Свет
Судии ја крадат државата

Експертите предупредуваат за појава на криминални
триаголници составени од судија, обвинител и странка, за наплата на дебели
обештетувања од државата
350.000 ЕВРА ГОДИШНО ОТШТЕТА ЗА ПРИТВОР БЕЗ ДОВОЛНО ДОКАЗИ
Експертите предупредуваат за појава на криминални
триаголници составени од судија, обвинител и странка, за наплата на дебели
обештетувања од државата
Годишно, по основ на барања за надомест на штета од лица кои биле
неосновано или незаконито лишени од слобода, или неоправдано осудени, од
сметката на Министерството за правда се одлеваат по околу 350.000 евра. Како
најголеми виновници се посочуваат истражните судии, кои како од ракав
изрекуваат мерки притвор и кога треба и кога не треба, но и на се поголемиот
број случаи на повлечени обвиненија од страна на обвинителите во судските
процеси.
Исплатата на обештетувањата Министерството за финансии ги врши присилно, по
извршни решенија кои странките ги добиле по судски пат. Ако четворицата
обвинети, па ослободени лица од случајот "Раштански лозја"по судски
пат успеат да ги добијат бараните осум милиони евра како отштета што поминаа
цела година без потреба во притвор, може да падне централниот Буџет,
проценуваат експертите.
Опозицијата во Македонија секогаш обвинува дека мерката притвор се одредува од
политички мотиви и поради реваншизам, особено кога се апсат и притвараат
ексфункционерите непосредно по смената на власта. Упатените службеници од
Министерството за правда, пак, предупредуваат дека во последно време грешки во
процедурата на лишување од слобода се прават од незнаење, но и намерно, од
економски, т.е. криминални причини.
"Не е ли симптоматично што одамна ниту еден истражен судија не одредил
мерка притвор под 30 дена? Некому не му е тешко да одлежи еден месец во затвор,
па потоа да тргне по судови, да добие обештетување и да подели со тие што го
ставиле таму", размислуваат експертите. Во Министерството за правда велат
дека Судскиот совет на Македонија треба да изврши темелна ревизија на
сомнителните мерки притвор, да види дали се тие основани, поткрепени со докази,
дали биле неопходни, зошто сите се по 30 дена, да направи листа на судии кои
најчесто ја применуваат мерката притвор.
Претседателот на Судскиот совет Бекир Исени вели дека при одредувањето притвор
не треба само да се наведе дека постои опасност од бегство, туку и да се
аргументира дали осомничениот има намера за такво нешто, дали има двојно
државјанство, финансиски можности… "Се согласувам дека е можно да има
злоупотреби со притворот, но истрагата за таквите случаи треба да тргне од
службата за организиран криминал во МВР заедно со Одделот за борба против
организираниот криминал во Обвинителството, зашто Судскиот совет не е полицаец
и орган на прогон", вели Исени.
Исени вели повеќе се сомнева дека некои судии и обвинители може да прават
дилови со неправилно водени постапки, со неквалитетни пресуди и со повлекување
на обвиненија, отколку со притворот, зашто смета дека е на штета на странката
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) На детско игралиште во Белград убиен маж

Едно лице беше убиено синоќа во пукотница на булеварот „Вудро Вилсон“ во Белград на вода, објави РТС.
Докторката Виолета Николиќ од Одделот за итни случаи потврди за РТС дека 35-годишен маж бил застрелан синоќа во 23:13 часот.
„Нашиот тим можеше само да заклучи дека 35-годишниот маж е мртов“, рече д-р Николиќ.
На социјалните мрежи се објавени снимки на кои се гледа телото на убиениот маж на детско игралиште и апсењето на друго лице.
фото: принтскрин
Европа
Започнува судењето на бездомничката од Алжир која ја силувала и убила 12-годишната Лола во Париз

Денес започнува судењето на жена обвинета за злоупотреба, мачење и на крајот убиство на 12-годишната Лола Давиет, во случај што ја шокираше Франција пред три години и предизвика политичка реакција, објавува „Гардијан“. Телото на несреќното девојче е пронајдено спакувано во пластичен ковчег фрлен на улица во близина на нејзиниот дом во Париз.
Дабија Бенкиред (27) е обвинета за тешко убиство на малолетник, тешко силување и мачење и варварски дела. Случајот предизвика длабок ужас во француската јавност. Лола Давиет се враќала од училиште во петок, 14 октомври 2022 година.
Таа пристигнала во својот дом во 19-тиот арондисман во Париз, каде што нејзините родители работеле, веднаш по 15 часот. Снимките од безбедносните камери ја снимиле како се среќава со Бенкиред, тогаш бездомничка која престојувала во станот на нејзината сестра во истата зграда.
Кога Лола не се појавила дома, нејзините родители кренале тревога. Час и половина подоцна, камерите ја фатиле Бенкиред во лобито на зградата опкружена со неколку ковчези, вклучувајќи го и оној во кој подоцна било пронајдено телото на девојчето.
Случајот брзо доби политичка димензија кога беше откриено дека Бенкиред, која е родена во Алжир, имала наредба за депортација издадена два месеци пред убиството. Крајнодесничарската партија Национален собир на Марин Ле Пен ги искористила овие информации за сопствена политичка промоција, објавува „Гардијан“.
За време на истрагата, Бенкиред даде збунувачки изјави, но по серија психијатриски и психолошки прегледи, таа беше прогласена за способна да се соочи со судење. Последните три години ги помина во притвор во затворот Фресне, јужно од Париз.
Според францускиот закон, секој чин на сексуална пенетрација извршен со сила, принуда, закана или изненадување се смета за силување. Доколку биде осудена, Бенкиред се соочува со доживотен затвор. Се очекува судењето да трае до следниот петок, кога се очекува пресудата.
фото: принтскрин
Европа
Орбан: Денес ќе разговарам со Путин

Унгарскиот премиер Виктор Орбан објави дека планира утрово да разговара телефонски со рускиот претседател Владимир Путин за претстојната средба на Путин со американскиот претседател Доналд Трамп во Будимпешта, што Трамп ја објави вчера по телефонскиот разговор со рускиот претседател.
Орбан, исто така, рече дека разговарал со Трамп синоќа.
„Разговарав со американскиот претседател синоќа по телефон. И утрово ќе разговарам со претседателот Путин“, рече унгарскиот премиер на радио „Кошут“.
Орбан, исто така, објави дека средбата меѓу Трамп и Путин во Будимпешта би можела да се одржи за околу две недели.
„Вчера претседателот (Трамп) ни рече да се подготвиме; средбата на двајцата министри за надворешни работи е на дневен ред… Тие (Трамп и Путин) одлучија двајцата министри за надворешни работи да се обидат да ги решат преостанатите прашања во рок од една недела, а потоа, една недела подоцна, ќе можат да дојдат тука во Будимпешта“, рече Орбан на радиото.
фото: принтскрин