Свет
Започна судењето на 14-мина полицајци обвинети за примање поткуп
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-3955.jpeg)
Во големата сала на Врховниот суд вчера започна судскиот процес на 14
обвинети полицајци од граничниот премин Богородица кај Гевгелија.
Во големата сала на Врховниот суд вчера започна судскиот процес на 14
обвинети полицајци од граничниот премин Богородица кај Гевгелија. Игор Марков
(30), Горанчо Јанковски (42), Мицко Сталевски (39), Елизабета Попова (36), Боби
Ристов (36), Златко Ристов (34), Виктор Узунов (34), Никола Диневски (33), Тони
Проданов (29), Цветко Ангелов (36), Зоран Цветковиќ (43), Коле Стамаџиев (26),
Благој Топлев (33) и Драги Беќаров (48) се товарат дека во почетокот на
годинава од повеќемина патници барале и примале поткуп. Според Обвинителството,
станува збора суми од 5 до 45 евра кои биле земани од полицајците што биле на
смена на преминот Богородица.
Уште на стартот на судскиот процес одбраната побара дел од предложените докази
судот да не ги зема предвид, но барањето беше одбиено од Судскиот совет кој,
пак, за еден ден успеа да ги распита сите 14 обвинети. Речиси сите обвинети го
отфрлија делото за кое се товарат и покрај тоа што од судот им беа прикажувани
фотографии кои биле направени за време на полициската истрага.
За примање поткуп во тек се уште две кривични постапки кои се однесуваат на
голем број полицајци, цариници и угостители на преминот Деве Баир, петмина
цариници од преминот Табановце и шестмина полицајци од преминот Меџитлија. (Љ.С.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.