Регион
Николиќ: Приштина попушти, договор до крајот на март
																								
												
												
											Српскиот претседател Томислав Николиќ изјави доцна ноќта во понеделникот по разговорите со високата претставничка на Европската унија за надворешна политика и безбедност, Кетрин Ештон, дека очекува договорот со Косово да биде потпишан до крајот на март, истакнувајќи дека Приштина попуштила во своите барања во врска со надлежностите на заедницата српски општини на северот во Косово.
„Приштина, којашто претходно инсистираше на секое решение (за северот на Косово- з.р) мора да биде врамено во нејзините законски рамки, попушти во своите барања, Договорот ќе биде потпишан на 20-ти или 28-ми март”, изјави српскиот претседател Томислав Николиќ по завршувањето на двои полчасовниот разговор со шефицата на европската дипломатија Кетрин Ештон.
Претседателот Николиќ ја предводеше делегацијата на српскиот државен врв во која беше придружуван од премиерот и министер за внатрешни работи Ивица Дачиќ и вицепремиерот и министер за одбрана Александар Вучиќ и којашто на иницијатива на Европската унија разговараше со високата претставничка Ештон во рамките на подготовките за следниот, седми круг од дијалогот меѓу Србија и нејзината поранешна покраина Косово и Метохија, која во 2008 година еднострано прогласи независност и Република Косово, која Белград не ја признава.
Под покровителство на Кетрин Ештон досега се одржаа шест круга од преговорите меѓу српскиот премиер Ивица Дачиќ и косовскиот Хашим Тачи. Преговорите се закочија по прашањето на паралелните српски структурите во северно Косово кое е населено со мнозинско српско население. Прашањето на паралелните институции на северно Косово е најтешкото прашање коешто досега се појави во преговорите. Во досегашните разговори се утврди дека Белград и Приштина се согласуваат проблемот на паралелните институции да го решат со воспоставување на заедница на српските општини, но ставовите во целост се разликуваат кога станува збор за овластувањето на таа заедница на општините.
Следниот круг преговори е закажан за 20-ти март.
Високата претставничка Кетрин Ештон објави во соопштението издадено по состанокот во кое се наведува дека на своите соговорници им ја „истакнала важноста од постигнување на договор за отворените прашања меѓу двете страни што е можно порано”.
Забележителната нормализација на односите меѓу Белград и Приштина е услов за напредокот на двете страни во европските интеграција, за Србија за добивање датум за почетокот на преговорите со Европската унија, а Косово за почетокот на преговорите за Договорот за стабилизација и асоцијација. Европската комисија кон средината на април ќе го објави извештајот за напредокот во дијалогот, како и за другите реформи кои се поврзани за приближување на Европската унија.
По состанокот со српскиот државен врв во Брисел, Кетрин Ештон ќе отпатува во среда во еднодневна посета на Приштина каде ќе разговара со косовското раководство./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
																	
																															Регион
Едно лице убиено, две повредени на грчкиот остров Евија
														Дваесетгодишен маж беше избоден до смрт, а уште две лица беа повредени во два одделни инцидента на грчкиот остров Евија, соопшти полицијата.
Службениците изјавија дека случаите би можеле да бидат поврзани со насилство на фудбалски натпревари, објави „Ројтерс“.
Пет лица се уапсени, вклучувајќи двајца повредени мажи, а најмалку осум лица наводно биле вклучени во насилството, изјави портпаролката на полицијата, Константина Димоглида, за грчката телевизија „Скај“.
Полицијата истражува дали инцидентите биле мотивирани од конфликт меѓу навивачи на два сопернички фудбалски тима.
Податоците на полицијата покажуваат дека бројот на насилни инциденти поврзани со спортот се удвоил, од речиси 300 случаи во 2020 година на 700 годишно, а службените лица исто така истакнуваат дека постои можна врска меѓу хулиганите и криминалните банди.
Фото: принтскрин
Регион
Вонредна ситуација во нуклеарната централа „Козлодуј“ во Бугарија
														Во нуклеарната централа „Козлодуј“ избувнал пожар во енергетската просторија на безбедносниот систем на петтиот блок, што предизвикало итна реакција на работниците на електраната, објави порталот „Новините“.
Поради густиот чад во просторијата, повикана е противпожарна служба, а се преземаат мерки за замена на оштетената опрема, јавува „Танјуг“.
Официјално е објавено дека ситуацијата е под контрола и дека нема опасност за луѓето. Работниците во електраната остануваат во готовност додека инцидентот не се реши целосно.
Фото: принтскрин
Регион
21-годишен маж украл 32 парфеми во вредност од 3.000 евра во центарот на Загреб
														Полицијата во Загреб ја заврши кривичната истрага против 21-годишен маж осомничен за серија кражби од продавници за парфеми во центарот на градот.
Младиот човек украл вкупно 32 парфеми во пет наврати, предизвикувајќи штета од речиси 3.000 евра на две продавници, известува Полициската управа во Загреб.
Според полициските сомневања, 21-годишникот ги извршил кражбите помеѓу 1 јули и средината на октомври 2025 година.
Во два наврати, тој влегол во иста парфимерија каде што, искористувајќи ја зафатеноста на персоналот, украл вкупно 18 парфеми. Слично сценарио повторил и во друга парфимеријата, каде што во три наврати украл уште 14 парфеми.
Вкупната материјална штета предизвикана од овие кривични дела е проценета на околу 2.990 евра. Откако полицијата ја завршила истрагата, 21-годишниот осомничен бил предаден на надзорникот на притворот. Против него е поднесен и посебен извештај до надлежното државно обвинителство.
фото: принтскрин

