Македонија
Македонските аџии се упатија кон Мека и Медина
Македонските аџии, денеска, заминаа на аџилак испратени од премиерот Никола Груевски и претседателот на ИВЗ, Реис Ул Улема, Хаџи Сулејман Ефенди Реџепи
На патот долг 5.500 километри во еден правец, до светите градови Мека и Медина, денеска заминаа 2.200 аџии од Македонија. Премиерот Никола Груевски ги поздрави македонските граѓани од исламска вероисповест, за кои, како што рече аџилакот е света должност на муслиманската религија.
„Ако се има можност и средства, секој муслимански верник, барем еднаш во својот живот задолжително треба да ги посети светите муслимански места Мека и Медина“, рече Груевски.
Во текот на целото патување со аџиите одат и две амбулантни возила, со лекарски екипи, кои ќе им пружат помош и здравствена заштита, доколку им е потребна на некои од аџиите.
„Ни претставува особена чест што еден премиер на влада, можеби по втор пат се случува во историјата на исламот, да излезе и да ја подели радоста со нас, како и да им посака на припадниците на исламот, односно на аџиите среќен пат“, рече Сулејман Реџепи.
За верниците од муслиманската вера, аџилакот претставува најголемо достигнување во животот, духовно издигнување, благодарение на имотната состојба да ја исполнат таа своја обврска.
Како што рекоа аџиите, патувањето во траење од еден месец ги ќини околу 3.000 евра, со кои се платени патувањето со автобус или авион, сместувањето таму, визите и подароците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.