Македонија
Македонските државјани од Истанбул ќе пристигнат во Скопје
Тројцата македонски државјани Јасмин Реџепи и Сами Емини од Скопје и Сеад Хасипи од Куманово, кои беа дел од хуманитарниот конвој за Газа денеска нешто пред 13 часот треба да пристигнат на аеродромот во Скопје.
Тројцата македонски државјани Јасмин Реџепи и Сами Емини од Скопје и Сеад Хасипи од Куманово, кои беа дел од хуманитарниот конвој за Газа денеска нешто пред 13 часот треба да пристигнат на аеродромот во Скопје.
Семејствата ќе ги пречекаат на аеродромот, а од Истанбул се очекува да ги испрати конзулот на Македонија во Турција, Зерин Абас. Билетите за Скопје им ги обезбеди хуманитарната организација преку која заминаа во Газа.
Реџепи, Емини и Хасипи во понеделникот беа притворени од страна на израелските власти, откако конвојот со хуманитарна помош за појасот Газа во кој учествуваа, беше нападнат од страна на израелските вооружени сили.
Во меѓународниот хуманитарен се наоѓаа лица од над 50 земји. Нападот во кој што загинаа девет турски цивили ги затегна турско-израелските односи.
Но и покрај меѓународните критики Израел нема намери да попушти и да допушти пробивање на блокадата на појасот Газа.
Израелската војска утрово го пресретна и ирскиот товарен брод „Рејчел Кори“ и се заканија дека ќе упаднат, ако бродот не го пренасочи правецот кон израелското пристаниште Ашдод. Засега хуманитарниот брод одбива и плови кој појасот Газа. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски со претседателот на републиканците ја следеше инаугирацијата во Вашингтон
Премиерот Христијан Мицкоски ја следеше инаугирацијата на Трамп заедно со претседателот на Републиканската партија на САД, Мајкл Ватли.
„Заедно со претседателот на Републиканската партија на САД, Мајкл Ватли во ВИП ложата во Вашингтон ги следиме инаугуративните активности на новиот американски претседател, Доналд Трамп“, објави Мицкоски на Фејсбук.
Премиерот денеска присуствуваше на балот во Вашингтон, кој се одржа пред назначувањето на новиот претседател на САД, Доналд Трамп, и на кој присуствуваа видни политички личности од повеќе земји од светот, како и познати бизнисмени.
Скопје
Нормализиран сообраќајот од средно Водно до св. Пантелејмон
Сообраќајот на патниот правец Р 2138 од средно Водно до св. Пантелејмон од 11.00ч. е нормализиран.
Регионалниот ЦУК (РЦУК) Скопје извести претходно дека од Општина Карпош вчера добиле информација дека патот меѓу Пантелејмон (Горно Нерези) и Средно Водно не беше безбеден за движење со моторни возило и апелираа истиот да не се користи поради голомразица.
Од 15.11.2024 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2025 година.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата, соопштија од АМСМ.
Македонија
Мицкоски со Гренел: Се бориме за секој интерес на Македонија
За време на посетата на САД, во Вашингтон, Претседателот на Владата на Република Северна Македонија Христијан Мицкоски оствари повеќе активности и средби со истакнати личности од американскиот политички, општествен и економски живот.
Тој се сретна и со Ричард Гренел, нов претседателски пратеник за специјални мисии и политика.
За средбата Мицкоски истакна:
„Разговаравме за актуелните случувања, за предизвиците со кои се соочуваме како држава и нашето остварување на стратешките интереси врзани со членството во Европската Унија. Воедно побарав поголемо ангажирање од нашите стратешки партнери на тој план, како и искористување на потенцијалите на економски план. Се бориме за секој интерес на државата.“, посочи Мицкоски.