Македонија
Македонија е во клучна фаза од евроинтегративен процес
Македонија влегува во клучната фаза од евроинтегративен процес и ќе биде потребен еден широк консензус за побрзо остварување на целта.
Македонија влегува во клучната фаза од евроинтегративен процес и ќе биде потребен еден широк консензус за побрзо остварување на целта.
Ова беше констатирано на конференцијата „Лисабон-Скопје-Атина“, што во средата се одржа во Скопје и на која се анализираше Извештајот на Европската комисија (ЕК) за напредокот на Македонија.
Евроамбасадорот во Македонија Ерван Фуере смета дека земјата има капацитет и воља да ја постигне поставената цел за интеграција во ЕУ.
„Важно е фокусот да остане на неопходните реформите, кои не треба да се спроведуваат само затоа што ЕУ тоа го вели, туку станува збор за реформи од суштинско значење за државата, која без нив нема да постигне долгорочна политичка стабилност, нема да има демократија и нема да има силна и професионална администрација“, изјави Фуере.
Вицепремиерот за евроинтеграции Васко Наумовски оцени дека препораката на ЕК претставува јасно охрабрување да се продолжи со сите реформи и заедно со еден широк политички и општествен консензус да се продолжи на патот кон полноправно членство во Унијата.
„Владата ќе продолжи со имплементација на рамковниот договор, со зајакнување на ефикасноста на правосудството, со модернизацијата на администрацијата и со други реформи со цел во наредниот извештај да бидат избегнати негативни забелешки“, рече Наумоски.
Тој нагласи дека Македонија продолжува со преговорите со Грција со цел да се изнајде решение, а не со цел да се преговара во наредните десет години.
„Веруваме дека е можно решение кое што е прифатливо за двете страни, кое што ќе се заснова за меѓусебна почит, разбирање и доверба. Решение во кое, што ќе нема победници и поразени“, изјави Наумовски.
Претседателот на Националниот совет за евроинтеграција, Радмила Шекеринска потсети дека низ конструктивна критика и пошироки консултации меѓу политичките партии може да се стигне до консензус.
Таа изрази песимизам дека преговорите со ЕУ ќе бидат завршени за две години, порачувајќи дека ќе биде потребно да се подготвиме за маратон.
Воедно, Шекеринска не е уверена дека Македонија со сигурност во декември ќе добие датум за преговори и запраша врз што Владата го темели таквиот оптимизам.
Пратеничката од ДУИ Ермира Мехмети јавно запраша дали се водат преговори за идентитетот на државата или за идентитетот на нацијата.
Таа искажа загриженост од најавениот референдум за името, предупредувајќи дека тоа може да предизвика голема етничка поделеност во државата, а може и да го закочи целиот процес.
Дебатата беше организиранa од страна на Фондацијата Институт отворено општество –Македонија и Македонскиот центар за европско образование. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Касами слави во Тетово: Од утре почнуваат преговори за нова влада помеѓу ВМРО-ДПМНЕ и коалицијата Влен
Од утре почнуваат преговори за нова влада помеѓу ВМРО-ДПМНЕ и коалицијата Влен, кажа претседателот на БЕСА, дел од коалицијата Влен, Билал Касами.
Касами рече дека ВЛЕН е победник во сите општини со мнозинско албанско население, а резултатот го препиша и на доаѓањето на иселениците.
„Коалицијата Влен е апсолутен победник кај Албанците“, изјави Касами.
Тој очекува да имаат број на пратеници колку и ДУИ.
Според досега пребројаните гласови, коалицијата Влен има 92.091 гласа, односно 11,21 отсто, а Европскиот фронт на ДУИ, 117.503 гласа, или 14,30 отсто.
Македонија
Димитриевски: ЗНАМ вечерва испиша историја
Лидерот на ЗНАМ, Максим Димитриевски и посака успешен мандат на Гордана Силјановска Давкова.
„Да ја води Македонија во правилна насока, да биде тука за граѓаните, бидејќи нашата борба е и ќе биде за граѓаните. Воедно да честитам на ВМРО-ДПМНЕ за убедливата победа. Верувам дека овие избори ќе бидат дополнителна поука за сите останати политички субјекти кои гравитираа досега на политичката сцена. За нас од ЗНАМ гордо можам да потврдам дека ЗНАМ од вечерва ја започнува својата борба за достоинствена Македонија. ЗНАМ вечерва испиша историја. Ние потвдивме минимум пратеничка група и некаде околу 60 илјади гласови“, кажа Димитриевски и се заблагодари на граѓаните кои што излегоа на изборите.
„Од денеска продолжуваме како што ветувавме во предизборната кампања, согласно нашите определби, програмски и сето што беше ветено пред граѓаните. Ние сме партија формирана од граѓаните, ќе бидеме со граѓаните и ќе работиме за граѓаните“, додаде Димитриевски.
Прашан дали ќе остане градоначалник или размислува за Владата, тој кажа дека нема никакви размислувања, ќе остане доследен на неговите ветувања и секогаш со кумановчани.
Македонија
(Видео) Силјановска: Ќе бидам претседателка на сите граѓани, не е време за поделби и триумфализам
Тврдам дека, од овој момент, ќе се однесувам како претседателка на сите граѓани, на сите етнички групи, партии, оние кои не се во партиите. Нема да заборавам на разноликоста, изјави Гордана Силјановска Давкова во првото обраќање по победата на претседателските избори.
„Не е време за поделби и фалби, триумфализам. Не можете во политиката со емоции, мора рационално. Ќе направам се’ за да ги бранам државните и националните интереси“, рече Давкова.
Силјановска истакна дека за време на кампањата го зборувала она што го мисли, се посветила на целта, а наградата за неа е непроценлива.
„Не сум ги убедувала граѓаните дека сум најдобриот избор, најумна, оставив изборот да го направат тие. Мислам дека направија вистински избор. Има ли поголема инспирација од тоа жена да стане претседател. Со мене, кога ќе се опкружам со жени сличнин на мене, свои, стамени, кои умеат да изразат став на свој начин, тоа е некаков голем исчекор, тоа е за мене реформски чекор“, рече Давкова.
Според неа, да се повика на бојкот на изборите е партиски и политички притисок. Како што рече, немала многу време да го следи говорот на нејзиниот опонент Стево Пендаровски, но фатила неколку инсерти, и смета дека критиката на бојкотот на ДУИ и на обидот да се киднапира избирачкото право, да се одземе нивното избирачко право или да се диригира е добра констатација.
Давкова изјави дека не се согласува со тезата дека гласовите ги добила поради национализам, напротив, вели таа, во тимот имала Албанци, Турци, Роми и ќе ги вклучи во кабинетот. Тоа се луѓе кои зад себе имаат образование и докторати и тоа за неа е суштинскиот елемент, а потоа е припадноста.
Силјановска изјави дека не знае дали противкандидатот Пендаровски ѝ честитал победа, бидејќи си го заборавила мобилниот телефон дома.
Според резултатите од Државната изборна комисија од 80,37 отсто од преброените гласови, Силјановска-Давкова освои 439.614 гласови или 64,83 отсто, а Пендаровски освои 198.288 или 29,24 проценти од гласовите.