На патниот правец Тетово – Попова Шапка воведена е забрана за тешки товарни возила и автобуси, а за другите видови возила задолжителна е употреба на зимска опрема информираат од Јавното претпријатие Македонија Пат“.

Оваа забрана е воведена ви вторникто навечер по 18 часот, а додека забраните на планинскиот премин Стража и на патниот правец крак Маврово – Дебар се укинати во текот на ноќта.

Инаку сообраќајот на сите државни патишта низ Македонија се одвива отежнато и во зимски услови со наместа остатоци од кашест снег, а поради ниските температури можна е појава на голомразица.

Појава на магла со видливост од 50 до 100 метри се забележува на патниот правец Кратово – Пробиштип и на планинските премини Плетвар и Ѓавато.

Од Автомото сојузот на Македонија препорачуваат внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево и Берово – Виница, каде е можна почеста појава на одрони.

Tеренските активности (геодетски и геомеханички истраги) кои се изведуваат долж патниот правец А-1, делница Миладиновци-Куманово (во двата правци) односно од наплатна станица Миладиновци до крај на стариот автопат-клучка Кр.Паланка, во периодот до 30-ти ноември се изведуваат од Агино село кон Миладиновци. Работите се изведуваат во временски период од 07:00 до 18:00 часот, додека пак сообраќајната сигнализација за времена измена на режим на сообраќај е поставена 24 часа на трасата.

За потребите за изработка на проектна документација за рехабилитација на патниот правец А-1, делница Неготино-Демир Капија, од денеска ќе се започне со геодетски активности за што е потребно да се воведе времена измена на режим на сообраќај и за истата ќе биде поставена соодветна сообраќајна сигнализација. Времетраењето на измената ќе биде два месеца, односно до 27-ми јануари 2014. Работите ќе се изведуваат во временски период од 07:00 до 17:00 часот, додека пак сообраќајната сигнализација за времена измена на режим на сообраќај е поставена 24 часа на трасата.

Од вторникот во периодот од 10 до 14 часот на патниот правец Раброво – Костурино (Р1401) се изведуваат градежни работи за вградување на асфалтот по целата ширина на патот.

На патните правци Кочани – брана Калиманци (А3) и Македонска Каменица – Делчево (А3) се врши надоградба на асфалтната подлога и санација на риголите, за што е поставена соодветна сообраќајна сигнализација. Сообраќајот се одвива непречено, а се очекува градежните работи да се одвиваат до средината на декември.

На делницата Маврови Анови – Дебар (Р1202) се изведуваат градежни работи на санација на Мелнички мост во близина на Дебар. Поставена е соодветна патна сигнализација, сообраќајот се одвива непречено, но се препорачува внимателно возење и прилагодување на брзината спрема условите на патот.

На патниот правец Велес – Кадрифаково се изведуваат градежни работи, кои во првата фаза и се одвиваат од клучка Велес, крај на трета лента (депонија Велес) до Лозово, Сарамзалино.

Патниот правец Р2 332, Охрид- Ресен преку Галичица (врска со Р1307 (Царина)-врска со А3 и Р1301 (Трпејца), од месноста Корита до зимскиот центар Отешево се затвора сезонски за сообраќај на сите возила. Оваа забрана ќе трае до 31.03.2014 год.

Интензитетот на сообраќај на патните правци надвор од градските средини е умерен, а на граничните премини нема подолготрајни задржувања за влез и за излез од државата./крај/мф/сн