Македонија
Од март повисоки плати во основното и средното образование
Наставничкиот и техничкиот кадар во основните и средните училишта од март 2010 г. ќе добива повисоки плати
Ова во сабота го соопштија на заедничка прес-конференција претседателот на СОНК, Дојчин Цветановски и министерот за образование и наука, Никола Тодоров, по потпишување на договорот со кој ќе се зголемат платите на вработените во овие две нивоа на образованието. Зголемувањата на досегашните и новите коефициенти не се со иста висина на зголемување за сите работни места. Зголемувањата, ќе има од 28 отсто кај техничкиот персонал до 16 отсто кај дел од наставничкиот кадар. Во просек зголемувањето би се движело околу десетина отсто на сегашно ниво, рече претседателот на СОНК. Административните работници со средно образование ќе имаат зголемување за околу 9 отсто, за 16 отсто дел од администрацијата со високо образование и од 6 до 7 дел од наставниците. .„Всушност станува збор за потпишување анекс на Колективниот договор од декември мината година, меѓу СОНК и Министерството за образование и наука“, рече министерот Тодоров.Неговата досегашна реализација, беше попречена, како што заеднички заклучија Тодоров и Цветановски, од објективните економските прилика кои ги наметна глобалната финансиска криза.„Во услови на една од најголемите економски кризи во светот Владата одвои 11 милиони евра за зголемување на платите на наставниците. Тоа е огромен чекор за подобрување на севкупната положба на наставниците“, рече Тодоров. Тој појасни дека зголемувањата ќе почнат од март а не веднаш, заради проекциите на Буџетот.На прашањето што се донесува до враќањето на наставниците за кои СОНК се жалеше дека се неправедно отпуштени, министерот Тодоров одговори „Јас не сум тој што вработува и отпушта – објаснувајќи дека тие ингеренции се во надлежност на локалните самоуправи – но секаде каде што има простор вршам притисок да се исправи она што е направено надвор од прописите“.Дојчин Цветановски појасни дека од бројката на 60 вакви случаи во септември годинава, досега се решени половината,а дека СОНК ќе врши притисок се’ додека не бидат решени сите преостанати 30-тина случаи.Цветаноски изјави дека предлогот на Владата наместо од 1 јануари идната година платите да се зголемат од 1 март било едногласно изгласнао од Претседателството на синдикатот додека Советот на СОНК со огромно мнозинство. За министерот Тодоров денешниот договор е доказ за континуираниот процес на разговори и комуникација што се одвива меѓу СОНК и Владата. „Денешниот договор е плод на коректна и навремена комуникација во која едната страна има чувство за потребите на другата страна, а другата страна има чувство за реалните можности на Владата“, рече Тодоров. Цветаноски додаде дека само на околу триесетина наставници не им се продолжени договорите за работа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Филипче: Бошњачката заедница е нераскинлив дел од нашето мултиетничко општество
Претседателот на Социјалдемократскиот сојуз на Македонија, Венко Филипче, вечерва присуствуваше на одбележување на Меѓународниот Ден на Бошњаците, во организација на Странката на демократска акција на Македонија (СДА).
Во обраќањето пред присутните, Филипче прача дека бошњачката заедница е нераскинлив дел од општеството и има значаен придонес во развојот и напредокот на Северна Македонија.
„Граѓаните Бошњаци по измените на Уставот од 2001 година, станаа дел од преамбулата и на нашиот Устав. Со нивната традиција, како составен и нераскинлив дел од нашето мултиетничко општество, имаат значаен придонес во развојот и напредокот на државата. Бошњачката заедница во Северна Македонија активно се вклучи во успешниот концепт „Едно општество за сите“, со кој Северна Македонија сега е пример во Ервопа и регионот за дијалог, меѓусебно разбирање и почитување“, рече Филипче.
Воедно, претседателот на СДСМ, Филипче ја потенцираше важноста на Странката на демократска акција на Македонија (СДА), која како коалициски партнер на СДСМ, изминативе години даде поддршка на развојните политиките во периодот на Владата на СДСМ.
„Во основното образование за учениците Бошњаци се врати редовната настава на босански јазик, Северна Македонија и Босна и Херцеговина потпишаа серија на билатерални договори во интерес на граѓаните,Скопје и Сараево станаа збратимени градови. Со својата прогресивна идеологија во изминатите години, СДА активно учествуваше во сите процеси кои ја придвижија државата напред, како што е членството во НАТО и започнувањето на преговорите со Европската Унија“, рече Филипче, додавајќи дека токму тоа и е разликата СДСМ и актуелната власт .
Филипче во своето обраќање нагласи дека СДСМ и СДА и во иднина ќе делуваат заеднички и ќе се залагаат за соживот,меѓусебна почит и интеграција на државата.
„ За жал деновиве сме сведоци на едни политики кои ја враќаат државата назад во изолација, нешто за што граѓаните не гласаа. И тоа не смееме да го дозволиме, не смееме да се откажеме од европскиот пат, од европска иднина за нашите граѓани. СДСМ и СДА и понатаму ќе продолжат да делуваат заеднички, ќе се залагаме за демократските вредности и инклузија на сите заедници, за интеграција, а не за изолација на државата“, порача претседателот на СДСМ, Венко Филипче.
Македонија
Промена на времето: УХМР за утре најавува дожд, силен ветер и драстичен пад на температурите
Управата за хидрометеоролошки работи најавува значителна промена на времето утре – дожд, засилен ветер и пад на температурата.
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Македонија
Претседателката Сиљановска Давкова се сретна со генералниот секретар на Советот на Европа, Алан Берсе
Претседателката Гордана Сиљановска Давкова во рамки учеството на 79. Генерално Собрание на Обединетите Нации во Њујорк, оствари средба со генералниот секретар на Советот на Европа, Алан Берсе.
На средбата беа разменети мислења за целите и приоритетите насочени кон демократизацијата на македонското општество, човековите права и владеењето на правото. Реафирмирајќи ја посветеноста за натамошна конструктивна соработка со Советот на Европа, претседателката Сиљановска Давкова изрази задоволство од континураната поддршка за нашето целосно усогласување со европските стандарди и вредности.
Претседателката Сиљановска Давкова ја нагласи важноста од кредибилно постапување на Европската Унија во однос на интеграцијата на земјите од Западен Балкан кога напредокот на поединечните кандидати е евидентно заслужен. Таа се осврна и на неопходното обезбедување усогласеност со обврските што земјите-членки ги презеле, вклучително и правилното спроведување на пресудите на Судот во Стразбур.
Соговорниците разговараа и за актуелните безбедносни состојби во Европа, со акцент на војната во Украина, како и за потребата од посветеност и заеднички пристап кон сегашните и идните предизвици какви што се влијанието на новите технологии и климатските промени врз човечките ресурси.
На средбата претседателката Сиљановска Давкова упати честитки до новоизбраниот генерален секретар на Советот на Европа, Алан Берсе, изразувајќи искрени желби за успешно исполнување на важната мисија и продолжување на плодната соработка со македонските институции.