Свет
Ирак соопшти дека Сирија ги прифаќа набљудувачите од Арапската лига
Сирија го прифатила планот на Арапската лига да испрати свои набљудувачи коишто ќе ги следат безредијата и протестите на опозицијата против претседателот Башар ал-Асад, како и дека ќе го потпише протоколот за тоа, изјави во четвртокот ирачкиот министер за надворешни работи.
Сирија го прифатила планот на Арапската лига да испрати свои набљудувачи коишто ќе ги следат безредијата и протестите на опозицијата против претседателот Башар ал-Асад, како и дека ќе го потпише протоколот за тоа, изјави во четвртокот ирачкиот министер за надворешни работи.Сириското прифаќање на предлогот којшто претходно настојуваше да го измени, аналитичарите од регионот го толкуваат како последен обид да се избегнат санкциите коишто се разгледуваат на собирот на министрите за надворешни работи на арапските земји кој се одржува во Каиро, пишува Reuters. „Сирија во целост се согласи со протоколот“, изјави за новинарите во Каиро, Хошиар Зебари, министер за надворешни работи на Ирак. Тој притоа додал дека сите министри од земјите од Арапската лига се согласиле дека насилството во Сирија мора да биде прекинато. Сирија сé уште не го потврди прифаќањето на протоколот а функционери на Арапската лига не беа достапни за изјава, додава агенцијата. Сирија не учествува на состанокот на Арапската лига, бидејќи нејзиното членство е суспендирано затоа што не го спроведе планот на лигата за прекинување на пресметките со демонстрантите против режимот на претседателот Башар ал-Асад. Според сириската опозиција бројот на жртвите од судирите во земјата надминува четири илјади луѓе. Сириската власти, пак, тврдат дека судирите се испровоцирани од вооружени групи кои се поддржани и уфрлени од странство, а дека бројот на загинати не надминува повеќе од 1.500 мртви од двете страни, од кои најмалку 1.100 се припадници на сириските безбедносни сили.Сириската опозиција која е организатор анти-владините протести, бара неодложна оставка на претседателот Башар ал-Асад. Ова барање е поддржано и од САД и земјите на Европската унија кои воведоа голем број економски санкции против Сирија.Во Сирија изминатите осум месеци континуирано се одвиваат анти-владини протести, кои започнаа во средината на март во јужниот дел на земјата, во градот Дера’а, а потоа се проширија и во другите региони./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.