Владата  го усвои предлог-законот за трансформација во редовен работен однос, со што повеќе од три илјади кои се вработени во државните институции,  по основ на волонтерски договори, договори за дело, авторски договори или друг вид на договори на определно работно време, ќе бидат вработени на неопределено време, соопшти во вторникот вицепремиерот за економски прашања, Владимир Пешевски.
 

Владата  го усвои предлог-законот за трансформација во редовен работен однос, со што повеќе од три илјади кои се вработени во државните институции,  по основ на волонтерски договори, договори за дело, авторски договори или друг вид на договори на определно работно време, ќе бидат вработени на неопределено време, соопшти во вторникот вицепремиерот за економски прашања, Владимир Пешевски.

„Денеска сакаме да информираме дека Владата на Република Македонија го усвои предлог законот за трансформација во редовен работен однос, со кој што закон се решава еден огромен предизвик кој го имаше една огромна, слободно можам да кажам неколку илјадна популација на граѓани и  индиректно и предизвик за нивните семејства. Со Законот за трансформација во редовен работен однос се обезбедува решавање на статусот на неколку илјади лица кои се ангажирани по основ на волонтерски договори, договори за дело, авторски договори или друг вид на договор во органите на државната власт, установите од областа на културата, образованието, здравството, детската и социјалната заштита основани од Република Македонија и единиците на локална самоуправа, како и јавните претпријатија, заводите, фондовите и други правни лица чиј основач е Република Македонија“, изјави Пешевски.

Владата одлучи овие лица кои подолго време извршуваат значајни работи во институциите во кои се ангажирани да го остварат правото на редовен работен однос, и на ваков начин едновремено се зголемува нивната одговорност во извршувањето на работните обврски и задачи, а од друга страна се обезбедува и адекватно социјално осигурување (пензиско и здравствено) на овие лица и остварување на сите права од редовен работен однос, што се разбира ќе влијае позитивно и на продуктивноста, ефикасноста и ефективноста на трудот.

Со законот се предвидува сите лица кои биле ангажирани во работен однос кој не бил од траен карактер, односно не биле редовно вработени, а биле ангажирани во таков работен однос најмалку три месеца и тоа заклучно со 30.11.2014 година а и во моментов се активно ангажирани на работа во институциите, да можат да го остварат правото за засновање на редовен работен однос, односно работен однос на неопределено време.

Имплементацијата на овој закон ќе започне веднаш по изгласувањето на законот во Собранието и неговото стапување во сила. Со денот на стапување на сила на овој закон, институциите се должни во рок од 30 дена да склучат договори за редовен работен однос со ангажираните лица.

Приоритет во однос на динамиката за стапувањето на сила на договорите за редовен работен однос ќе имаат лицата кои се ангажирани во институцијата најдолг временски период, односно оние кои најдолго се ангажирани ќе бидат најпрво воведени во редовен работен однос, односно први ќе бидат редовно вработени./крај/мф/бс