Македонија
Прифатени амандманите на ВМРО, сега за името спори Нова демократија
Опозицијата, поради конструктивност ги прифатила четирите амандмани на ВМРО-ДПМНЕ на Стратегијата за решавање на спорот со името. Сега проблем околу нејзиното прифаќање прави Нова демократија на Имер Селмани
Имено, партијата на Имер Селмани денекса поднела три амандмани на Стратегијата, од кои едниот се однесува на рамноправната застапеност на етничките заедници во процесот на преговори и во изнаоѓањето на прифатливо решение за спорот.Опозицијата обвинува дека ваквото однесување на Нова демократија и ВМРО-ДПМНЕ е поради тоа што тие не сакаат Стратегијата воопшто и да биде ставена на дневен ред.Откако заврши координацијата која почна утрово, партијата на Селмани поднела амндамни со што ги врати назад координаторите на пратеничките групи во кабинетот на Трајко Вељаноски, како претседател на Собранието. Се уште е неизвесно дали Стратегијата ќе се најде на денешната седница.Инаку, ВМРО-ДПМНЕ се откажале за воведување на референдумот во Стратегијата уште во петокот. Два од четирите амандмани биле технички, додека двата како што веќе објави forum.com.mk се однесувале на терминот „компромис за името“ и за одговорноста.Имено, во Стратегијата на Стојан Андов пишува „каков било компромис околу името претпоставува јасна, недвосмислена потврда на македонскиот јазик, на македонскиот народ и неговиот идентитет“. ВМРО-ДОМНЕ бара наместо „компромис околу името“ да се стави „какво било решение за спорот“. Високи фукционери на ВМРО-ДПМНЕ тоа го оправдуваат со цел државата да не влезе во замка и на Грција да не и даде адут да рече дека македонската страна преговара за државното име, а не за референцата што е став на Македонија.Прифтен е и амандаманот со кој ВМРО-ДПМНЕ бара да се утврди чија била одговорноста за спорот за името. Најголамата владејачка партија инсистирала на тоа дека во периодот од 1994 до 1998 година не била дел од власта ниту пак во Собранието со што не влијаела кога се донеле најзначајните документи, меѓу нив и Времената спогодба, во однос на спорот за името.Во стратегијата за спорот за името на Андов се посочува дека предмет на разговорите со Грција е само изнаоѓање решение за име што ќе ја замени привремената референца, без какви и да е измени на Уставот.„Уставот на Македонија не треба повторно да биде предмет на измени во контекст на процесот околу името… Македонија треба да инсистира на ставот на Советот за безбедност на ОН содржан во Резолуцијата 817, договореното решение да биде користено како замена за сегашната референца, односно за потребите на ОН“, пишува во стратегијата.По стратегијата следи и официјален дел на преговорите кои државата ги води со Грција во посредство на Обединетите нации. Специјалниот посредник на ОН, Метју Нимиц, на 22 јуни во Женева ќе се сретне со претставниците на Грција и на Македонија, амбасадорите Адамантиос Василакис и Зоран Јолевски. По таа средба амбасадорот Нимиц ќе патува во Скопје, каде што ќе престојува на 6 и 7 јули, а на 7 и 8 јули ќе биде во Атина.Инаку, не се очекува дека на средбата во Женева, Нимиц ќе излезе со нов предлог за името. Оваа средба најверојатно ќе биде само подготвителна. Ќе се чека и исходот од новонастаната политичка состојба во Грција по европските избори на кои кај јужниот сосед победи ПАСОК, со што се отвора можноста за предвремени избори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„СДСМ нема да трпи уцени, ќе пропаднат обидите да се подели партијата“, вели Филипче
Носителот на изборната листа четири на СДСМ и Коалицијата, Венко Филипче, денес беше во посета на Валандово каде оствари средби со граѓани. Филипче ги промовираше мерките за земјоделците и се осврна на актуелната политичка состојба и пораките од партиите.
„СДСМ нема да трпи уцени. Оние кои му мислат добро на СДСМ секогаш остануваат и се борат од внатре да ги менуваат работите на подобро. Вистинските социјалдемократи не бегаат и не се обидуваат да ја поделат СДСМ. Граѓаните и гласачите на СДСМ веќе ја препознаваат измамата која им е сервирана од страна на ЗНАМ. Паднаа маските, се открија скриените коалиции кои имале за цел ослабување на СДСМ. Но, за нивна несреќа тоа нема да се случи. Ја верувам дека има доволно време до 8 мај, оние кои сега ја видоа скриената агенда на ЗНАМ, да ја преиспитаат одлуката и да ја подржат СДСМ на изборите“, рече Филипче.
Македонија
„Врвен претставник на криминал и корупција во Македонија е Артан Груби, доаѓа време на одговорност“, рече Николоски од Струмица
„Очекувам историски најголема победа за ВМРО-ДПМНЕ, со најголема разлика, најмногу гласови за Гордана Силјановска Давкова, најмногу гласови за Христијан Мицкоски за стабилна Влада предводена од ВМРО-ДПМНЕ“, истакна Александар Николоски, потпретседател на ВМРО-ДПМНЕ и носител на изборна единица 4 на митингот во Струмица.
„Пред нас престои сериозна работа во деновите кои што доаѓаат, да се сретнеме со секој кој што сака да ни отвори, да поразговараме со сите кои што сакаат да не слушнат и да ги поканиме сите да излезат на гласање. Потребна е голема референдумска излезност и потребен е концентриран глас за ВМРО-ДПМНЕ. Затоа што сите кои што се незадоволни од актуелната власт на заминување треба да знаат дека само глас за ВМРО-ДПМНЕ значи промена“, порача Николоски.
Николоски ги повика граѓаните масовно да излезат на гласање.
„Мојот противкандидат е човек кој што го уништи македонското здравство. Човек кој што ќе биде запишан на најцрните страници на македонската историја затоа што го уништи здравството и ја внесе корупцијата во него. Но, најголем дел од здравствените работници и докторите не се такви. Јас сакам вечерва да се заблагодарам и да го повикам и да го поздравите со нас вечерва е професор доктор Виктор Камнар, најдобриот македонски ортопед, човекот кој што ја направи првата трансплантација на коски во Македонија и во регионот. Камнар е човек кој што е претставник на чесните доктори и чесните лекари, на оние кои што сакаат да го градат македонското здравство и оние кои што не ги злоупотребуваат пациенти туку остануваат со нив секогаш кога им е потребно“, рече Николоски.
Тој посочи дека овие избори се избори во кои што ќе се стави крај на криминалот и корупцијата. Избори во кои што ВМРО-ДПМНЕ ја бара поддршката од граѓаните покрај СДСМ и ДУИ да се испрати во длабока опозиција.
„Ние сме многу сериозни во ова што го ветуваме, ние стоиме позади нашиот збор. И доколку ја добиеме вашата поддршка во огромен број како што ја очекуваме, ДУИ ќе оди во опозиција и ќе одговараат за криминалот и корупцијата кои што ги прават во Македонија“, укажа Николоски.
Николоски додаде дека врвен претставник на криминал и корупција во Македонија е Артан Груби.
„Сакам да го поздравам од овде од Струмица, и да му кажам дека ќе му ја испитаме цела работа од точка до запирка, се што правел ќе биде испитано. Ама исто така и сите наводи за криминалот што го прави и за притисоците кои што ги прави. Ќе испитаме и што прави другар му Перпарим во Лотарија на Македонија, и што правеа со притисоците за Законот за игри на среќа, и која е неговата улога во казината во Македонија, каква е неговата поврзаност со бројни градежни фирми во Македонија, каква е неговата поврзаност со спортските клубови кои што се се освен спортски клубови. И да му кажам од овде дека нема да му дозволиме нему блиска фирма да копа во Беласица, да отворат тука рудник за нивните камиони и багери да вртат. ДУИ нема да работи во Струмица и струмичко“, порача тој.
Тој нагласи дека одговорноста е битна работа и тоа е најпотребно во Македонија. Одговорност ќе има со помош на Владата предводена од ВМРО-ДПМНЕ.
Македонија
(Видео) Ковачевски: Со иднината на државата нема тргување
Во вечерашното обраќање на митингот во Драчево, општина Кисела Вода, претседателот на Социјалдемократскиот Сојуз, Димитар Коваечвски, посочи дека СДСМ е најголемата и единствена автентична социјал-демократска партија во Маекедонија.
„За разлика од субјектите како ЗНАМ, кои се човек – партија, СДСМ е државничка партија со длабоки и силни корени. Нас нѐ водат социјал-демократските вредности, борбата за граѓаните и европската иднина на Македонија. Не се откажуваме од тоа, СДСМ е цврста и силна партија. Ќе продолжиме да се бориме за овие вредности“, порача претседателот на Социјалдемократскиот Сојуз, Димитар Ковачевски.
Ковачевски во обраќањето додава дека СДСМ не прифаќа условувања и со никого нема да прави политички дилови, затоа што ова е прашање на иднината на државата и со неа нема тргување.
„Да одговорам на она писание кое го има напишано субјектот ЗНАМ до јавноста. Прво, раководството на СДСМ го бираат членовите на СДСМ, кои се наследници и на НОБ и на АСНОМ и на Киро Глигоров, а не вазали кои се предале и отишле да шуруваат со наследниците на Ванчо Михајлов. Второ, носителите на пратеничките листи и сите кандидати на пратеничките листи на СДСМ и на коалицијата се излезени на избори за да ја претстават програмата на СДСМ и на политичките партии кои ја сочинуваат коалицијата и со таа програма, со тие луѓе, со тие претставници на социјалдемократската идеја ние го бараме гласот на граѓаните“, изјави претседателот Ковачевски.
Ковачевски вели дека не се излезени на избори за да враќаат стари долгови и да му помагаат на ВМРО-ДПМНЕ и на Гордана Силјановска.
„Но, една работа ќе им порачам, на крајот на денот предавникот не го сакаат дома, меѓутоа уште помалку го сакаат надвор од дома. Затоа ве уверувам дека на крајот на денот, ќе ги гледате стуткани во некој ќош, во една клупа,таму во Собранието на Македонија, како седат во последна клупа со наведнати глави, изгубени од својата идеологија и застанати заедно со наследниците на Ванчо Михајлов“, порача Ковачевски.
Ковачевски вели дека се фокусирани да го постигнатнајдобриот резултат на претстојните избори на 8-ми мај иги повика на мобилизација сите демократски и прогресивни сили за да се спречи враќањето на режимот на ВМРО-ДПМНЕ.
„Ние не се откажуваме од Македонија во ЕУ! Верувајте, тоа не е цел сама за себе! Нашиот план за европска Македонија е преточен во конкретна и остварлива програма“, им посочи на присутните граѓани претседателот на СДСМ.
„Ги повикувам сите граѓани, ги повикувам сите наши симпатизери, сите наши гласачи, сите оние кои што гласаа за нас во првиот круг и сите оние кои што беа разочарани во првиот круг: гласајте за СДСМ! Немојте да ве залажува некој кој што со лажна реторика себе си се претставува како наследник на Христијан Тодоровски – Карпош, а од друга страна прави пакт со наследниците на Ванчо Михајлов да ве излаже. Едно такво лажење Македонија виде во 2006 година и видовте каде завршвиме“, посочи Ковачевски на вечерашниот митинг и додаде дека на 8-ми мај сите заедно одлучуваме каква иднина ќе градиме за нашите деца и внуци.