Македонија
Кривична пријава за Ване Цветанов
МВР поднесе кривична пријава против Ване Цветанов, поранешен директор на Управата за спречување перење пари и финансирање на тероризам (УСППФТ) поради сомнение за злоупотреба на службената положба и овластување.
МВР поднесе кривична пријава против Ване Цветанов, поранешен директор на Управата за спречување перење пари и финансирање на тероризам (УСППФТ) поради сомнение за злоупотреба на службената положба и овластување.
Цветанов се товари дека во период од 2008-2010 година ја злоупотребил службената положба склучувајќи договори за јавни набавки спротивно на законот, при што на правните лица им плаќал авансно, иако според одредбите во договорите исплатата требала да биде после извршената услуга, односно вршел исплати и покрај тоа што услугите воопшто не биле извршени, а во исто време го пречекорил лимитот за користење службени мобилни телефони за него и други двајца вработени, со што ја оштетил УСППФТ, односно Буџетот за 748.533 денари.
Во декември 2008 година Цветанов од сметката на УСППФТ на сметката на АД Еуро Компјутер Систем префрлил 117.000 денари за ORACLE обуки на вработените, но обуките никогаш не се реализирале.
Во ноември 2009 година во управата е започната постапка за набавка на материјали за поправка во просториите на управата и како најповолна е прифатена понудата на Алемар Инжинеринг во вкупна вредност од 289.700 денари при што вредноста во договорот била впишана со пенкало. Од книговодствената евиденција во Алемар Инжинеринг е утврдено дека во истиот договор има компјутерски впишана вредност од 200.540 денари. Врз основа на тој договор се сочинети две фактури (една на вредност од 200.540 денари и друга на останата вредност од 89.160 денари). Од страна на управителот на Алемар Инжинеринг е појаснето дека во управата, неговата фирма не го работела тоа што било наведено во договорот, туку било извршено тапацирање на врати и репарирање на маса и столчиња, поради што истиот имал поголеми трошоци и за тоа до управата ја доставил втората фактура на сума од 89.160 денари.
Во март 2009 година спроведена е јавна набавка за поправка и сервисирање на моторни возила и како најповолна е избрана фирмата NIKO RENAULT со која на 17.03.2009 година бил склучен и договор. Од извршените проверки во НИКО-1 утврдено е дека понудата што ја доставиле до управата е со датум еден месец подоцна, од што може да се види дека во управата е извршено антидатирање на понудата на НИКО-1. Исто така од проверките е утврдено дека извршителот на услугите НИКО-1 при поправката на возилата за потребите на управата користел користени делови за кои не постои финансиска евиденција ниту вредност колку чинеле деловите искористени при поправките. На ваков начин пријавениот иако прифатил задоцнета понуда спротивно на Законот за јавни набавки која е антидатирана како да е поднесена навреме, потпишал и антидатиран договор со што ги оштетил другите двајца понудувачи и дозволил на возилата да бидат вградени користени делови.
Од страна на управата во ноември 2008 година е започната постапка за спроведување јавна набавка за обука на вработените и како најповолна е избрана фирмата Бизнис Едукативен Центар со која пријавениот потпишал договор на сума од 306.800 денари во кој стоело дека исплатата ќе биде извршена во рок од 15 дена по добивањето на фактурата, но тој извршил исплата три дена по склучувањето на договорот. Од извршените проверки и од разговорите со наведените лица во документацијата на управата дека учествувале на обуката е констатирано дека таква обука воопшто не е спроведена.
Исто така во периодот од јануари 2009 година до мај 2010 година пријавениот и покрај одлуката на Влада со која се одредува лимитот за користење на службени мобилни телефони, заедно со други двајца вработени во управата се стекнале со противправна имотна корист пречекорувајќи го лимитот, при што на таков начин тројцата ја оштетиле управата за вкупна вредност од 235.573 денари. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЦУК: Пет активни пожари во Македонија
Центарот за управување со кризи информира дека до 20:30 часот на територијата на државата има вкупно 20 пожари на отворен простор, од кои:
5 се активни, 3 под контрола, 12 се изгаснати
Активни пожари:
1. Општина Василево – с. Нивичино (нискостеблеста шума, смрека, грмушки и ниска вегетација)
2. Општина Македонски Брод 1 – с. Грешница (мешана шума и сува трева)
3. Општина Македонски Брод 2 – помеѓу с. Црешнево, с. Локвица, с. Крапа (деградирана дабова шума, грмушки и ниска вегетација)
4. Општина Прилеп – помеѓу селата Царевиќ и Смолани (мешана шума и нискостеблеста вегетација)
5. Општина Ресен – с. Покрвеник – с. Перово – с. Асамати – с. Наколец (трски и сува трева)
Пожари под контрола
1. Општина Желино – с. Желино према Еребино – планина Жеден (нискостеблеста шума, грмушки и ниска вегетација)
2. Општина Велес – кај селата Џидимирци – Крушје – Иванковци (мешана нискостеблеста деградирана шума)
3. Општина Струга – помеѓу селата Октиси и Белица (сува трева)
Изгаснати пожари
1. Општина Студеничани – с. Студеничани (сува трева)
2. Општина Крушево – с. Селце (сува трева)
3. Општина Македонски Брод – с. Слатина, м.в. Стојанова Населба (смрека, сува трева и друга ниска вегетација)
4. Општина Пробиштип – с. Бунеш (сува трева)
5. Општина Виница – ул. Славчо Стојменски (сува трева)
6. Општина Куманово – Градиште (ниска шума)
7. Општина Липково – с. Слупчане (стрниште и сува трева)
8. Општина Ранковце – с. Псача, м.в. Гладно Поље (сува трева)
9. Општина Кратово 1 – с. Железница (стрниште и сува трева)
10. Општина Кратово 2 – м.в. Филтер Станица Кратово (стрниште и сува трева)
11. Општина Гостивар – Депонија (ѓубре)
12. Општина Маврово-Ростуше – с. Дуф (ливада)
Македонија
Топлотен бран ја зафаќа Македонија, температурите ќе надминат 40°C
Од утре Македонија ќе биде зафатена од нов топлотен бран.
Според податоците на Управата за хидрометеоролошки работи, времето утре ќе биде претежно сончево и исклучително топло, со слаб до умерен ветер од западен и југозападен правец. Утринските температури ќе се движат околу 10°C, додека дневниот максимум ќе достигне и до високи 40°C.
Во вторник, жештината ќе продолжи со иста интензивност – сончево време без врнежи, со минимални температури од 12°C и максимални до 41°C.
Среда носи слична слика – стабилно, сончево и жешко, со мала до умерена облачност. Ќе дува слаб до умерен ветер од југозападен правец. Утринските температури ќе се бидат околу 11°C, а дневните ќе се искачуваат до 40°C.
Во четврток, се очекува живата во термометарот повторно да се искачи до максимални 41°C, што ќе биде четврти последователен ден со температури над 40 степени.
Министерството за здравство потсетува за почитување на општите препораки за заштита на населението од високи температури:
– Престојувајте во затворени, разладени простории, особено во периодот од 11 до 17 часот;
– Внесувајте доволно течности избегнувајќи алкохол и засладени пијалаци;
– Носете лесна, светла облека и користете заштита за главата и за очите;
– Избегнувајте физичка активност во најтоплите часови од денот;
– Посветете внимание на децата, на старите лица, на лицата со хронични заболувања и на бремените жени – овие групи се особено чувствителни на високи температури;
– Во случај на симптоми, како вртоглавица, главоболка, гадење или забрзан пулс, веднаш побарајте медицинска помош;
– Одложете активности на отворено во најтоплиот дел од денот;
– Обезбедете микроклиматски услови (разладени простории со температура до 25°C) на работното место и во домот.
Македонија
ЦУК: Седум активни пожари низ Македонија
Центарот за управување со кризи информира дека денеска се регистрирани вкупно 15 пожари на отворен простор, од кои 7 се активни, 2 се под контрола, а 6 се целосно изгаснати.
Активни пожари:
1. Општина Василево – с. Нивичино (нискостеблеста шума, смрека, грмушки и ниска вегетација)
2. Општина Македонски Брод 1 – с. Грешница (мешана шума и сува трева)
3. Општина Македонски Брод 2 (реактивиран) – помеѓу с. Црешнево, с. Локвица, с. Крапа (деградирана дабова шума, грмушки и ниска вегетација)
4. Општина Прилеп – помеѓу селата Царевиќ и Смолани (мешана шума и нискостеблеста вегетација)
5. Општина Струга – помеѓу селата Октиси и Белица (сува трева)
6. Општина Ресен – с. Покрвеник (трски и сува трева)
7. Општина Маврово-Ростуше – с. Дуф (ливада)
Под контрола:
1. Општина Желино – с. Желино према Еребино – планина Жеден (нискостеблеста шума, грмушки и ниска вегетација)
2. Општина Велес – кај селата Џидимирци – Крушје – Иванковци (мешана нискостеблеста деградирана шума)
Изгаснати се пожарите во: Студеничани, Крушево, Македонски Брод, Куманово, Липково и Ранковце.
(Видео) Лефков: Структури од СДС делуваат со бугарската антимакедонска пропаганда
До нас стигнаа информации кои укажуваат на јасна поврзаност на бугарската антимакедонска пропаганда и политички структури поврзани до и од...
(Видео) Кузеска: Тошковски кога ќе порасне сака да биде како Груевски – со партиска милиција под своја контрола
Очигледно министерот Панче Тошковски оди по стапките на својот идол – Никола Груевски и делува како негов партиски клон, рече...
(Видео) Мицевски: Обезбедени се средства од двата повици на Владата за Крива Паланка, ВМРО-ДПМНЕ се грижи за сите општини и сите граѓани
Координаторот на пратеничката група на ВМРО-ДПМНЕ, Никола Мицевски, денеска од Крива Паланка изјави дека преку двата повици на Владата, за...
(Видео) Манасиевски: СДС во октомври ги очекува дебакл
СДС ги очекува невиден дебакл во Скопје. Изборите ќе ги изгубат во октомври, како што 1 + 1 = 2....
(Видео) Димковски: Со 10 денари за откуп на пченица ВМРО-ДПМНЕ го закопа македонското земјоделство
Се случува хаос во земјоделието, земјоделците се оставени сами на себе едвај да преживуваат во тешки услови, кажа денеска на...
Пиштол и муниција пронајдени во домот на скопјанец, поведена истрага
Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека сторило...
ВМРО-ДПМНЕ: Шукова прифаќајќи да биде кандидат за Скопје, само му излезе во пресрет на Филипче, граѓаните знаат дека од СДС нема фајде
СДС и Венко Филипче со секоја нова тура на кандидати за градоначалници докажуваат дека само верно ги спроведуваат желбите на...
(Фото+видео) Тајфунот Вифа го парализира Хонг Конг – издадено највисоко предупредување, откажани над 200 летови
Хонг Конг издаде највисоко предупредување за бура – сигнал број 10 – додека тајфунот Вифа ги погоди јужните делови на...
(Видео) Шукова: Имам решенија за чисто, уредено и безбедно Скопје кое дише
Скопје може и мора да биде град за луѓето — чист, уреден, сообраќајно среден, зелен и безбеден. Град со кој...
(Видео) Попов: Јавните повици за младите сега се достапни за сите, нема веќе „прв дојден прв услужен“
Сергеј Попов, претседател на УМС на ВМРО-ДПМНЕ и пратеник во Собранието беше дел од денешната трибина „Како политиките на ВМРО-ДПМНЕ...
(Видео) Кузеска: Тошковски го претвора МВР во партиска милиција на ВМРО-ДПМНЕ
Во собраниска процедура е ставен невиден и скандалозен предлог-закон, кој претставува еден од низата опасни и антидржавни потези на министерот...
(Видео) Лефков: СДС повторно нанесува штета на Македонија вклучувајќи се во деструктивните операции спроведувани од бугарските служби
Имаме основано сомнение, поткрепено со точни информации и факти, дека во моментов се води координирана и насочена операција на дискредитација...
(Видео) Манасиевски: Филипче со ова СДС кое е слика на Заев, се доказ дека дното може да е се подлабоко
СДС под водство на Венко Филипче покажа само една работа – дека секогаш може да се оди подолу, дека дното...
СДСМ: Колапс во ЕСМ, ВМРО-ДПМНЕ направи загуба од 45 милиони евра
Неспособното раководство на ЕСМ, за само три месеци во 2025 година, направило загуба од 45 милиони евра, или дополнителни 11...
ЦУК: 35 пожари низ државата во изминатото деноноќие – четири сè уште активни
Центарот за управување со кризи информира дека во изминатото деноноќие се евидентирани вкупно 35 пожари на отворен простор низ државата....
(Видео) Шукова е кандидат на СДСМ за градоначалник на Скопје, објави Филипче
Претседателот на Социјалдемократскиот сојуз на Македонија, Венко Филипче, на денешната прес-конференција ја соопшти одлуката на Извршниот одбор на партијата, која...
МЗ: Нормализирано водоснабдувањето во Клиниката за белодробни заболувања „Козле“
Министерството за здравство информира дека водоснабдувањето во Универзитетската клиника за белодробни заболувања кај децата – Козле е целосно нормализирано. Од...
Возел со 3,15 промили алкохол во крвта, во полусвесна состојба: уапсен пијан скопјанец на патот Охрид-Кичево
Денеска (18.07.2025) околу 14 часот на патот Охрид-Кичево полициски службеници од ОВР Кичево го лишија од слобода Б.К.(48) од Скопје,...
Предметот за пожарот во “Пулс” префрлен во надлежност на ОЈО Скопје
Јавното обвинителство на Република Северна Македонија донесе Решение со кое го определи Основното јавно обвинителство Скопје за стварно и месно...
Зголемени температури во следните неколку дена – да се почитуваат општите препораки за заштита на здравјето
Министерството за здравство ја информира јавноста дека, во согласност со најновата прогноза од Управата за хидрометеоролошки работи (УХМР), во периодот...
