Организаторите на протестот на албанските невладини организации, се извинија до медиумите за недавањето изјава на македонски јазик. До медиумите ја испратија декларацијата на македонски јазик.

Организаторите на протестот на албанските невладини организации, се извинија до медиумите за недавањето изјава на македонски јазик. До медиумите ја испратија декларацијата на македонски јазик.

„Нашиот единствен и неповратлив пат е зачленувањето во НАТО и Европската Унија, но таму не се стигнува со дискриминирачка и антидемократска политика како и со корумпирано и политизирано судство. Треба да се стремиме кон постигање на нашето заедничка добра иднина  преку еднаквост на граѓаните Македонци и Албанци во Македонија“  се вели во соопштението испратено до медиумите.

Протестниот марш пред Судовите, Собранието и Владата го симболизирале  дискриминирачкиот трином кој делувал против Албанците, корумпираниот суд кој казнувал невини Албанци, Собранието кое донесува антиалбански закони и Владата која била доминирана од етничките Македонци.

Бараат итно прекинување на монтираните судски процеси и ослободување на лицата осудени во Сопот и Бродец, како и да се прекине процесуирањето на хашките случаи.

„Судството на оваа држава да се реформира во согласност со стандардите на Европската Унија за да судат врз основа на фактите и не врз основа на нивната етничка припадност на осомничените за различни случаи“ се вели во соопштението.

Меѓу нивните барања е и прекинување на проектот Скопје 2014, регулирање на прашањето на употреба на албанскиот јазик како и прашањето за употреба на националните симболи, како и пропорционална распределба. /крај/со/фф