Македонија
ИВЗ:Рамадани да стои понастрана
Рамадан Рамадани да стои подалеку од расколот и насилството, особено сега пред месецот Рамазан, месец на кој што ние имамите имаме за задача да бидеме во служба на нашиот џемат и на образовните исламски институции
Ова му го порача Здружението на улемаи при муфтивството на Исламската верска заедница (ИВЗ) од Скопје, на распуштениот оџа Рамадан Рамадани кој пред неколку дена му даде рок од една недела на поглаварот на ИВЗ Сулејман Реџепи да ја напушти функцијата, истовремено најавувајќи и протести на верниците.„Рамадани во 2003. година со употреба на насилство и оружје, заедно со радикална вехабистичка група, влегол во институцијата на ИВЗ и присилно го натера тогашниот муфтија да го предложи за оџа и со ’калашњикови’ зеде декрет без никакво право и легална процедура од тогашниот поглавар на ИВЗ“, изјави Рифат Вуисјанин, од Здружението на улимаи при муфтивството.Според нив, Рамадани нема никаков морал и срам и нема никакво верско и морално право да се повикува во името на имамите на Скопје, затоа што нема својство на хатиб или службеник на ИВЗ.„Како лице што извршува задача без декрет, институцијата на ИВЗ против него има покренато пријава за загрозување на владеење на џамијата Иса бег во Скопје, имот на ИВЗ“, рече Вуисјанин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето денеска сончево и потопло
Времето денеска во земјава ќе биде претежно сончево и потопло, попладне во планинските подрачја со услови за краткотраен пороен дожд и ретки грмежи. Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 18 до 25 степени.
Во Скопје претежно сончево и тивко. Минималната температура ќе се спушти до 7, а максималната ќе достигне до 24 степен.
Утре времето ќе биде претежно сончево и топло, попладне во планинските подрачја со услови за краткотраен пороен дожд и ретки грмежи. Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, локално во форма на невреме со пообилни врнежи и засилен ветер.
Македонија
Православните верници го слават Велигден
Православните верници денеска го слават најголемиот христијански празник Велигден – Христовото воскресение, ден кога Исус Христос ја докажал својата божествена моќ и воскреснал од мртвите. Воскресението Христово на полноќ беше објавено во сите храмови на Македонската православна црква, а денеска се одржуваат воскресенски литургии.
Поглаварот на МПЦ-ОА г.г. Стефан богослужеше во Соборниот храм „Свети Климент Охридски“ во Скопје од каде го објави Христовото Воскресение и упати Велигденски пораки.
Македонија
Посебен сообраќаен режим утре и задутре во Тетово поради предизборни митинзи
СВР Тетово информира дека поради одржување на митинзи на политичките партии во рамки на предизборната кампања во следните два дена (недела и понеделник) ќе има посебен сообраќаен режим во центарот на градот.
– Ќе се воведе посебен режим на сообраќајот и тоа по булевар „Илирија“од влезот на Тетово сè до плоштадот, односно кружниот тек со булевар „Илинденска”, при што нема да се дозволува паркирање на возилата низ булеварот. Исто така, за време на митинзите сообраќајот ќе биде пренасочен по другите улици, и тоа по улиците „ЈНА“, „Тодор Ципоски-Мерџан”, „Јане Сандански“ и улица „Никола Тесла“, се вели во соопштението на СВР Тетово.
Отттаму со апел возачите да бидат трпеливи и да ги почитуваат наредбите што ќе ги издаваат полициските службеници.