Македонија
Груевски ја повика дијаспората да инвестира за поуспешна Македонија
Премиерот Никола Груевски денеска ја повика македонската дијаспора за поактивно вклучување во сите реформски процеси во Македонија, во привлекувањето на странски инвестиции и подобрувањето на економската состојба, како и во интеграција на земјата во ЕУ и НАТО.
Премиерот Никола Груевски денеска ја повика македонската дијаспора за поактивно вклучување во сите реформски процеси во Македонија, во привлекувањето на странски инвестиции и подобрувањето на економската состојба, како и во интеграција на земјата во ЕУ и НАТО.
Пред присутните претставници од македонската дијаспора, домашни и странски гости и претставници од дипломатскиот кор во Македонија на денешната конференција „20 години независна Република Македонија – постигнувања и перспективи на современата македонска држава“, Груевски истакна дека во стратешкиот поход за освојување на нови успеси, значајно место зазема македонската дијаспора.
„Националното, етничкото и политичкото обединување на теми од врвен национален интерес е целта што треба да ја оствариме, така ќе ги обезбедиме нашите природни и политички права кои нè определуваат и идентитетски и вредносно. Верувам дека денеска на човек може да му се одземе сè, но не она што е највредно, потеклото, спомените и чувството за припадност. Ги носиме во својата душа како македонски и никакви поинаку. Велат дека денеска е моќен оној кој е обединет, а такви ние треба да станеме“, истакна премиерот Груевски, додавајќи дека дијаспората е еднаква тула во бедемот за одбрана на македонските национални интереси.
Од земја жариште, како што рече тој, денес Македонија е земја промотор на мирот и регионалната стабилност.
„Лузните кои стојат во развојот на секоја земја, а кај нас се огледуваат низ проблемите со процесот на приватизацијата, задоцнетиот приклучок кон евроатланските интеграции во деведесеттите години, конфликтот, оставија сериозен белег, но тие говорат за тоа каде сме биле, а не каде одиме. Не можеме да се вратиме од почеток, но може да почнеме од сега и да изградиме поинаков крај“, нагласи Груевски.
Министерот за надворешни работи Никола Попоски посочи дека ресорот со кој раководи и македонската дипломатија 20 години успешно работат на етаблирањето на македонската држава на меѓународен план, за што, како што рече, сведочат големиот број дипломатско-конзуларни претставништва, 1.015 склучени меѓународни договори, членство во 103 меѓународни организации и регионални иницијативи, либерализацијата на визниот режим и успешното претседавање со комитетот на министри на СЕ.
И тој побара поддршка од македонската дијаспора за остварувањето на сонот на Македонците за самобитност и државност.
„Претставниците од дијаспората со бројни успеси остварени на многу полиња и во различни земји придонесуваат за афирмација на независна Македонија и се вбројуваат во нашите најдобри амбасадори“, рече Попоски.
Тој посочи дека стратешки приоритети на МНР остануваат надминувањето на спорот со името и евроатланските интеграции.
Конференцијата ја организира македонското МНР, а е во рамки на активностите за прослава на 20-годишната од независноста на Македонија./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Професор д-р Атанаско Тунески: Енергетската самостојност е услов за самоодржлива држава, а ЗНАМ нуди мерки кои тоа ќе го овозможат
Денеска Движењето ЗНАМ – За наша Македонија одржа прес конференција на која професор д-р Атанаско Тунески зборуваше за мерките во енергетиката што се предвидени во програмата на Движењето „Проглас за достоинствена Македонија“ за претстојните парламентарни избори.
Професор Туневски рече дека заложбите за самоодржлива држава подразбираат самојстојност во покривањето на потребите од електрична енергија со производство во енергетските капацитети во државна сопственост.
„Најважните цели во делот за енергетиката од програмата “Проглас за достоинствена Македонија” се: изградба на 2 гасни когенеративни електрани (ТЕ-ТО Скопје и ТЕ-ТО Неготино), до мај 2027, во државна сопственост; почеток на изградба на ХЕЦ Чебрен во државна сопственост, со формирање на Дирекција за изградба на ХЕЦ Чебрен, најдоцна 4 месеци по формирањето на новата Влада; избор на стратешки инвеститор за реализација на проектот Вардарска долина, кој содржи 12 хидроцентрали, најдоцна 2 години по формирањето на новата Влада; завршување на изградбата на гасоводите: Неготино (Кавадарци) – Битола, Скопје-Тетово-Гостивар-Кичево, како и интерконективниот гасовод со Грција, со што со гасоводна мрежа ќе биде покриено околу 70% од населението во Македонија,; зголемување на производството на електрична енергија во енергетските капацитети во државна сопственост за најмалку 30% во однос на 2023-та година; намалување на трошоците за производство на електрична енергија во енергетските капацитети во државна сопственост за најмалку 25% во однос на 2023-та година“, рече професор Туневски.
Тој нагласи дека реализацијата на овие цели ќе овозможат енергетска независност на Македонија преку сериозно зголемување на производството на електрична енергија во енергетските капацитети во државна сопственост.
уневски додаде дека Програмата “Проглас за достоинствена Македонија” на Движењето ЗНАМ – За наша Македонија обезбедува максимум за Македонија преку максимум во енергетиката во Македонија.
Македонија
Крмов од Македонска Каменица: Посебен закон за пензионирање на рударите. 20 години стаж и 10 години бенефициран стаж
Денес, Носителот на листата на Левица во ИЕ3 – пратеникот Борислав Крмов, заедно со членот на Президиумот на Левица – Александар Симонов и советникот од Левица, Тони Стаменковски, остварија средба со граѓаните на Македонска Каменица.
На средбите со рударите, имајќи ги предвид проблемите со кои се соочуваат тие, пратеникот Крмов истакна:
,,Во моментов рударите одат во пензија со,
од прилика, 27 годишен стаж и 13 години бенефициран стаж. Во ниедна држава не е така. Секаде е тоа помалку, што значи дека ние како пратеници во Собранието ќе бараме посебен закон за рударство, којшто ќе намали на: 20 години стаж и 10 години – бенефициран стаж”.
Пред граѓаните на Македонска Каменица, Крмов истакна и дел од мерките предвидени во изборната програма на Левица што се однесуваат на инфраструктурата и заштитата на природните ресурси:
– Целосна обнова и проширување на руралната патна инфраструктура на локални патишта – со цел поврзаност
на секое село до главните транспортни артерии;
– Прогласување за национални богатства на водите, шумите, рудите и минералните ресурси и забрана за нивно издавање под концесија!;
– Ограничување на концесионерството на природните богатства и на јавните добра и услуги, со целосна забрана за давање под концесии на водни ресурси.
Во однос на домашното земјоделско производство и мерките за земјоделството и стопанството, Крмов се задржа на следново:
– Заштита на домашното производство (Made in Macedonia);
– Рестартирање или отворање на нови профитабилни државни компании во секоја стратешка гранка од стопанството како: рудници, металопреработувачка индустрија, откупни пунктови за земјоделски и шумски производи, производство на автохтона храна и пијалоци и многу други стопански дејности.
Стимулирање на задругарството и кооперативите, во сите сфери на здружување е една од мерките во Програмата на Левица. Тука се мисли на работнички кооперации, земјоделски задруги итн.
Оттука, Левица се залага за поттикнување на задругарството преку проектот „Мало селско стопанство“ (т.н. аграрни кооперативи) со стручна, техничка и техолошка, т.е. механизациска поддршка на земјоделските задруги.
Крмов од Македонска Каменица ја истакна и програмската мерка за гарантирани цени за најосновните прехранбени продукти и намирници потребни за секојдневен живот на населението.
Ова е само мал дел од над 1000 мерки и проекти, предвидени во Изборната програма на Левица, нагласи Крмов.
Македонија
Почувствуван земјотрес во скопското епицентрално подрачје
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, после полноќ на 04.05.2024 година во 01 часот и 39 минути, регистрираше земјотрес чиj епицентар припаѓа на Скопското епицентрално подрачје, со Рихтерова локална магнитуда ML1.9.
Според досегашните податоци со кои располага опсерваторијата, земјотресот е почувствуван од населението во градот Скопје и околината, со интензитет од III степени според Европската макросеизмичка скала, информираат од Сеизмолошка опсерваторија при Природно-математичкиот факултет во Скопје.