Македонија
По 50 години отворена градската плажа
По педесетина години од затворањето на последните градски плажи, денеска за граѓаните беше пуштена градската плажа, сместена на Кејот на Вардар, зад Луна паркот
Плажата се протега на површина од 1775 квадратни метри, направена е од ситен морски песок, донесен од Албанија. Меѓу десетината палми, на песокот е поставена монтажна урбана опрема со лежалки, четири шанка со маси и столови, две куќички и простор со детски забавни содржини. Капењето во Вардар и понатаму е забрането, а Скопјани ќе можат да се разладуваат под четирите туша поставени на самиот кеј.На денешното отворање, градоначалникот на Скопје Коце Трајановски рече дека проектот за градска плажа потекнува од идејата, да им се овозможи на граѓаните на Скопје културно собиралиште, рекреација, освежување и забава во текот на топлите летни денови, како и софистицирано заживување на Кејот, како што е случај во сите светски метрополи.„Плажите биле феномени на урбаната култура и градскиот живот. Одењето на плажа било мода и начин на живеење на Скопјаните. Сакаме да го оживееме духот на Скопје и традицијата на градот. Сакаме повторно Скопје да го има својот препознатлив градски дух, да освојува со својот шарм и да ја продолжи својата урбана традиција. Враќајќи една плажа на Кејот, потсетуваме на духот на градот, ја зголемуваме неговата јачина и симболика, го пренесуваме духот на идните генерации и фаќаме чекор со идното модерно живеење“ – рече ТрајановскиХроничарот Данило Коцевски ги потсети постарите граѓани на времето кога Скопјани, бегајќи од летните горештини, долгото топло лето го поминувале на кејот на Вардар, на неколкуте плажи, со акцент на ,,офицерската“, на чие место денеска се наоѓа новата градска плажа„Најромантичната приказна во нашите животи се градските плажи. Градската плажа беше и монденско место. Имаше кабини, соблекувални, од кои се добиваше бројче за да се капете. Тука се наоѓаше и кајакарскиот клуб, а се изнајмуваше и двосед и тросед кајак. Игравме „олди“ – брканца во вода. Девојките не играа олди, туку изведуваа пируети и се замислуваа дека се Естер Вилијамс од филмот „Бал на вода“. Градската плажа беше место каде се раѓаа првите љубови,, – се потсети хроничарот Данило Коцевски „Градската плажа“ на кејот на Вардар ќе работи секој ден од 10 до 23 часот, а граѓаните ќе може бесплатно да ја користат. Целта на проектот е да се овозможи сите граѓани да добијат можност да се рекреираат, да се сончаат и да уживаат во програмските активности на плажата и да се обезбеди пријатно место за одмор и забава во центарот на градот.Со четирите шанкови што ќе бидат поставени на плажата ќе стопанисуваат членовите на Асоцијацијата на угостители „Градска плажа бр.1“. Проектот чии околу 6,3 милиони денари.Покрај бројните Скопјани, на отворањето на плажата присуствуваа и претставници на дипломатскиот кор, премиерот Никола Груевски, а враќајќи се од Призрен од регионалната лидерска средба со државниот хеликоптер, плажата ја надлета и претседателот Ѓорѓе Иванов. На новинарско прашање ,,како го коментирате совпаѓањето на отворањето на плажата со закажаниот митинг на опозициската СДСМ пред Владата?,, Груевски рече дека поканата за отворањето на плажата ја добил пред еден месец
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тренчевска: Од 2017 година до денес најниската исплатена пензија ја покачивме за 5.309 денари
„330% повисока социјална помош, 53% повисоки пензии, 180% повисока минимална плата, 40 000 просечна плата се нашите резултати и знам дека тоа можеби не е доволно. Затоа вечерва стојам пред вас не како жена, туку како ваша пријателка и комшивка, како жена која работеше со интегритет и бара поддршка за број 1 на 8 мај“ порача Тренчевска од говорницата на митингот во Радовиш.
Ко-носителката на изборна единица 4 од СДСМ, Јованка Тренчевска вечерва на радовишани им порача дека вистинскиот избор е јасен и дека само СДСМ е опција која ќе го води напредокот на општеството.
„Вие највозрасните кои гледам ве има тука во голем број, а со кои деновиве често се среќавав и често ме прашувавте зошто не може покачување од 5000 денари за секој од вас, Ве потсетувам дека од 2017 година до денес најниската исплатена пензија ја покачивме за 5.309 денари, и овој месец најниската исплатена пензија изнесува 13 880 денари. Стабилната исплата на вашите пензии ќе биде доведена во прашање со лажните ветувања на ВМРО, кои слушам деновиве дека започнаа да го раситнуваат лажното покачување на пензиите на месеци, на години и на нови методологии. Знаат и тие дека на лагата и се кратки нозете! Знаат дека 5000 линеарно е невозможно. Но дека е добро за да манипулираат со највозрасните“ рече Тренчевска.
Таа истакна дека во новиот мандат СДСМ се обврзува минималната пензија да ја покачи на 20.000 денари додека просечната пензија ќе ја покачи на 30.000 денари.
„Да продолжиме да градиме мостови посилни од ѕидовите и омразата кои ни ги наметнува ДПМНЕ“ истакна Тренчевска во нејзината покана за граѓаните за да излезат на гласање на 8ми мај.
Македонија
Мицкоски од Тетово: Во рамките на проектот за 250 милиони евра за инфраструктурен развој на општините, дел ќе се инвестира и во општините во западна Македонија
„Живееме под едно небо, делиме исти проблеми, исти предизвици. Маката ни е иста, и копнееме по заеднички работи. Денес Македонија е држава каде управуваат стотина души кои ги запоседнале институциите и грубо ги злоупотребуваат. Секој тендер поминува низ нивни раце, за секој бизнис процентот на добивка го определуваат истите луѓе. Тој артаноиден систем стана синоним за корупција и неказнет криминал. Систем на искривени вредности и непринципиелност која државата ја носи во пропаст“, истакна претседателот на ВМРО-ДПМНЕ, Христијан Мицкоски од митингот во Тетово.
Мицкоски додаде дека доаѓа ново време, се врти нов лист, нов почеток.
„Овде од Тетово објавувам дека веднаш по победата и формирањето на влада значаен процент од буџетот ќе оди за развој и решавање на децениските инфраструктурни проекти на Тетово, Гостивар, Кичево, Струга, Дебар и повеќе други општини од западна Македонија“, вети Мицкоски.
„Се обврзувам дека во рамките на проектот за 250 милиони евра за инфраструктурен развој на општините дел ќе се инвестира и на овие места овде. Подеднакво ќе градиме и работиме за развој на штипско Ново село, но и за тетовско Теарце, за струмички Куклиш, но и за тетовско Одри“, порача претседателот на ВМРО-ДПМНЕ.
Тој рече дека на народот му е доста од удирање во гради, зборење за права, а во реалноста сето тоа да се сведе на крадење и тендери. Реално и со дела да се менува животот на луѓето и тоа идната Влада предводена од ВМРО-ДПМНЕ ќе го направи.
„За да се случи ова што ви го зборувам, на 8-ми мај мора да се заврши започнатата работа. Цунамито е кренато. Тоа цунами треба да удри на денот на изборите и да ја оддува забрефтаната од криминал власт. Решението против сите сценарија кои ги прават од СДСМ и ДУИ е излезноста“, порача Мицкоски.
Тој ги повика граѓаните на осми мај да излезат и да гласаат, време е да започнат промените во Македонија.
Македонија
Битиќи: Бидете патриоти, изберете европска иднина на соживот и плати од 1.300 евра
„На 8-ми мај излезете на гласачките места и со заокружување на бројот еден да ги сочуваме темелите на државата, на демократските вредности, на внатрешната кохезија на етникумите и верските заедници. Бидете патриоти и изберете безбедна и европска иднина, каде ќе бидеме сплотени и ќе имаме просечна плато до 1.300 евра“, порача на денешните средби со жителите на Бутел и Чучер Сандево, Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2.
Битиќи истакна дека длабоко верува дека мнозинството од граѓаните не сакаат враќање 20 години назад во минатото, во заробена држава и поделено општество, во држава во која минималната плата изнесуваше под 10.000 денари.
„Гледате политичари кои дефилираат по митинзите со националистички пароли и пораки за изолација на државата. Но, уверен сум дека со вашиот глас за бројот 1 ќе ги замолчите, ќе им покажете дека вашата одлука е да имаме нова влада која ќе продолжи државата да ја води кон Европската унија, кон нејзините вредности, “ рече Битиќи и посочи дека СДСМ и коалицијата имаат програма која ќе ја исполни оваа мнозинска желба на граѓаните на Македонија.
Нагласи дека агендата на националистите е празна, а програмите им се полни со празни зборови, затоа нудат само несигурност и страв меѓу граѓаните.
„Знаеме дека патот до ЕУ е тежок, со многу пречки пред нас, но ЕУ е единствениот начин да ги смениме работите на подобро, во економијата, во образованието, во здравството.
Не смееме да се откажеме од европското семејство и да ги замолчиме националистите“, порача Битиќи.
Зборувајќи за мерките од предизборната програма на СДСМ, Битиќи посочи дека членството во ЕУ не само што ќе однесе посилна кохезија помеѓу различните етнички и верски заедници во Македонија, туку тоа ќе значи и подобар и поквалитетен живот за сите граѓани
„Пред вас излегуваме со конкретни верувања, за кои во минатото покажавме дека ги исполнуваме, а ќе ги исполниме и сега. Гарантирам е просечна плата од 1.100 евра и минимална плата од 600 евра, кои со влезот во ЕУ проектираме да достигнат до 1.300 евра односно 800 евра“, им порача Битиќи на жителите на Бутел и Чучер Сандево.