Свет
Нетанјаху го прими Абас во резиденцијата во Ерусалим
Израелскиот премиер Бенјамин Нетанјаху го пречека во својата резиденција во Ерусалим палестинскиот претседател Махмуд Абас при што ги продолжиле разговорите за мировниот договор
Како што пишува Reuters, и по средбата во среда на Бенјамин Нетнајаху и Махмуд Абас, нема знаци дека израелската и палестинската страна се приближиле до решавање на спорот за контроверзната изградба на еврејските населби на Западниот брег. „Работиме многу на тоа, уште многу работа има, Драго ми е што можев да ги поздравам претседателот Абас и американската државна секретарка Хилари Клинтон тука, со заедничка желба да се постигне мир и сметам дека така треба да продолжиме“, одговорил израелскиот премиер Нетанјаху, запрашан дали е остварен напредок во поглед на еврејските населби.Ова е прво влегување на палестинскиот претседател во службената резиденција на израелскиот премиер во Ерусалим откако десничарот Нетанјаху пред година иполовина ја презема должноста. Претходно во неа се сретна со поранешнито израелски премиер Ехуд Олмерт.„Денеска повторно сум во оваа зграда. По долго време, а да ги продолжиме преговорите со надеж во остварување на мирот во целиот регион, посебно меѓу еврејскиот и палестинскиот народ“, запишал во книгата на гостите Абас.Претходно во средата официјален Вашингтон соопшти дека рокот за постигнување на мировниот договор не би требало да биде подолг од една година, а тој треба да го реши израелско-палестинскиот судир и да се заврши со воспоставување палестинска држава. „Главното прашање е: ќе има или не да има населба активност по 30 септември? Ние ќе преговара секој пет минути отсега па до 30 септември. Ако тие продолжат со изградба на населбите, ние ќе се заминеме. Ако не продолжат, ќе останеме“, изјавил за Reuters, официјален палестински претставник.Во среда државната секретарка на САД го поздравила овој состанок велејќи кусо „Ова е времето, и ова се лидерите“Велејќи дека двајцата лидери „се зафатиле со работа“ и надминување на главните прашања на конфликтот, Клинтон, исто така, не дала никакви индиции дека се дошло поблиску до решавање на спорот за изградбата на населбите кои се закана за мировните преговори што почнаа во Вашингтон за што инаку пошироката меѓународна јавност има силно изразен песимизам. Нетанјаху, чија коалициска влада е доминирана од про-колонистичките партии, во неделата изјави дека нема да се продолжи мораториумот на изградбата на доселеничките населби, но може да го ограничи опсегот на натамошната изградба во некои населби.Статусот на Ерусалим кој Палестинците го сакаат за главен град на нивната идна држава, судбината на палестинските бегалци, границите на идната палестинска држава и безбедносните договори, се главните прашања кои двете држави ќе мора да ги решт за да се обезбеди договор за траен мир..Американските аналитичари сметаат дека ненадеен крај на разговорите наскоро откако што почнаа, ќе претставува силен политички удар за американскиот претседател Барак Обама пред американските избори на средина од мандатот во ноември, на кои неговата Демократска партија се очекува да претрпи пораз.Спорните еврејски доселенички населби се градата окупираната територија од страна на Израел во 1967 г., по ткн. Блискоисточната војна, кои се прогласени како нелегални од страна на Светскиот суд според меѓународното право, што, пак е оспорувани од страна на Израел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Мачна сторија: 98-годишна Украинка пеш, во влечки побегнала од фронтот во Доњецк за да се најде со семејството
Лидија Ломиковска (98) се споила со семејството неколку дена откако избегала од украинскиот фронт, поради што пешачела 10 километри во влечки.
98-годишната жена која побегнала од територијата во Украина окупирана од Русија користејќи стап, само во влечки, и повторно се споила со своето семејство неколку дена откако биле разделени додека бегале на безбедно.
Лидија и нејзиното семејство одлучиле да го напуштат градот Очеретине, во источниот регион на Доњецк, откако руските војници влегле во него минатата недела и борбите се интензивирале.
– Се разбудив опкружен со пукотници, беше толку страшно – изјави Ломиковска во видео интервјуто што го објави полицијата во Доњецк.
Таа беше разделена од синот и снаите, од кои и едната беше повредена од шрапнел неколку дена претходно. Помладите членови на семејството тргнале по споредни патишта, но Лидија сакала да остане на главниот пат.
Со бастун во едната рака и парче дрво во другата, Ломиковска цел ден пешачела без храна и вода за да стигне до украинските линии.
Ломиковска рече дека два пати паднала и дека понекогаш морала да застане за да се одмори, а во еден момент дури и задремала пред да го продолжи патувањето.
– Еднаш изгубив рамнотежа и паднав во тревата. Заспав малку и продолжив да одам. И тогаш, по втор пат, пак паднав, но потоа станав и помислив, морам да одам, малку по малку – рече Ломиковска.
Павло Дјаченко, портпарол на полицијата, изјави дека украинските војници ја забележале Ломиковска како оди по патот во вечерните часови. Тие ја предале на „Белите ангели“, полициска група која ги евакуира граѓаните кои живеат на линијата на фронтот, кои ја однеле во прифатилиште за евакуирани и контактирале со нејзините роднини.
Ломиковска вели дека ја преживеала Втората светска војна.
– И јас морав да ја поминам оваа војна и на крајот останав без ништо – рече таа и додаде: – Таа војна не беше како оваа. Ниту една куќа не изгоре. Но, сега се гори – му рекла таа на својот спасител.
Извршниот директор на една од најголемите украински банки во вторникот на својот канал Телеграм објави дека банката ќе ѝ купи куќа за Ломиковска.
– Монобанк на Лидија Степанивна ќе и купи куќа и таа безбедно ќе живее во неа додека не заврши војната – изјави Олех Хороховски.
A story of a 98-year old Lydia Stepanivna from #Ocheretyne in Donbas who walked 10 km to escape the hell of occupation.
– I survived WWII, but this war is worse. In WWII not a single house in our village burnt – and now there’s nothing left.#StandWithUkraine pic.twitter.com/20lMAXGWYI
— olexander scherba🇺🇦 (@olex_scherba) April 29, 2024
Свет
Полјачка на миса за Меди МекКан: „Јас сум Меди. Не сум лажга. Направете ДНК тест“
Родителите на Медлин МекКен вчера вечерта не беа на бдеењето одржано по повод 17-годишнината од исчезнувањето на девојчето. Меѓутоа, на богослужбата се појавила една млада Полјачка која тврди дека таа е киднапираната Меди.
Кејт и Гери МекКен испратија порака до присутните, која ја прочита пречесниот Роберт Гладстон: „Жал ни е што не можеме да бидеме со вас вечерва. Ви благодариме што се здруживте. Поминаа 17 години откако беше киднапирана. тешко е да се поверува дека помина толку долго време“.
На бдеењето присуствувала Џулија Вендел (22), која тврди дека таа е ккиднапираната Медлин. Во рацете држела писмо кое имала намера да им го предаде на родителите на киднапираното девојче. „Јас сум Медлин МекКен. Никогаш не престанав да верувам во тоа. Дојдов овде да ги замолам Кејт и Гери да направат ДНК тест”, рекла таа по мисата, а пренесува Дејли Мејл.
„Тие не направија ништо за да докажат дека не сум нивна ќерка. Не, не сум луда. Не сум лажгоа“, додала таа. Во селото Ротли се одржа бдение. Семејството МекКен и понатаму се надева дека нивната ќерка, која сега би имала 20 години, е сè уште жива.
Германската полиција, од друга страна, смета дека Меди е убиена и има намера да го обвини Кристијан Брукнер за злосторството. На осудениот педофил моментално му се суди за пет неповрзани силувања и сексуални престапи.
Во февруари минатата година, Џулија на социјалните мрежи објави под нејзиното корисничко име „@IamMadeleineMcCann“ дека таа е исчезнатото девојче. По ДНК анализата било утврдено дека таа на никаков начин не е поврзана со Медлин. Но, Џулија вчера инсистираше дека таа е Медлин МекКен и дека тоа ќе го докаже.
Свет
Русија распиша потерница по Зеленски, се огласи Украина
Украинското Министерство за надворешни работи соопшти дека издавањето налог за апсење од страна на Русија за претседателот Володимир Зеленски е „доказ за очајот на руската државна машина и пропаганда“, пишува „Украинска правда“.
„Руските извештаи за наводното додавање на украинскиот претседател Володимир Зеленски на потерницата на руското Министерство за внатрешни работи го покажуваат очајот на руската државна машина и пропаганда. Русите не знаат што друго да измислат за да привлечат внимание“, посочија Украинците. надвор.
„Ги потсетуваме сите дека, спротивно на безвредните руски најави, налогот на Меѓународниот кривичен суд за апсење на рускиот диктатор Владимир Путин под обвинение за воени злосторства е реален и спроведлив во 123 земји“, додаваат тие.
Русите не го прецизираа написот врз основа на кој е издаден налогот за апсење на украинскиот лидер. „Володимир Александрович Зеленски, 25 јануари 1978 година. Се бара според членот од Кривичниот законик“, стои во базата на податоци на веб-страницата на руското Министерство за внатрешни работи.
Базата на податоци го наведува и местото на раѓање на бараното лице, градот Кривиј Рих во регионот Дњепропетровск. Објавена е и фотографија од Зеленски, направена пред војната.