Македонија
Раселените од Радуша идната недела пак на средба во Влада
Раселените од скопското село Радуша кои излегоа на протест пред Владата, не постигнале договор на средбата со советникот во Владата, Зоран Крстановски, кој денеска ги прими во Владата.
Раселените од скопското село Радуша кои излегоа на протест пред Владата, не постигнале договор на средбата со советникот во Владата, Зоран Крстановски, кој денеска ги прими во Владата.
Како што изјави Адроника Јовановска, претставник од Одборот на раселените од скопско Радуша, Крстановски им рекол да одат кај Народниот правобранител и да поднесат тужба против државата.
Претставниците на Одборот го одбиле овој предлог бидејќи веќе немале ни право да поднесат тужба.
Се договориле идната недела повторно да дојдат на средба во Владата за конечно да се договорат да се реши нивниот проблем.
Одборот на внатрешно раселени лица од село Радуша утрово излезе на мирен протест пред Владата заради „игнорантскиот однос на државата кон раселените лица од Скопскиот регион во изминатите 10 години и заради непостоење на конкретен план за решавање на овој проблем“.
Тие бараа прием кај премиерот Никола Груевски или кај членовите на неговиот кабинет за да ги известат кога и на кој начин трајно ќе биде решен нивниот проблем.
„Нашите семејства пет години поминаа во колективни центри и над пет години под кирија која ја плаќа државата. Ваквата состојба воопшто не води кон крајно решение, напротив го продолжува страдањето и несигурноста со која се соочуваме од 2001 година до денеска“, велат од Одборот за внатрешно раселени лица од село Радуша./крај//фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.