Македонија
Протест против проектот „Скопје 2014“
Повеќе од илјада граѓани го поддржаа протестот против проектот на владата и општина Центар – „Скопје 2014“, што денеска се одржа на плоштадот Македонија во организација на НВО „Плоштад Слобода“.
Повеќе од илјада граѓани го поддржаа протестот против проектот на владата и општина Центар – „Скопје 2014“, што денеска се одржа на плоштадот Македонија во организација на НВО „Плоштад Слобода“. На протестот беше забележливо големото присуство на полицијата, а присутни беа и повеќемина јавни личности, политичари и интелектуалци кои не се согласуваат со започнатиот проект за „новото“ Скопје.„Денешниот протест има за цел да покаже колку луѓе се против намерата на владата и на градоначалникот на Општина Центар да го уништи скопскиот плоштад и централното скопско јадро. Ние сме презадоволни од посетеноста бидејќи успеавме за само два дена да собереме над илјада луѓе на плоштадот кои ја поддржуваат оваа иницијатива“, изјави Никола Наумовски од „Плоштад Слобода“- организаторите на протестот. Според него, власта нема пари за реализација на овој проект.Артан Груби, претседателот на граѓанското движење „Разбуди се“, не се согласува со проектот „Скопје 2014“ бидејќи, според него, проектот ги руши меѓуетничките и меѓуверските односи помеѓу двете најголеми заедници во Македонија и дека „сценариото на владата наликува на филмот 2012 и сака да го уништи Скопје“.На протестот беа поделени и спрејови од страна на организаторите, за присутните да можат слободно да го изразат својот револт на, според нив, „илегално поставените“ лимови на плоштадот, и набргу потоа беа преполни со графити како „Жена парк, без жени“, „Исус бил демократ“, „Скопјаништа бре!“ итн.Ивана Драгшиќ, од „Плоштад Слобода“ изјави дека визијата за Скопје во 2014 е неприфатлива и тие ќе се борат против неа. „Се зборува за стотици милиони евра во период кога Македонија има 300 илјади невработени и во Македонија децата сè уште низ некои училишта во земјата учат во земјанки. Има многу поважни работи кои треба да се средат и ако сакаме да го зачуваме заедништвото не треба да промовираме проекти кои што предизвикуваат верска и етничка нетрпеливост. Оваа идеја е мачоистичка и ги вклучува само мажите, бидејќи во ниедна од скулптурите не е претставена жена или пак Албанец, Турчин или било кој друг претставник на било каква општествена група во нашето општество“, вели Драгшиќ.НВО „Плоштад Слобода“ најави и други акции и иницијативи со кои ќе се бори за да не се реализира проектот „Скопје 2014“. /крај/ко
Фото:Филип Поповски/Макфакс
Повеќе фотографии тука>>
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Фото+видео) „Македонијо, ти си бисер балкански“ ечеше на свечената промоција на 508 нови полициски службеници
Во Центарот за обука во Идризово денеска се одржа свечена промоција на нови полициски службеници – генерација 2023-2024 година. Едногодишната обука ја завршија 508 нови полицајци. Од нив 416 се мажи, а 92 жени.
Министерот за внатрешни работи, Панче Тошковски, упатувајќи честитки до кандидатите истакна: “Имајте на ум дека секоја добра промена, промена на подобро почнува од поединецот од неговиот светоглед, поведение и дејствување, а не обратно. Секако, говорам за интегритетот, кој што е суштинска спротивност од подмитливоста или поткупливоста, од лицемерието, од непочитување на законите или од селективната правда. Вие, како млади луѓе пред кои што е иднината имате право, можност, одговорност и секако – обврска секој во својот домен на способности и афинитети да даде свој придонес за подобра и поперспективна заедничка иднина“, рече министерот Тошковски.
Дополнителниот заменик министер за внатрешни работи, Митко Бојмацалиев, во своето обраќање потенцираше дека полициската професија секојдневно е исправена пред многу предизвици на кои полициските службеници треба веднаш да одговорат согласно законските прописи, но истовремено претставува благороден животен пат достоен за гордост и почит со секој постигнат резултат како сервис на граѓаните, со секој успешен подвиг како гарант на безбедноста.
„Патот на создавање добар полициски службеник бара посветеност, одговорно и домаќинско работење. Ние како раководство на МВР сме тука да ги обезбедиме сите потребни ресурси и поддршка да ви овозможиме сè што е потребно за достоинствено извршување на вашите работни задачи, а ваша должност како идни колеги и вработени во МВР, ќе биде да се грижите за безбедноста на сите граѓани и државата“, потенцираше Бојмацалиев.
Претседателот на Владата на Република Македонија, Талат Џафери во своето обраќање ги охрабри новите полициски службеници да бидат чесни и посветени во спроведувањето на своите должности кон граѓаните и горди на својата работа.
„Професионално да се справувате со новите предизвици на работа и да бидете подготвени за очекуваните одговори. За вашата професионалност и љубов кон професијата, да сведочат резултатите од секојдневната работа во секоја област на безбедноста. За професионалниот полицаец, нема помалку или повеќе важна задача. Сите граѓани се еднакво исти пред законот и имаат еднакво исто право на безбедност. Како идни полициски службеници, очекувам преку сопственото поведение и труд да покажете дека, полицијата како институција е професионална, и успешно ги остварува своите законски надлежности и задачи“, истакна премиерот Џафери.
На церемонијата беа доделени плакети за 16 најдобри тимови од оваа генерација, а за најдобар од генерацијата 2023/2024 беше прогласен Андреј Тодороски, на кого му беше доделена свечена плакета од претседателот на Владата, а доби и пригоден подарок од Македонскиот полициски синдикат, по што сите кандидати за полициски службеници од генерацијата 2023-2024 дадоа свечена изјава пред присутните.
По завршувањето на церемонијата во центарот во Идризово, при спуштање на македонското знаме, новите македонски полициски сили кои ја завршија обуката ги поздрави министерот Панче Тошковским а тие му возвратија со поздравна песна Бисер Балкански.
Македонија
Мисајловски: Ветуваме дека сите дечиња ќе ги запишеме во градинките, сите ученици ќе добијат учебник
Ние како нова влада ветуваме дека сите дечиња ќе ги запишеме во градинките, дека сите дечиња ќе добијат учебник, рече денеска Владо Мисајловски, потпретседател на ВМРО-ДПМНЕ и носител на изборна единица 2.
„Денеска сме тука во Ѓорче Петров во Стопански Двор каде што позади мене ова место набрзо ќе започне изградба на градинка и навистина ми е драго и со огромна чест и задоволство можам да најавам јас заедно со Бојан дека за кратко започнува новата градинка во Ѓорче Петров. Онаа градинка каде што јас и Бојан како пратеници во Собранието поднесовме амандмани и ни беа прифатени од владата и Александар Стојкоски како градоначалник ги започна сите постапки и веќе наскоро ќе потпише договор за да се гради таа градинка во Ѓорче Петров.
Ние како нова влада ветуваме дека сите дечиња ќе ги запишеме во градинките, дека сите дечиња ќе добијат учебник. И затоа ова ветување ни е многу важно за да се започнат сите градинки со изградба. И навистина во Ѓорче Петров имаше голем проблем изминативе години со запишување на дечиња, со нови градинки и така натаму.
Но со одличната работа на Александар и неговиот тим може да видиме дека листата е намалена, со отворање на нови градинки, со нови реконструкции, со нови можности и адаптација дека многу дечиња се згрижија. Но со оваа градинка тука во Стопански Двор навистина е полн погодок и уште еднаш ми е драго што јас и Бојан навистина поднесувавме стотици и стотици амандмани, но овој беше прифатен и околу 60 милиони денари токму тука во Стопански Двор за брзо ќе започне нова градинка во Ѓорче Петров.
Аирлија нека се сите овие проекти. Може да видиме дека во Ѓорче Петров насекаде е раздвижено, се градат нови улици и тука во Стопански Двор, се градат нови улици во Кисела Јабука, се гради во урбаниот дел, се градат нови спортски терени. Вака се сака Ѓорче Петров, вака се сака Македонија. Но за да има уште повеќе проекти и за победува Македонија сите масовно на 8 ми мај да ставиме печат, да ставиме печат на победата на ВМРО-ДПМНЕ и Коалицијата Твоја Македонија и после тоа владата да ги засука ракавите и уште повеќе проекти да има за сите луѓе во Македонија“, рече Мисајловски.
Македонија
Сајкоски: Ќе вложиме во РЕК Битола, комбинатот ќе биде во полн сјај и ќе бидат реконструирани блоковите
Битола е на врвот на агендата на идната влада на ВМРО-ДПМНЕ, рече денеска Ѓорѓија Сајкоски, генерален секретар на ВМРО-ДПМНЕ и носител на изборна единица 5.
„Сакаме да им гарантираме дека Битола ќе биде културен, образовен, економски и енергетски центар. Ќе вложиме во РЕК Битола , комбинатот ќе биде во полн сјај и ќе бидат реконструирани блоковите. Сакаме исто така да укажеме дека ќе вложуваме и во општина Битола. Секоја година општината од владата ќе добива 11 милиони евра, ќе се направат влезовите во Битола. Но, владата исто така ќе ја направи обиколницата до Меџитилија, ќе вложи многу средства за градот Битола. Сакам да ги повикам битолчани во што поголем број на изборите на 8 мај да се приклучат исто како и во првиот круг за да донесеме една голема победа на ВМРО-ДПМНЕ и победа за Македонија“, изјави Сајкоски.