Македонија
Бекутан на Алкалоид супербренд и во Хрватска
Македонскиот бренд Бекутан на најголемата фармацевтска компанија во државата, Алкалоид, избран е за супербренд на хрватскиот пазар за 2009 година.
Македонскиот бренд Бекутан на најголемата фармацевтска компанија во државата, Алкалоид, избран е за супербренд на хрватскиот пазар за 2009 година.
Успехот е уште поголем ако се има во предвид дека изборот е направен во конкуренција од над 1.000 домашни и странски брендови.
Изборот го организираше Супербренд интернационал, единствен и независен авторитет во областа на брендирањето, што е присутен во повеќе од 80 земји во светот. Алкалоид го доби признанието на гала-свеченост во Загреб. Според Невен Сукаровски, директор на претставништвото на Алкалоид во Загреб, ова признание е уште една потврда дека Бекутан е изграден бренд и во меѓународни рамки.
„Алкалоид е присутен со децении на хрватскиот пазар, а брендот Бекутан веќе 30 години е препознатлив и за хрватските потрошувачи. Станува збор за детска козметика со фармацевтски квалитет, со исклучително висока препознатливост кај потрошувачите, производ со традиција, доверба, лојалност…“, вели Шукаровски.
За него сите производи на Алкалоид се одлично позиционирани на хрватскиот пазар, а кремата Бекутан е апсолутен лидер кај хрватските потрошувачи.
Бекутан е еден од најпрепознатливите македонски брендови на сите пазари во регионот. Доследноста во одржувањето на врвниот квалитет придонесе довербата кон него да се пренесува од генерација на генерација.
„Доказ за одличната позиционираност на Бекутан кај потрошувачите се и признанијата и меѓународните награди кои го следат потрошувачкиот сегмент на пазарите во подолг временски период, информираат од Алкалоид и додаваат дека Бекутан е избран за Супербренд на пазарот во БиХ во 2008 година., а минатата година како апсолутен лидер на пазарот оваа признание го доби и на македонскиот пазар.
Во изборот на хрватските супербрендови учествуваа повеќе од 60 деловни и маркетиншки експерти и повеќе од 23.000 потрошувачи. Се оценува довербата, различноста и емоционалниот набој, односно се што претставува клуч за успехот во едно економско опкружување.
Покрај Бекутан, признанието Супербренд го добија и Конзум, Агрокор, Ледо, Ронхил, Музејот Мимара, Дукат, Дајнер клубот и други.
Од 280 фармацевтски компании во Хрватска, Алкалоид според успешноста во работењето е рангирана меѓу првите 20. Алкалоид во Хрватска веќе се перцепира како домашна компанија и потрошувачите имаат максимална доверба и веруваат во квалитетот на неговите производи. Претставништвото на Алкалоид во Хрватска е едно од најуспешните и има континуиран раст на пласманот од 20 отсто последниве неколку години. /крај/фор/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Од полноќ почнува изборниот молк
На полноќ почнува изборниот молк пред парламентарните и вториот круг од претседателските избори, кои ќе се одржат в среда.
Изборниот молк ќе трае до среда до 19 часот, односно до затворањето на избирачките места.
Се гласа на 3.480 избирачки места.
Утре (7 мај) гласаат иселениците, болните и изнемоштените, затворениците, лицата во старските домови и две раселени лица.
Според Државната изборна комисија (ДИК), за претседателските избори биле пријавени 1.814.317 гласачи, а за парламентарните избори вкупно 1.815.350 гласачи.
За време на молкот, медиумите продолжуваат да известуваат за изборниот процес, но престануваат сите облици на изборно медиумско претставување на учесниците во изборната кампања, информираат од Агенцијата за аудио и аудиовизуелни медиумски услуги.
„Според Изборниот законик, за прекршување на изборниот молк се смета емитувањето какви било информации, фотографии, аудио и аудиовизуелни материјали поврзани со или во кои учествуваат учесници во изборите, какви било облици на медиумско известување кои се отворено или прикриено во функција на нечија кампања и можат да влијаат врз одлуката на избирачите, податоци со кои се открива идентитетот на политички субјекти и/или поединци вклучени во инциденти или неправилности на денот на гласањето; како и изјави од кандидати во изборниот процес, од претставници на политички партии и од носители на функции во органите на власта“, се појаснува во соопштението од Агенцијата за аудио и аудиовозуелни медиумски услуги.
Македонија
Апасиев: Сиромашниот Албанец, сиромашниот Ром, сиромашниот Бошњак, сиромашниот Турчин ни е поблизок од македонскиот чорбаџија
На денешниот завршен Народен собир на Левица од Парламентарна кампања, 2024, се обрати претседателот на Левица и Носител на ИЕ1, Димитар Апасиев.
,,AСНОМ е она што сега го возобнувуваме. Тие што нè ословуваа дека сме националисти, нека знаат дека повеќе Турци и Бошњаци ќе влезат преку листите на Левица, отколку преку нивните етнотрибалистички листи”, рече Апасиев во своето обраќање кон граѓаните.
Според Апааиев, Левица не е лажна опозиција и Левица има светла иднина.
,,Оставете ги овие балони што се дуваат, овие максовци кои ќе испарат за година – година и пол. Ние на овие избори очекуваме да влеземе со пратеничка група, а нашиот народ знае дека треба да го даде гласот за Левица!”, порача Апасиев.
Својот говор, Апасиев го заокружи со благодарност до членовите и симпатизерите на Левица.
,,Сакам да ви се заблагодарам најискрено и најчовечки, бидејќи вие сте денес тука – водени од идеали и од каузата што нè обединува. Никој од вас не зеде пари, за да дојде тука на овој заеднички Народен собир на Левица. Никој од вас не го вработивме преку Левица. Сега имаме набљудувачи во рекорден број. Како никогаш досега разваливте на терен. Веќе го надминавме епитетот на мала и фејсбук – партија, затоа се плашат од нас. И има зошто да се плашат!”, додаде Апасиев.
Во однос на класната борба, претседателот Апасиев рече:
,,Сиромашниот Албанец, сиромашниот Ром, сиромашниот Бошњак, сиромашниот Турчин ни е поблизок од македонскиот чорбаџија. И затоа, елајте, браќа и сестри! Елајте, народи и народности! Елајте во Левица, за да го вееме бајракот на слободата!”
Македонија
Силјановска-Давкова: Времето на жените доаѓа, срамота е што 30 години сме немале жена претседателка или премиерка
Во рамките на активностите на кандидатката за претседателка на државата, Гордана Сиљановска-Давкова, таа се обрати на трибината на тема „Жени“ која се одржа во Јавна соба.
„Во мојата програма има посебен дел посветен на жените. Подолго светот живеел како патријархат отколку матријархат. Повеќе жени во политика, повеќе гаранции за помалку насилство. Срамота е 30 години да не сме имале жена претседателка, жена премиерка. Да им ставиме крај на Венецијанските трговци“, порача Давкова.
Како што додаде, жените имаат што да покажат, имаат вулканска сила и мажите треба да се инспирираат од нив.
„Времето на жените доаѓа. Сега е време за машка еманципација. Македонија е во женски род, политиката е во женски род. Женскоста е квалитет неискористен. Промените наскоро доаѓаат“, рече Давкова на трибината.