Американскиот претседател Доналд Трамп им рекол на донаторите собрани на приватен настан во 2024 година дека му се заканил на рускиот претседател Владимир Путин дека ќе ја „бомбардира Москва“ ако ја нападне Украина, според аудио-снимка објавена од Си-ен-ен.

„Му реков на Путин: „Ако влезеш во Украина, ќе ја бомбардирам Москва. Немам избор“, се слуша како вели Трамп на снимка од настанот за собирање средства. „А потоа рече: ‘Не ти верувам’. Но, ми веруваше 10 проценти“, додаде Трамп.

CNN has EXCLUSIVE AUDIO of Trump telling donors in that YEARS ago during his 1st term it appears had a conversation with Putin he was able to deter Russia from Invading Ukraine by saying “He would BOMB THE SH*T out of Moscow” & then said to to Xi “He would bomb the Sh*t out of… pic.twitter.com/B8ha0lTnqG

— Johnny St.Pete (@JohnMcCloy) July 9, 2025

Американскиот претседател, исто така, тврдеше дека испратил слична порака до кинескиот претседател Кси Џинпинг, предупредувајќи го дека САД ќе го бомбардираат Пекинг ако Кина го нападне Тајван. „Мислеше дека сум луд“, рече Трамп за Кси. „Но, никогаш немавме проблем“.

Снимките од повеќе собири за собирање средства зад затворени врати во Њујорк и Флорида во 2024 година, кои ги собрале новинарите Џош Дози, Тајлер Пејџер и Исак Арнсдорф, се објавени во нивната нова книга „2024“. Досега тие не се објавени за јавноста. Персоналот на Трамп одби да коментира за нивната содржина.

На снимките, Трамп изгледа порелаксиран и поотворен отколку во јавноста, а покрај заканите за надворешна политика, тој зборуваше и за депортацијата на студентите од протестите и тврдеше дека луѓето кои примаат социјална помош „секогаш ќе гласаат за демократите“.

Серија земјотреси ја погодија Гватемала вчера попладне, при што загинаа најмалку две лица и предизвикаа материјална штета.

Земјотрес со магнитуда од 5,2 степени ја погоди јужна Гватемала попладнето, на околу 60 километри од главниот град, Гватемала Сити. Националниот сеизмолошки институт потоа регистрираше бран дополнителни потреси со магнитуда од 3,9 до 5,6. Локалните медиуми објавија дека некои згради претрпеле сериозни штети и дека најмалку две лица загинале.

„За жал, има потврдени човечки загуби откако лизгање на земјиштето затрупа возило кое се движело по пат југозападно од Гватемала Сити, главниот град на земјата“, изјави за новинарите Андрес Еразо, директор за комуникации на агенцијата за управување со катастрофи.

Националната агенција препорача евакуација на луѓето од јавните и приватните згради како претпазливост, додека властите прогласија портокалова тревога за земјотреси и други активни закани во земјата. Гватемалскиот претседател Бернардо Аревало денес ја прекина наставата во училиштата и прогласи слободен ден во три департмани, во главниот град Гватемала Сити (централен дел), Ескуинтла (јужен дел) и Сакатепекес (југозападен дел).

Најсилниот земјотрес во Гватемала се случи на 23 октомври 1950 година во регионот Сан Маркос со магнитуда од 7,5 степени според Рихтеровата скала. Земјотресот предизвика и цунами, што доведе до дополнителни жртви и уништување.

Статистички, земјотреси со магнитуда од 7 или повеќе се случуваат во Гватемала приближно на секои 19 години. За земјотреси со магнитуда помала од 6, интервалот е околу 5 години.

Министерот за финансии, Скот Бесент, изјави дека САД досега собрале околу 100 милијарди долари приходи од царини оваа година, а таа сума би можела да се зголеми на 300 милијарди долари до крајот на 2025 година, како што се забрзуваат наплатите поради трговската кампања на претседателот Доналд Трамп.

Бесент, зборувајќи на состанок на кабинетот во Белата куќа, рече дека најголемиот дел од наплатата од новите царини на Трамп започнала дури во вториот квартал, кога Трамп воведе речиси универзална царина од 10% за американски увоз и ги зголеми царините за челик, алуминиум и автомобили.

„Очекуваме да биде над 300 милијарди долари до крајот на годината“, рече Бесент.

Достигнувањето на 300 милијарди долари во наплатата на царини оваа година би вклучувало експоненцијално зголемување на наплатата во наредните месеци и широко зголемување на царините од сегашните нивоа.

Бесент додаде дека Канцеларијата за буџет на Конгресот проценила дека приходите од царини ќе достигнат вкупно околу 2,8 билиони долари во текот на 10 години, „што според нас е веројатно ниско“.

Министерството за финансии објави рекордна бруто наплата на царини од 22,8 милијарди долари во мај, што е речиси четирикратно зголемување од вкупно 6,2 милијарди долари една година претходно.

Ова ги доведува наплатените царински давачки за првите осум месеци од фискалната 2025 година на 86,1 милијарди долари, додека наплатените давачки за првите пет месеци од календарската 2025 година изнесуваат вкупно 63,4 милијарди долари.

Министерството за финансии треба да ги објави резултатите од буџетот за јуни во петок, кои се очекува да покажат уште едно значително зголемување на наплатените царински давачки. Според дневниот извештај за сметки на Министерството за финансии, комбинираните наплатени царински давачки и акцизни даноци надминаа 122 милијарди долари за фискалната година до денес.