Македонија
Тачи – Охридскиот договор е мртов
Охридскиот договор не се имплементира, тој е мртов, а Владата на Македонија последнава година само потврдува дека тој договор е мртов
Охридскиот договор не се имплементира, тој е мртов, а Владата на Македонија последнава година само потврдува дека тој договор е мртов.
Ова денеска во интервју за Радио Слободна Европа го изјави лидерот на опозиционата Демократска партија на Албанците (ДПА) Мендух Тачи, објаснувајќи зошто се залага за нов договор.
Сето ова го правам како последна опомена дека Македонија е пред голема опасност, рече Тачи порачувајќи им на сите што толку многу ги потценуваат Албанците и системот на мерење на капацитетот на Албанците како дилетанти и луѓе што ништо не ги интересира- ако овој предлог не успее, ќе бидеме живи, ќе видиме.
Капацитетите, енергијата на Албанците, ако ова не се прифати, ќе завршуваат со албанска држава внатре во овие територии, нагласува лидерот на ДПА.
Можеби до одредени места ќе има промени на Уставот, но треба да разјасниме нешто. Апсолутно не се зборува за територија, за федерализација, туку ако ги нервира овој наш Договор, ние ќе имаме друг пристап, рече Тачи, додавајќи дека ќе го земеме Охридскиот Договор и да видиме до каде се исполнети тие начела што ги има во него. Ако е 30% исполнето, тогаш да се договориме како да ги надминеме другите 70%.
Ќе бараме соработка со сите, особено со меѓународната заедница. Сеуште давам предност на таа парадигма ЕУ и НАТО, мултиетничност, изјави во интервју за Радио Слободна Европа лидерот ДПА Мендух Тачи.
Претходно, Тачи, како што јави албанската телевизија „Топ Чанел“. го обвини македонскиот премиер Никола Груевски, дека има за цел да ја уништи Македонија.
Тачи акцентот на своето обвинување го стави на Охридскиот договор, кој, според него, е целосно уништен токму од Македонците и врвот на Владата./крај/рсе/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Македонија
Изборниот ден е неработен за сите граѓани
Поради одржување на парламентарните и вториот круг од претседателските избори, денешниот ден е неработен за сите граѓани во Република Македонија.
Работодавачите не треба да извршуваат дејност со исклучок на оние каде работните процесите заради својата природа не можат да се прекинат.
Поради првиот круг од претседателските избори, неработен беше и 24 април. Според одлуката на техниката Влада, двата неработни дена нема да се одработуваат.
Македонија
Започна вториот круг од претседателските и парламентарните избори
Во Македонија утрово започна вториот круг од претседателските и парламентарните избори.
Избирачките места, од кои вкупно 3.480, беа отворени во седум часот, а ќе бидат затворени во 19 часот.
Во вториот круг од претседателските избори граѓаните ќе одлучуваат меѓу Гордана Силјановска Давкова и актуелниот претседател Стeвo Пандеровски.
На парламентарните избори, граѓаните ќе можат да избираат помеѓу 17-те изборни листи, меѓу кои коалицијата „За европска иднина“ предводена од СДСМ, коалицијата „Твоја Македонија“ предводена од ВМРО-ДПМНЕ, коалицијата „Храбро за Македонија“ предводена од ГРОМ, партијата Левица, коалицијата „Европски Фронт“ предводена од ДУИ, коалицијата „Вреди“, движењето ЗНАМ, партиите Родина, Македонска Ера Трета, Демократи, Единствена Македонија, Нова Алтернатива, Аваја, Твоја, Десна, Работничката партија, како и за групата избирачи Џула Челику.