Регион
Во Албанија се одржуваат локални избори
Во Албанија во неделата се одржуваат локални избори , првпат според новата територијална поделба на земјата која ја сочинуваат 61 локални единици. Македонците во Албанија имаат еден градоначалнички кандидат и еден носите на листа.
Бројот на партиите кои учествуваат на овие локални избори е 57, групирани во две коалиции, и тоа Кооалицијата на левицата која е на власт „Алијанса за Европска Албанија“, предводена од Социјалистите на премиерот Еди Рама во која е и македонската партија Македонска алијанса за европаска интергација (МАЕИ), како и колицијата на десницата „Народна Алијанса за работа и дигнитет“, предводена од Демократската партија на Лулзим Баша .
Македонската партија во Албанија на овие избиори има еден кандидат за градоначалник а тоа е во општината Пустец, лидерот на МАЕИ и актуелен градоначалник на Пустец Едмон Темелко, додека за советници има листи во 16 општини. Во Тирана носител на листата е познатиот новинар и пубилцис, но и лидеро на здружението Илинден во Албанија, Никола Ѓурѓај.
Според албанската Државна изборна комисија, право на гласи имаат 3,3 милиони избирачи, а соопшти дека изборите утрово започнале без проблеми.
Изборите ги следат и 283 странски наблудувачи. Се оценуваат како мошне значајни за понатамошните политички состојби во земјата./крај/мф/мн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Се урна конструкција на рингишпил, повредени 13 деца од кои едно е во животна опасност во Куршумлија
Во Куршумлија денеска се случила несреќа кога на локалниот саем се урнала конструкцијата на рингишпилот, пренесуваат српските медиуми.
Според написите, повредени се 13 деца, од кои едно потешко.
Станува збор за девојче чиј живот е во опасност и има сериозни повреди на главата и кичмата.
Таа била итно префрлена во КЦ Ниш на Одделот за неврохирургија.
Седум деца се во друга болница каде е во тек понатамошна дијагностика, додека другите деца се полесно повредени, пишуваат тамошните медиуми.
Регион
Шји Џјинпинг: Србија е првата земја од Европа со која ќе изградиме заедница со заедничка иднина
Претседателот на Народна Република Кина, Шји Џјинпинг, изјави дека во денешните разговори со претседателот Вучиќ е постигнат значаен консензус и дека Србија ќе биде првата земја од Европа со која ќе изгради заедница со заедничка иднина.
„Заеднички објавивме дека ќе изградиме заедница меѓу Кина и Србија со заедничка иднина во новата ера, што ќе отвори ново поглавје во историјата на кинеско-српските односи. Пред осум години Србија стана првиот сеопфатен стратешки партнер на Кина во Централна и Источна Европа, а денеска станува првата европска земја во која ќе изградиме заедница со заедничка иднина“, рече Шји во говорот по размената на потпишаните меѓудржавни договори меѓу Србија и Кина во Палатата „Србија“.
Тој посочи дека како вистински пријатели и добри партнери Кина и Србија уживаат политичка доверба, која е силна како карпа.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.