Свет
Турција расположна да го складира иранскиот ураниум

Иранскиот претседател Ахмадинеџад ја поздрави иницијативата на Турција да му дозволи на Иран складирање на збогатен ураниум на нејзина територија
Иранскиот претседател Махмуд Ахмадинеџад ја поздрави денеска иницијативата на Турција, која изрази подготвеност да му овозможи на Техеран складирање на збогатен ураниум на своја територија.„Турција е наша пријателска земја и затоа може да одигра позитивна и конструктивна улога по ова прашање“, изјавил Ахмадинеџад.Тој уште еднаш го повтори ставот што во неделата ја објави на својот интернет став дека Иран нема да се согласи на никакви отстапки по прашањето за нуклеарната програма и ќе води преговори за овој проблем само со Меѓународната агенција за атомска енергија.Претходно, турскиот министер за енергетика и природни ресурси, Танер Јелдез изјави дека Турција е подготвена да му овозможи на Иран да го складира неговиот збогатен ураниум на турска територија. „ Од техничка гледна точка складирањето ураниум не е проблем и ние не можеме да му кажеме „не“ на иран“, нагласил Јелдез, додавајќи дека прашањето се’ уште се разгледува и досега не е добиен официјален предлог.„Турција нема да одбие ако и Иран и петте постојани членки на Советот за безбедност на ОН се обратат кон нас со такво барање“, објасни турскиот министер.Во преговорите за складирање на иранско нуклеарно гориво во трета држава учествува и турскиот министер за надворешни работи Ахмет Давитоглу, кој го разгледа прашањето со локалните власти, со Техеран и со генералниот директор на IAEA, Мохамед ел Барадеј.Во случај овој проект да биде реализиран, Турција ќе претставува пункт за товарање и растоварање на значителен дел од иранскиот ураниум по пат кон Европа, каде ќе биде подложен на процес на збогатување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
ГЕРБ: Властите во Скопјe треба да ја запрат репресијата врз Бугарите во РСМ

Пратеничката група на ГЕРБ изрази несогласување со пресудата на Основниот суд во Битола против Љубчо Георгиевски. Од собраниската говорница утрово, беше прочитана декларација на оваа тема, објави БГНЕС.
„Овој случај не е изолиран, туку еден од многуте што го потврдуваат прогонот на Бугарите во РСМ.
Од пратеничката група на ГЕРБ-СДС, изјавуваме дека оваа пресуда е целосно неприфатлива и ги повикуваме властите во Скопјe да ја запрат репресијата врз бугарската заедница и врз секој што го брани своето неотуѓиво право да се самоидентификува како Бугарин, изјави Јорданка Фандакова.
Оваа пресуда, според неа, е политички мотивирана, тоа е чин на репресија врз Бугарите во РСМ, чии права се систематски кршени.
„Време е властите во оваа земја-кандидат за членство во Европската Унија да престанат да го негираат постоењето на омраза, како и да престанат со сите дејствија што систематски ја поттикнуваат, особено против Бугарија и Бугарите во РСМ.
Бугарија не може и нема да остане рамнодушна кога нејзините граѓани и сонародници се изложени на неправда поради нивниот идентитет. Љубчо Георгиевски не е сам, целата бугарска држава и народ стојат зад него“, рече Фандакова.
БГНЕС во својот напис потсетува дека Основниот суд во Битола го осуди Љубчо Ѓоргиевски, претседателот на бугарскиот клуб „Ванчо Михајлов“, на затворска казна од една година, со услов од две години да не го повтори кривичното дело, предизвикување национална и расна омраза и нетрпеливост, како и ширење расизам и ксенофобија преку компјутерски систем.
Како што пренесува медиумот, бугарското Министерство за надворешни работи, вчера ја оцени казната како апсолутно неприфатлива.
Свет
Израел го евакуираше својот најголем аеродром откако Иран лансираше дронови

Израел денес го евакуираше Меѓународниот аеродром Бен Гурион откако Иран возврати со напади со беспилотни летала.
Израелското воено радио објави дека празните патнички авиони се пренасочуваат кон други аеродроми. Израелскиот Канал 12 објави дека јавноста е замолена да се држи подалеку од аеродромот – најголемиот во земјата – до понатамошно известување.
Синоќа, Израел изврши голем воздушен напад врз повеќе цели во Иран како дел од операцијата „Rising Lion“. Според израелски воени извори, погодени се објекти поврзани со нуклеарната програма на Иран и воени локации, вклучувајќи го и клучниот комплекс за збогатување на ураниум во Натанц.
МААЕ потврди дека Натанц е меѓу нападнатите локации и дека е во контакт со иранските власти за следење на нивоата на зрачење.
Свет
„Тајмс“: Британија нема да го штити Израел од иранска одмазда

Велика Британија нема да го брани Израел додека Иран возвраќа на израелските напади врз земјата извршени преку ноќ, изјави уредникот за одбрана на весникот „Тајмс“ на „Икс“, без да наведува извори.
Во октомври 2024 година, кога Иран испали серија балистички ракети кон Израел, Велика Британија соопшти дека два од нејзините борбени авиони и еден воздушен танкер за полнење гориво биле вклучени во напорите за спречување на понатамошна ескалација, но дека авионите не погодиле никакви цели.
Велика Британија не била вклучена во израелските напади врз Иран извршени преку ноќ, а премиерот Кир Стармер ги повика двете страни да покажат воздржаност и да се вратат на дипломатијата.
Министерството за надворешни работи на Велика Британија и Министерството за одбрана сè уште не одговориле на барањата за коментар за потенцијалното британско вклучување во одбраната на Израел.