Македонија
Облечен како кловн протестира пред суд – од жртва го направиле криминалец
Скопјанецот Зоран Коневски облечен како кловн утрово излезе да протестира против судијката Александра Ристевска и да ја бара правдата пред Основниот суд Скопје 1. Тврди дека од жртва на тепање, го направиле тепач
Скопјанецот Зоран Коневски облечен како кловн утрово излезе да протестира против судијката Александра Ристевска и да ја бара правдата пред Основниот суд Скопје 1. Тврди дека од жртва на тепање, го направиле тепач и криминалец.
Според Коневски, пред четири години во бифето „Хонда“ се скарал со Звонко Матев, чија сестра била судијка. Тој му пратил четворица за да го истепаат него, за по два дена да појде и да пријави дека всушност Коневски му го скршил нему реброто, па Звонко поднел тужба против Зоран.
„Во мојот предмет има голем криминал. Тој што ме тужи има сестра судијка и од прав ме направија крив. Четворица ме испотепаа, во болница бев, има и полициски извештај дека бев тепан. Но предметот е ’превртен’, од четворица што ме тепаа мене, сега излегува дека јас на Звонко Матев сум му скршил ребро и сега ме тужи. Ми бара отштета од 300.000 денари. Во полицискиот извештај си пишува јасно и гласно. Судијката го има отфрлено полицискиот извештај“, вели Крстевски.
Предметот го водела судијката Александра Ристевска, која Крстевски тврди дека го уценувала и му се заканувала, штитејќи ја нејзината колешка. Освен полицискиот извештај, судијката го отфрлила и сведокот, повикани биле сведоци кои не биле на настанот, а отфрлена била и палката со која што Зоран Коневски бил тепан.
„Четири месеци по истекувањето на рокот, вешто е подметнат предметот во обвинителството со обвинител, кој е нивни пријател. Сите мои докази, истражниот судија ги отфрли и го сокри моето лекарско уверение, па мораше да вадам друго. Судијата ги осуди луѓето што ме тепаа со парична казна од 300 евра, а казните никогаш не биле доставени од извршното одделение. Што значи дека Звонко Матев секаде има пријатели или дава мито“ вели Зоран Коневски.
По неколку години поминати низ судските лавиринти, Крстевски излезе да ја бара правдата пред Основниот суд Скопје 1. Зоран преку лето работи во Виена, а останатиот дел од годината го поминува во Скопје. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ: Граѓаните масовно да излезат на изборите на 8 ми мај, се одлучува за иднината
СДСМ ги повикува граѓаните масовно да излезат на изборите на 8 ми мај и да гласаат за Стево Пендаровски за претседател и за пратеничките листи на СДСМ и Коалицијата за европска иднина.
„На 8 мај се одлучува за иднината. Во овој клучен момент државата се наоѓа на крстопат. На една страна е враќање назад кон изолација, конфликти, меѓуетничка нетрпеливост и внатрешни поделби со ДПМНЕ. А на другата, продолжување напред, кон прогресот и просперитетот на Македонија во ЕУ, со СДСМ и Коалицијата за европска иднина“, дополнуваат од СДСМ.
Според нив, на 8 мај постои само една социјалдемократска опција, само една лева прогресивна опција која се вика СДСМ.
„Граѓаните со моќта на својот глас можат да кажат стоп за враќањето во кошмарното минато на поделби и тензии и да испратат јасна и гласна порака на сите ретроградни сили дека во Македонија живеат прогресивни луѓе, кои сонуваат за подобра европска иднина за себе и своите деца“, завршуваат од СДСМ.
Македонија
Православните верници денеска слават втор ден Велигден и Ѓурѓовден
Денес, освен вториот ден од Велигден, се празнува и Ѓурѓовден, празник во чест на Свети великомаченик Георгиј Победоносец, празникот на обновувањето на природата и на животот воопшто.
Празникот на светиот великомаченик Георгиј познат како Ѓурѓовден се празнува на 6 мај според новиот или на 23 април според стариот календар.
Тој се смета за најголем пролетен празник што го празнува не само христијанското туку и целото население во Македонија што од друга страна значи дека во неговата основа е празнувањето на природата, на разбудувањето на вегетацијата и на животот воопшто.
Македонија
Времето денеска сончево, од среда пороен дожд и грмежи
Времето денеска ќе биде сончево со мала до умерена локална облачност и со слаб до умерен ветер од јужен правец. Попладне во планинските региони ќе има услови за изолирана појава на краткотраен пороен дожд. Минималните температури ќе бидат во интервал од 3 до 10, а максималните ќе достигнат од 20 до 26 степени.
Во Скопје ќе преовладува сончево време со мала облачност и со слаб ветер од јужен правец. Минималните температури ќе се спуштат до 8, а максималните ќе достигнат до 26 степени.
Во вторник попладне ќе има локална појава на нестабилност, а во среда и четврток под влијание на нов влажен бран во поголем дел од земјава ќе има пороен дожд и грмежи, а локално процесите ќе бидат поинтензивни и во форма на невреме со пообилни врнежи и засилен ветер. Потоа условите за нестабилно време ќе се намалуваат.