рече Ломиковска.
Павло Дјаченко, портпарол на полицијата, изјави дека украинските војници ја забележале Ломиковска како оди по патот во вечерните часови. Тие ја предале на „Белите ангели“, полициска група која ги евакуира граѓаните кои живеат на линијата на фронтот, кои ја однеле во прифатилиште за евакуирани и контактирале со нејзините роднини.
Ломиковска вели дека ја преживеала Втората светска војна.
– И јас морав да ја поминам оваа војна и на крајот останав без ништо – рече таа и додаде: – Таа војна не беше како оваа. Ниту една куќа не изгоре. Но, сега се гори – му рекла таа на својот спасител.
Извршниот директор на една од најголемите украински банки во вторникот на својот канал Телеграм објави дека банката ќе ѝ купи куќа за Ломиковска.
– Монобанк на Лидија Степанивна ќе и купи куќа и таа безбедно ќе живее во неа додека не заврши војната – изјави Олех Хороховски.
A story of a 98-year old Lydia Stepanivna from #Ocheretyne in Donbas who walked 10 km to escape the hell of occupation.
– I survived WWII, but this war is worse. In WWII not a single house in our village burnt – and now there’s nothing left.#StandWithUkraine pic.twitter.com/20lMAXGWYI
— olexander scherba🇺🇦 (@olex_scherba) April 29, 2024