Македонија
Повредени полицајци при физичка пресметка во Струга
Помошник началникот на СВР Охрид и тим полициски службеници од Охрид и Струга се здобиле со лесни телесни повреди, при обид да спречат нарушување на јавен ред и мир, кој настанал поради пукање со огнено оружје
Помошник началникот на СВР Охрид и тим полициски службеници од Охрид и Струга се здобиле со лесни телесни повреди, при обид да спречат нарушување на јавен ред и мир, кој настанал поради пукање со огнено оружје.
Имено,вчера, околу 16 часот и 10 минути, во ресторанот „ Матадор„ во Струга, службеници од струшката Полициска станица при обид за расчистување на настанат неред, физички биле нападнати од страна на лицето И.Б. (42). Кон нив биле упатени и вербални навреди од страна на лицата В.Д (50), поранешен висок политички функционер, А.А (37) и Џ.Д (33)- сите од Струга, јави охридњус.
Во обид да помогне, пристигнал уште еден тим полициски службеници од Охрид, предводен од Помошник началникот на СВР- Охрид.
При превземањето на мерките, помошник началникот бил физички нападнат од страна на лицата И.Б. и Џ.Б.- двајцата од Струга, како и од А.Љ. (31) кој е полициски службеник во Одделот за обезбедување од Скопје. Од здобиените удари со тупаници, нападнатите полициски службеници се здобиле со лесни телесни повреди.
Во текот на вчерашниот ден, во Полициската станица во Струга, на разговор биле повикани повеќе лица- учесници во нередот, додека лицето И.Б е лишено од слобода. На лице место, направен е криминалистичко-технички увид, при што не се пронајдени чаури.
СВР Охрид и ПС Струга превземаат понатамошни мерки за целосно расчистување случајот, по што ќе следи поднесување на кривични пријави./крај/охридњус/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон“, вели Демократскиот сојуз
Демократскиот сојуз ги потсетува партиите, посебно ДУИ, но и сите граѓани, дека соглано член 99 од Уставот на Република Македонија, мандат за состав на Влада добива кандидатот на партијата/ партиите кои имат мнозинство (најмалку 61 пратеник).
„Владата ја избира Парламентот со мнозинство гласови од 120-те пратеници. Мнозинство се 61 пратеник. За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон, ниту пак има таква пракса. Се работи за класична манипулација или непознавање на политичкиот систем и Уставните решенија за избор на Влада“, велат од Демократскиот сојуз.
„Сосема е извесно дека по 20 години на власт, недопирливите од ДУИ, ќе бидат испратени во долгогодишна опозиција и за грабежот што го направија и разнебитување на институциите и државата во целина ќе одговараат.
Наводната проевропска партија „ги отвори вратите на ЕУ“, при што за време на нивното владеење над 800 илјади граѓани од Македонија се иселија во земјите на ЕУ, меѓу нив и над 200 илјади Албанци.
Сите партии се изјаснија дека по изборите нема да коалицираат со ДУИ. Тоа е јасно за сите граѓани, затоа ќе гласаат за промени, а на ДУИ во опозиција ќе им се приклучи и СДСМ“, се додава во соопштението на Демократскиот сојуз.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.