Свет
Британија и Германија во 2013-та значително го намалуваат бројот војници во Авганистан
Британскиот министер за одбран Филип Хамонд во неделата изјави дека планира да повлече илјади британски војници од Авганистан идната година а според пишувањето на германските медиуми значително намалување на трупите планира и Берлин.
„Очекувам дека ќе биде значително, што значи илјадници а не стотици, но не очекуваме дека ќе бидат мнозинството, изјави британскиот министер за одбрана Фили Хамонд за BBC, одговарајќи на прашање за повлекувањето на војниците од Авганистан идната година. Велика Британија до крајот на 2012 година од Авганистан повлекува 500 свои војници, што значи дека во таа земја ќе останат 9.000 илjади. Сите британски војници во татковината треба да се повлечат до крајот на 2014 година, пишува Reuters. Германскиот неделник Der Spiegel во неделата најави дека и Германија значително ќе го намали бројот на свои војници во Авганистан, за што во јануари ќе одлучува Бундестагот. Германија е третата земја според бројноста на нејзините трупи во составот на мисијата Меѓународни сили за поддршка во безбедноста во Авганистан (ИСАФ) со 4.900 војници, што е најголем број германски војници од почетокот на инвазијата во 2001 година. Според Der Spiegel, целат е бројот на војниците да се намали „под четири илјади“. Авганистан до крајот на годинава треба да го напуштат и 00 германски војници. Германското министерство за одбрана ни сакало да го коментира пишувањето на германскиот неделник, велејќи дека бројот на војниците и траењето на нивниот мандат сѐ уште не е решено.Најголем број свои војници во Авганистан имаат САД, чии трупи бројат во моментов 90 илјади војници./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.