Македонија
ДУИ: Криењето на документи не е практика, сметаме дека е некој пропуст
Во врска со обвинувањата кои денеска повторно беа адресирани од страна на СДСМ до претседателот на собранието Трајко Вељаноски, од владеачката партија од албанскиот блок ДУИ велат криењето на документи претставува упад во демократијата, но дека не сакаат да веруваат дека тоа е практика.
Во врска со обвинувањата кои денеска повторно беа адресирани од страна на СДСМ до претседателот на собранието Трајко Вељаноски, од владеачката партија од албанскиот блок ДУИ велат криењето на документи претставува упад во демократијата, но дека не сакаат да веруваат дека тоа е практика.
„Не сакам да верувам дека криењето на писма станува практика, сакам да верувам дека станува збор за одредени пропусти. Мислам дека не би требало да се случуваат вакви пропусти и сметам дека се уште има простор за корегирање на таквите мали инциденти“, вели пратеничката Ермира Мехмети -Деваја од ДУИ.
Во врска со повикот од ЕК да се воведе половата ориентација во Законот за антидискриминација од ДУИ велат има простор за негова понатамошна измена.
„Ставот на ДУИ е јасен. Ние мислиме дека Законот има некои пропусти и исто така сметаме дека има е простор доколку постои волја во понатамошна постапка да се предложат предлози и измени на законот. Ние знаевме, укажувавме и се согласуваме дека таквиот Закон сепак ќе наиде на остри критики од страна на унијата“, истакна Мехмети.
Од Нова демократија пак велат дека Законот за антидискриминација мора да се усогласи со европските стандарди и дека тој мора повторно да се стави во собраниска процедура. /крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ има убедлива предност пред СДСМ, покажуваат првичните бројки од партискиот штаб
Од обработени 9,61% од гласовите ВМРО-ДПМНЕ има освоено 20.713 а СДСМ 5.857 глас, покажуваат првичните резултати од аналитичкиот центар на ВМРО-ДПМНЕ.
Така, од партијата анализираат дека ВМРО-ДПМНЕ има убедливо водство пред СДСМ и другите партии на парламентарните избори.
Бројките на партијата досега се: ВМРО – ДПМНЕ – 20.713, СДСМ – 5.857, ДУИ – 7.552, ЛЕВИЦА – 1771, ЗНАМ – 1.552, ВЛЕН – 4.100, ГРОМ – 109.
Потпретседателот на ВМРО-ДПМНЕ, Владо Мисајловски и носител на изборната единица број 2 во изјава за медиумите говорејќи за претседателските избори рече дека Гордана Силјановска Давкова има убедливо водство пред Стево Пендаровски.
Според партиските бројки, од избројани 12.54 осто од избирачките места, Сиљановска-Давкова има освоено 126.678 гласови, додека пак кандидатот на СДСМ, Стево Пендаровски има 51.965 гласови.
Македонија
Али Ахмети од денеска е најголемиот политички губитник, кажа Меџити
Претседателот на Демократското движење и носител на листа на пратениците од коалицијата ВЛЕН во ИЕ 1, Изет Меџити на вечерашната прес-конференција кажа дека ВЛЕН е апсолутен победник во албанскиот кампус.
„Ви благодариме на трпението и отпорот на сите закани. Како што предупредувавме во текот на кампањата, денеска изборниот процес беше се, само не демократски. За жал државните институции кои имаат задача да го гарантираат процесот, денеска повторно се ставија во служба на ДУИ. Се е документирано и во текот на наредните денови ќе ги информираме претставниците на амбасадите, набљудувачките мисии за сите овие настани и другите релевантни инститиции во земјата и странство. За насилството врз гласачкото право ќе се одговоара“, кажа Меџити.
Тој се осврна и за бојкотот на изборите од страна на ДУИ.
„Денеска драги Албанци, партијата којашто владееше со институциите 22 години го покажа своето вистинско лице, маските на крај паднаа. Со бојкото ДУИ за жал се обиде да го врати политичкото организирање на Албанците во Македонија на предполитичко ниво. Партијата која излезе под името Европски фронт го бојкотираше изборниот процес, примитивен и недемократски чин, чин спротивен на секој европски и демократски принцип, чин кој создава горчлива слика за Албанците во светот“, рече Меџити.
Тој јавно го праша Бујар Османи како ќе го оправда бојкотот на изборите и примитивното однесување на денот на изборите утре пред меѓународните партнери.
„Од утре Македонија се подготвува за политичка ротација. Новата влада ќе ја одразува мнозинството на албански гласачи. Со денешниот ден Али Ахмети ја запечати својата конечна изолација од сите релевантни општествени и политички чинители и фактори во државата и меѓународните фактори. Али Ахмети од денеска е најголемиот политички губитник. Заедно со Артан Груби и неговите пријатели кои во оваа кампања демонстрираа само ароганција и насилство, од денеска ќе заврши во политичка изолација од коалициските партнери од опозициските партии од странските амбасадори, од меѓународната заедница, од невладините организации“, кажа Меџити.
Македонија
На избирачко место во Гази Баба ќе се гласа до 21 часот вечерва, гласањето продолжено на вкупно четири гласачки места во земјава
Поради техничките проблеми пријавени уште утрово, Државната изборна комисија (ДИК) го продолжи гласањето и по 19 часот на вкупно четири избирачки места. Претседателот на ДИК, Александар Даштевски соопшти дека гласањето е најмногу продолжено на едно избирачки место во Гази Баба.
„Продолжување на гласањето ќе има во следните места: Зелениково, избирачко место 2376 до 20.20 часот, Гази Баба избирачко место 2544 до 21 часот, Центар, избирачко место 2796 до 20.35 часот и Кочани избирачко место 838/1 до 20.30 часот. Две или три од овие места се оние кои утрово имаа технички проблеми, така што нема многу избирачки места во кои ќе биде продолжено гласањето“, рече претседателот Даштевски.
Првичните неофицијални резултати од гласањето за претседател и за пратеници Даштевски најави дека ќе соопшти вечерва во 23.30 часот.