Тврдењата на млекарот Душко Илиевски дека бил физички малтретиран кога ја давал изјавата во полиција се неосновани, утврдило Министерството за внатрешни работи

„Во конкретниот случај полициските службеници при преземањето на службените мерки и дејствија постапиле согласно законот за кривична постапка, законот за полиција и правилникот за начинот на вршење на полициски работи“ соопштуваат од МВР.МВР го повикува Илиевски да се извини за изречените клевети или за тоа ќе одговарал пред суд.„Тој што ќе изнесе нешто невистинито што е штетно за угледот и честа ќе се казни со парична казна, се вели во член 172 од кривичниот закон на Македонија“ соопштуваат од МВР.Посебно внимание бараат да се обрне на непристрасноста при работата и изготвувањето на извештајот на заменик Народниот правобранител од Битола, бидејќи била во роднинска врска со еден од учесниците на протестите за ослободување на Душко Илиевски.Душко Илиевски заедно со неговиот брат и татко беа осомничени за производство на марихуана на нивната нива. Пред неколку дена Битолскиот суд го укина притворот за тројцата и ги пушти да се бранат од слобода.Тој во понеделник излезе со обвинувања дека бил физички малтретиран кога ја давал изјавата во полиција.