Свет
Муслиманското братство сака заштита за црквите за Божик
																								
												
												
											Влијателното египетско движење Муслиманско братство во средата објави дека сака да ги заштити црквите во текот на кога коптските христијани ќе го прославуваат Божик, на почетокот од јануари заедно со православните христијани, за да се спречи повторувањето на нападот
Влијателното египетско движење Муслиманско братство во средата објави дека сака да ги заштити црквите во текот на кога коптските христијани ќе го прославуваат Божик, на почетокот од јануари заедно со православните христијани, за да се спречи повторувањето на нападот кој пред минатиот Божик се случи при излегување на верниците по полноќната литургија во црквата во Александрија. „Муслиманското братство одлучи да формира комисии за заштита на црквите за да грешните раце не го уништат славењето, како што тоа неколкупати го сторија под заштита на поранешниот режим“, се наведува во соопштението на движењето, што го објавија египетските медиуми а го пренесува АFP, алудирајќи на периодот од владеењето на соборениот претседател Хосни Мубарак. Муслиманското братство бара и од армијата, односно од Врховниот совет на вооружените сили на Египет, кој управува со земјата по соборувањето на власта на Мубарак, да се погрижи за заштитата и безбедноста на христијанските верски објекти, како што тоа го чинеше на избирачките места во текот на првите две фази од парламентарните избори.Египетските христијани и годинава се во центарот на светските медиуми, откако минатата година на новогодишната ноќ одекна експлозија во близина на црква на христијанските Копти во вториот по големина град на Египет, Александрија, при што загинаа вкупно 23 лица а околу стотина беа повредени.По експлозијата египетските власти преземаа низа мерки за да го сочуваат единството меѓу христијаните и муслиманите во земјата. Голем број познати јавни личности, новинари и политичари кои го исповедаат исламот, заедно со христијаните учествуваа на прославата на Божик кој во египетските коптски цркви беше прославен на 7 јануари. Египетските државници повторуваа дека експлозијата во црквата не е насочена против христијаните, туку против целото египетски општество и државата.Иако за тој напад никој не ја презема одговорност, беше обвинета палестинската фракција на глобалната терористичка организација Ал Каеда.Минатата година неколку европски земји повикаа на заштита на христијаните на Блискиот исток, но Каиро го отфрли повикот, третирајќи го како мешање во внатрешните работи на државата.Египетските Копти се најзначајната христијанска заедница на Блискиот исток. Според различни процени, тие претставуваат околу 10 отсто од 80-милионското население на Египет./крај/афп//мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
																	
																															Регион
ЕУ: Црна Гора, Албанија, Украина и Молдавија постигнаа значителен напредок кон членство во ЕУ
														Црна Гора, Албанија, Украина и Молдавија постигнаа значителен напредок на својот пат кон ЕУ во изминатата година, додека другите земји-кандидатки ќе мора да инвестираат повеќе, изјави денес комесарката за проширување Марта Кос.
„Значителниот напредок постигнат досега од Црна Гора, Албанија, Молдавија и Украина на нивниот пат кон ЕУ покажува дека реформите се исплатуваат. Ова треба да послужи како силна мотивација за сите земји вклучени во процесот“, рече Кос, презентирајќи го извештајот за напредокот на земјите-кандидатки и потенцијални кандидатки пред Комитетот за надворешни работи на Европскиот парламент.
Кос нагласи дека проширувањето на Европската Унија би можело да стане реална можност со оглед на забрзаното темпо на конвергенција на некои земји. За да се случи проширувањето, земјите-кандидатки треба да се подготват да ги преземат одговорностите за членство, додека Европската Унија треба да се подготви за проширување, додаде Кос.
Кос нагласува дека следната година ќе биде „момент на вистината“ за сите земји-кандидатки, особено за оние со амбициозни планови за завршување на преговорите.
Фото: принтскрин
Свет
Гренланд го менува својот облик и се движи кон северозапад
														Додека климата бргу се менува, Гренланд, најголемиот остров во светот, буквално го менува својот облик. Неговата почва се извиткува, се движи и се крева како да дише со планетата.
Новите податоци од научниците покажуваат дека мразот што се насобрал и неговото постојано топење влијае не само на нивото на морето туку и на темелите на островот.
Во свет на кој сè повеќе му снемува мраз овие деформации би можеле да имаат длабоко влијание врз иднината на регионот, пишува „Сајан алерт“.
Според истражувањето спроведено од меѓународен тим научници предводен од Техничкиот универзитет во Данска (DTU), Гренланд физички се менува на начин што би можел да има последици за иднината на навигацијата во околните води. Во текот на 20 години научниците следеле 58 специфични точки на територијата на островот анализирајќи ги сателитските ГПС-мерења, кои откриле дека копнената маса на островот се движи кон северозапад со просечна брзина од два сантиметра годишно. Сепак, движењето не е униформно: на некои места Гренланд се шири, а на други се намалува.
„Севкупно, ова значи дека Гренланд станува малку помал, што би можело да се промени во иднина“, објаснува геофизичарот Данжал Лонгфорс Берг од ДТУ.
Фото: принтскрин
Свет
Систем на пробен период за земјите што во иднина ќе станат членки на ЕУ; ЕК во страв од тројански коњ на Русија во рамките на Унијата
														Европската комисија разгледува воведување систем на пробен период за земјите што во иднина ќе станат членки на Европската Унија, изјави комесарката за проширување на ЕУ, Марта Кос, во интервју за „Фајненшл тајмс“.
Според неа, овој механизам би се однесувал и на Украина и на Молдавија, како и на сите други земји што сè уште не се приклучиле на Унијата. Во текот на неколку години по пристапувањето во членството, на новите држави би можеле да им бидат ограничени правата, па дури и суспендирано членството, доколку не ги исполнат стандардите и обврските пропишани од Унијата.
„Новиот систем би овозможил континуирано следење на усогласеноста со европските стандарди за владеење на правото и функционирањето на институциите“, рече Кос нагласувајќи дека целта не е да се создадат двојни членки на ЕУ, туку да се заштитат кредибилитетот и стабилноста на европскиот проект.
Таа додаде дека во Брисел постои страв дека некои нови членки, доколку не поминат низ темелен процес на верификација по влезот, би можеле да станат тројански коњ на Русија во рамките на Унијата. Поради оваа причина, Европската комисија подготвува сет нови правила што би овозможиле привремено ограничување на правото на глас или финансиски средства во случај на сериозни отстапувања од европските вредности и политики.
Предлогот е дел од поширока реформа на процесот на проширување на ЕУ, која има цел да ја балансира геополитичката потреба за прием на нови земји со барањето за зачувување на функционалноста и единството на самата Унија, пренесуваат медиумите.
Фото: принтскрин

