Полицијата за прв пат годинава ќе добие негативни оценки во извештајот на Европската Комисија за напредокот на Македонија, прогнозираат од Македонскиот центар за европско образование и Фондацијата Отворено општество – Македонија.

Полицијата за прв пат годинава ќе добие негативни оценки во извештајот на Европската Комисија за напредокот на Македонија, прогнозираат од Македонскиот центар за европско образование и Фондацијата Отворено општество – Македонија.Во својот 10. извештај за следењето на процесот на пристапување на Македонија во ЕУ, насловен како „Тешкото од ЕУ“, двете организации велат дека Македонија ќе добие забелешки во однос на владеењето на правото, слободата на изразување и медиумите, јавната администрација, а за прв пат забелешки ќе следат и за полицијата.„Кај полицијата прв пат годинава ќе имаме негативен извештај. Досега, полицијата секогаш беше позитивно оценета, поради тоа што во рамките на МВР се случија големи реформи и бидејќи се бараше МВР да се преструктуира во рамките на она што беше пристапно партнерство. Точно се знаеше што Европската Унија очекува.  Сега случајот на Мартин Нешковски само фрла лоша слика за тоа како функционира полицијата“, изјави Лидија Димова, директор на МЦЕО. Од МЦЕО очекуваат дека Комисијата и годинава ќе ја повтори препораката за старт на пристапните преговори со Македонија, но тоа, според нив, не значи дека земјата постигнала забележителен напредок во изминатиот период. „Состојбата на Македонија отприлика изгледа вака: во основно училиште сме, петто одделение. Вие цело време имате единици, а кога ќе дојде наставнички совет и некој ќе ви ја поправи оценката. Вие одите понатаму. Следната година исто ви се случува и одите понатаму. Потоа повторно истото ви се случува и одите понатаму. Вие имате и некоја двојка, значи имате нешто позитивно, но факт е дека вие не сте подготвени за понатамошна фаза и ако не се вратите назад да ги покриете тие слабости што претходно сте ги имале, нема да можете да мрднете понатаму и да се оспособите за живот. Отприлика таа е ситуацијата со Македонија“, вели Димова.Во својот извештај од МЦЕО препорачуваат владата пред сè добро да го проанализира извештајот на ЕК за 2011 година, по што според нив треба да се објави акциски план за постапување по забелешките. Бараат процесот на евроинтеграции да се отвори и да биде достапен за сите заинтересирани чинители во општеството. Се препорачува засилена регионална активност на властите, а од владата се бара и изготвување на стратегија Македонија 2020. Дополнително, од властите се бара да лобираат за ново Пристапно партнерство , земајќи в пред дека претходното датира од 2007 година.Планирано е Европската Комисија на 12 октомври да го објави годишниот извештај за напредокот на Македонија. /крај/ач