Свет
Асад: Турскиот авион беше соборен во воздушниот простор на Сирија
Турскиот извидувачки авион кој беше соборен на 22-ри јуни, од сириската противвоздушна одбрана бил во воздушниот простор на Сирија, а сириската страна утврдила дела леталото е од Труција дури по инцидентот, вели сирискиот претседател Башар ал-Асад во интервјуто за весникот Cumhuriyet.
„Авионот беше во воздушниот коридор кој постојано го користат израелските авиони Офицерот го соборил авионот, откако не бил забележан на радар и немало никакви информации за него. За тоа дека авионот и’ припаѓа на Турција, дознавме подоцна“, вели сирискиот претседател Башар ал-Асад за турскиот дневен весник, изразувајќи големо жалење за инцидентот кој предизвика тензии меѓу двете земји, меѓутоа додавајќи дека „земја којашто е во војна секогаш така реагира“ .
„Би сакал да не го соборевме (авионот – з.р)“, вели Асад додавајќи дека турскиот авиони летал на многу ниска надморска височина и бил погоден од „мала батерија на воздушен одбранбен ракетен систем“, која може да погоди цел на оддалеченост најмногу до 2,5 километри.
Истовремено сирискиот претседател вели дека Дамаск ќе испрати официјално извинување до Анкара, доколку, како што тврди турската страна, авионот бил соборен во меѓународниот воздушен простор.
Извидувачкиот авион на турските воздухопловни сили од американскиот тип „RF-4E Phantom“ кој на 22-ри јуни полета од воздухопловната база Ерхач во југоисточната провинција Малатија, по половина час исчезна од радарите при надлетувањето на Средоземното Море, блиску до југоисточната покраина Хатај на границата со Сирија, беше соборен од страна на сириската противвоздушана одбрана. Сирија соопшти дека соборила турски авиони над нејзините територијални води по неговото навлегување во нејзиниот воздушен простор. Турција тврди дека авионот бил соборен во меѓународниот воздушен простор, а дека неговите фрагменти паднале во територијалните води на Сирија. Според Анкара, авионот бил на тренажен лет чија цел била да го тестира турскиот радарски систем, не бил вооружен и неговата мисија не била насочена против Сирија, којашто наводно била запознаена со летот, но не го предупредила екипажот за акцијата што има намера да ја преземе против леталото, како што бара меѓународното право.
Тензиите меѓу Турција и Сирија потоа се зголемија. Tурција распореди војници по должината на својата граница со Сирија.
Иако претходно изјави дека Турција нема намера со никого да војува но дека ќе преземе остри мерки во однос на соборувањето на нејзиниот воен авион од страна на сириската армија, премиерот Реџеп Таип Ердоган на 26-ти јуни издаде наредба да се реагира на каква и да е сириска закана во близина на границата.
Според турските медиуми, Анкара распоредила конвој од 30 воени возила, вклучувајќи и камиони натоварени со ракетни батерии и ракети „стингер“. Според информациите, големиот конвој го од градот Искендерун во покраината Хатај бил распореден во пограничниот град Рејханли.
Во меѓувреме турската страна неколкупати упатуваше борбени авиони кон границата со Сирија по информациите дека во пограничната област летаат сириски борбени хеликотпери.
Сирискиот претседател, исто така, во интервјуто за турскиот весник Cumhuriyet, истакнува дека по минатогодишното назначување за нов началник на турскиот Генералштаб, односот меѓу министерствата за одбрана на двете земји биле прекинати.
„По промената на началникот на Генералштабот на Турција, владата му забрани да одржува комуникацијата со нас. Ние сега дури немаме ниту телефонски број на кој и да е турски командант, со кој може да контактираме во итен случај. Ако односите не беа прекинати, ние без негативни ефекти ќе го разрешевме проблемот“, вели Асад.
Турција и Сирија споделуваат заедничка граница во должина од 900 километри. Иако од двете страни по инцидентот следеа изјави дека не се непријателски настроени една кон друга, аналитичарите истакнуваат дека опасноста од судири на границата меѓу двете држави е сé поголема.
Турција заедно со западните и арапските земји им дава поддршка на сириските опозициски сили во 15-месечните напори да го собори од власта претседателот Башар ал-Асад. На турска територија прибежиште под закрила на официјална Анкара најдоа бунтовниците од редовите на Сириската слободна војска и е обезбедено и сместување на илјадниците сириски бегалци./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Фото) Трагедија: Поради семејно насилство мајка со трите деца се фрлила в река во Албанија
Полицијата во Албанија соопшти дека мајка со три деца се фрлила во реката Бојана и дека нејзиниот маж е уапсен. Полицијата го уапсила Ергис Арази (31) поради насилство врз сопругата Алма Арази (39), која наводно се самоубила со трите деца. Децата беа на возраст од девет, шест и четири години, пишува Блиц, кој пренесува на порталот Euronews.al.
View this post on Instagram
По трагичниот настан, рибар го пронашол телото на 9-годишната ќерка, а надлежните се уште трагаат по телата на мајката и уште двете деца кои исчезнаа пред три дена. Полицијата наведува дека постои сомневање дека мајката го напуштила станот со децата бидејќи сопругот ги малтретирал. Тој додава дека Арази (31) и претходно бил осуден за обвиненија поврзани со дрога.
Свет
Нетанјаху: Запирањето на војната во Газа сега ќе го задржи Хамас на власт
Израелскиот премиер Бенјамин Нетанјаху силно ги отфрли барањата на Хамас за прекин на војната во Газа во замена за ослободување на заложниците, велејќи дека тоа ќе ја задржи палестинската исламистичка група на власт и ќе претставува закана за Израел.
Нетанјаху рече дека Израел е подготвен да ги прекине борбите во Газа за да обезбеди ослободување на заложниците кои сè уште ги држи Хамас, за кои се верува дека ги има повеќе од 130.
„Но, кога Израел покажа подготвеност, Хамас остана вкоренет во своите екстремни позиции, чие прво барање е да ги повлече сите наши сили од Појасот Газа, да стави крај на војната и да го остави Хамас на власт“, рече Нетанјаху. „Израел не може да го прифати тоа“.
„Хамас може да го исполни своето ветување дека ќе ги извршува своите масакри, силувања и киднапирања повторно и повторно“, додаде тој.
Преговорите за прекин на огнот со египетските и катарските посредници продолжија во неделата во Каиро, без очигледен напредок бидејќи исламистичката група остана на своето барање дека каков било договор мора да стави крај на војната во Газа, изјавија палестинските власти.
Палестински претставник близок до разговорите рече дека делегацијата на Хамас пристигнала во Каиро решена да постигне договор „но не по секоја цена“. „Договорот мора да стави крај на војната и да обезбеди повлекување на израелските сили од Газа, а Израел сè уште не се обврзал на тоа“, изјави претставникот за Ројтерс, барајќи да остане анонимен.
Свет
Изборот за песна на Евровизија започнува за два дена, Шведска го очекува во страв
Мониста и штрас или пропалестински демонстрации и пароли? Изборот за песна на Евровизија, кој започнува во вторник во шведскиот град Малме, годинава е во сенка на војната во Газа. Посебно за одбележување е учеството на Израел на речиси 70 години старото натпреварување, на кое годинава учествуваат 37 земји, а завршува со финалето на 11 мај.
Жителот на Малме, Андерс Пухел, изјави за АФП дека ќе учествува на протестот на 9 мај, кога Израел ќе се натпреварува во полуфиналето. „За време на војната, учеството на Израел треба да биде забрането на ист начин како што ја забранија Русија“, рече Пухел.
Во 2022 година, руските радиодифузери беа исклучени од Европската радиодифузна унија (ЕБУ), која го организира натпреварот, по инвазијата на Москва врз Украина. „Пораката беше дека не ни се допаѓаат луѓето кои не се придржуваат до демократските стандарди“, рече антропологот и евровизиски специјалист Лизан Вилкен.
Од почетокот на годината беа покренати неколку петиции со кои се бара исфрлање на Израел од натпреварувањето. Директни закани добија и Еден Голан, пејачот кој го претставува Израел, што ЕБУ брзо ги осуди.
„Иако силно ја поддржуваме слободата на говорот и правото на изразување мислења во едно демократско општество, ние силно се спротивставуваме на каква било форма на онлајн злоупотреба, говор на омраза или вознемирување насочена кон нашите уметници или кои било поединци поврзани со натпреварот“, велат организаторите.
Во арената Малме, организаторите ги забранија сите знамиња, освен за земјите-учеснички и знамињата на виножитото, што е старо правило на ЕБУ. „Сигурен сум дека некој ќе успее да донесе палестинско знаме и да го развее, но помалку е сигурно дали тоа ќе се види на телевизија“, рече Пухел.
Илјадници луѓе се очекува да присуствуваат на пропалестинските митинзи во текот на целата недела во градот украсен со разнобојни знамиња. „Никогаш не мислев дека ќе станеме таков политички настан на светската сцена“, рече Карин Карлсон, која беше повикана од градот Малме да го координира музичкиот натпревар.
Со повеќе од 360.000 жители и 186 националности, „целиот свет живее во Малме и сите конфликти се собрани на многу мала област, што создава раздор“, изјави за АФП Андреас Онерфорс, професор по историја на идеи и специјалист за Евровизија.
Мнозинството шведски жители со палестинско потекло, исто така, живеат во пристанишниот град, трет по големина во земјата, кој очекува приближно 100.000 посетители. Безбедноста предизвикува голема загриженост, особено откако Шведска минатата година го крена алармот од закана од тероризам на второ највисоко ниво, по серијата протести во кои беше запален и оштетен Куранот.
Зголемен е бројот на безбедносни проверки, особено кога се влегува во различни места, каде торбите генерално ќе бидат забранети. Зголемено е и присуството на полицијата, пристигнувањето на засилувања од Норвешка и Данска, а полицајците ќе бидат посилно вооружени од вообичаено во текот на неделата.
„Се чини дека е безбедно“, рече Еба Адиелсон, извршен продуцент на настанот за шведскиот јавен радиодифузен сервис СВТ, кој ја организира Евросонгот заедно со ЕБУ. „Полицијата е исклучително активна и одвои многу ресурси“ за да го заштити настанот, додаде Адиелсон.
Протестите ќе бидат строго контролирани, а како мерка на претпазливост, затворските ќелии се испразнети, а затворениците се испратени на други места во Шведска за да направат простор во случај на зголемување на апсењата.
„Евровизија, можете да ја видите низ градот и за неа многу се зборува. За жал, фокусот заврши на други работи наместо на музичкото натпреварување и радоста“, се пожали фан на АББА, Андерс Персон.
Оваа година се одбележуваат 50 години од победата на шведската поп група на натпреварот со песната Ватерло, која го отвори патот на АББА кон светската слава. Неколку шведски уметници кои требаше да учествуваат на споредните свечености се повлекоа, навестувајќи ја контроверзноста околу натпреварот.
Свеченостите ќе продолжат да се одржуваат, но на помирен начин. „Малме е град за забави, најтажно е што можеби помалку жители на Малме ќе учествуваат“, рече Карлсон. ЕБУ го усвои слоганот „Обединети од музиката“, позајмен од натпреварот во 2023 година, кој беше организиран во Обединетото Кралство затоа што воено разурната Украина, победничката на натпреварот во 2022 година, не можеше да биде домаќин.
„Ливерпул беше огромна забава минатата година, тоа беше прослава фрлена во лицето на Путин“, рече Вилкен, мислејќи на рускиот претседател кој ја започна инвазијата на Украина во 2022 година, а сега настанот е „обележан“ од ситуацијата во Газа.
Друг жител на Малме, Јаир Елснер, исто така организира митинг на 9 мај, но за да го прослави учеството на Израел. „Ќе бидеме таму со шведски и израелски знамиња“, изјави тој за АФП, додавајќи дека тие имаат намера да покажат „нешто позитивно“.
Елснер, член на малата еврејска заедница во Малме, рече дека не забележал никакви промени во ставовите кон него од почетокот на војната, но призна дека постои распространето чувство на „несигурност“.