Македонија
Османи : Политичките партии да не ја злоупотребуваат вчерашната трагедија
Ние сме одлучни да одиме до крај да ја откриеме вистината за вчерашната трагедија во Тетово и сакам да пратам апел до политичките партии и до сите субјекти да не ја злоупотребуваат вчерашната трагедија за собирање на политички поени бидејќи има индикации дека истрагата може да тропне и на нивни врати.
Ова е пораката која денеска ја упати Министерот за здравство Бујар Османи по вчерашната трагедија во Тетовскиот клинички центар, кога од силниот ветер се откорна покривот при што животот го загуби 23 годишна студентка од Косово а триесет и деветгодишен скопјанец се здоби со сериозни повреди.
Министерот Османи денеска информираше дека изведувач на самиот покрив кој бил реконструиран пред три години била тетовската фирма Еуропроект а надзорот го водел „Иванов инженеринг“ од Битола.
Османи денеска повтори дека по оваа трагедија , почната е вонредна акција за проверка на структуралната и финкционаланата безбедност на сите здравствени установи во државава.
Во тек е истрага и детална контрола на градбата , која треба да покаже дали причината за вчерашната несреќата е човечки фактор или временските услови.
Пред само неколку дена се урна покривот на болницата во Гостивар. Тогаш немаше жртви, причинета беше само материјална штета./крај/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.