Македонија
Антикорупциска ќе разгледа случајот со А1, СДСМ и СРД
Комисијата за спречување на корупцијата ќе го разгледа случајот во врска со договорот за цесија преку кој Социјалдемократскиот сојуз го платил долгот што го имала телевизијата А1 кон Советот за радиодифузија.
Комисијата за спречување на корупцијата ќе го разгледа случајот во врска со договорот за цесија преку кој Социјалдемократскиот сојуз го платил долгот што го имала телевизијата А1 кон Советот за радиодифузија.„ДКСК како и сите други наводи ќе го разгледа и овој навод објавен во медиумите. Во принцип финансирањето и работењето на е медиумите, па дури и купувањето на концесија не е од наша надлежност. Можеби од наш интерес ќе биде да испитаме дали е ова вистина, дали навистина СДСМ ги уплаќала парите за концесија на А1 и која е врската на рекламирањето на СДСМ во време на избори , од аспект на материјалното-финансиско работење на СДСМ и финансирањето на концесијата на А1“ изјави Илми Селами, член и поранешен претседател на ДКСК за Макфакс.Управата за јавни приходи е запознаена со случајот и ја разгледува документацијата.“Запознаени сме со случајот и документација и истите се разгледуваат од страна на надлежните служби на УЈП кои работеле истовремено и на случајот на А1 телевизија“ вели Весна Новаковиќ, портпарол на Управата за јавни приходи.Од министерството за внатрешни работи велат дека УЈП го документира случајот и дека доколку имаат потреба, МВР им стои на располагање за евентуално поднесување на кривична или прекршочна пријава. Дали е утврдена одговорност засега кај некојОд СДСМ велат дека партијата согласно сите законски прописи ги подмирила своите обврски кон А1 телевизија исто како што ги платила своите обврски кон сите други печатени и електронски медиуми. „Во овој случај е искористен инструментот во платниот промет, т.н. цесија, кој повторно го воведе во сила, токму Владата на ВМРО-ДПМНЕ. Што се однесува до СДСМ, работата е кристално чиста. Режимско- партиските мегафони на власта, за да не излезат смешни пред јавноста, требаше да сочекаат и да видат дека СДСМ во својот финансиски извештај ја има доставено до надлежните државни институции: Државна изборна комисија, Државна комисија за спречување на корупцијата и Државниот завод за ревизија, во законски определениот рок, целокупната документација поврзана со изборната кампања на СДСМ, вклучително и документацијата со која што вчера мафтаа по медиумите“ се вели во соопштението на СДСМ.Од А1 телевизија велат дека во ова нема ништо спорно. „Тоа е редовна постапка за плаќање со цесија. И други фирми ни плаќаат така. Ние така функционираме пет месеци не само со СДСМ туку и со други фирми. УЈП дозволува да си поделиме плати по пат на цесија. Тоа е механизам што државата ни го овозможува во време на замрзната сметка“ е ставот на A1.Вчера дел од медиумите објавија дека Социјалдемокартскиот сојуз преку договор за цесија ја плати концесијата на А1 телевизија во советот за радиодифузија. Претседателот на Советот за радиодифузија рече дека тоа била леглана форма за плаќање, кога на фирмата и е блокирана сметката. Трите страни склучиле договор за цесија на 25 Мај. Два дена по изборите, на 7 јуни, Социјалдемократите ги уплатиле 40 -те илјади евра на Советот за радиодифузија. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мециновиќ: На носителите на ЗНАМ, на личните профили им стојат слики со Заев и Пендаровски
– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.
Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:
– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.
Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:
– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.
Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:
,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.
Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:
,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”
Македонија
Аваја: Треба да се искористи потенцијалот на ромската заедница
Ромската заедница има најмлада популација во државата и тој потенцијал треба да се искористи, порача Ќемал Сулејманов, носител на листа во Изборна единица 3 на средба со жителите на Криволак.
„Нашата заедница е најмладата популација во државата. И нашите млади бегаат надвор од државата, барајќи решенија, а ние увезуваме работници од азиските држави. Мора да најдеме решение како нашите млади да останат во државата. Заеднички да ги направиме промените иво нашите инситтуции да имаме наши луѓе. Ветуваме дека промените почнуваат со Аваја. Вашиот глас го давате за подобра иднина и соединети да покажеме дека сме тука“ порача Сулејманов.
Според него, доволно е ромската заедница да биде третирана само како чистачи и амалџии „Драги браќа и сестри, ги знам вашите проблеми со кои се соочувате, тие се мои проблеми и мора да засукаме ракави по избори и заедно да ги решаваме. Мора да се сооединиме и да почнеме со промени. Мора да имаме наши луѓе во сите институции и тоа на раководни позиции. Доста не гледаа само како чистачи и нивни амалџии“, рече Сулејманов.
Претседателот на Аваја, Акиф Кариман, рече дека одлучил да ја жртвува индивидуалната кариера за да придонесе кон напредокот на народот. Тој говореше за тоа како другите политичари ги гледаат и вреднуваат Ромите.
„Зошто? Затоа што секогаш не потценуваат. Велат ние знаеме лесно да се справиме со вас. Малку ќе ве преплашиме и вие ќе се повлечете. Ќе ви дадеме под рака и вие ќе бидете на наша страна. Или ако тоа не функционира, ќе почнат со притисоци. И тоа досега функционираше. Но, сега ја имаме Аваја, формирана да биде рамо до рамо со сите нас. Ние сме тука да направиме голема промена и да го предизвикаме статус квото“, порача Кариман.
Македонија
Џафери за Велигден: Обединети да продолжиме и да осигураме благосостојба денес и за идните поколенија
Претседателот на Владата на Република Северна Македонија, Талат Џафери, во име на Владата на Република Северна Македонија и во свое име, испрати телеграма со честитки за најголемиот христијански празник, Воскресение Христово – Велигден, до поглаварот на Македонската православна црква – Охридска архиепископија, архиепископ охридски и македонски, г.г. Стефан, до Светиот архиерејски Синод, свештенството и монаштвото на МПЦ-ОА, до православните верници и до сите граѓани кои денеска го чествуваат празникот.
„Задоволство ми е во име на Владата на Република Северна Македонија и во мое име, да Ви го честитам најголемиот христијански празник, Воскресение Христово – Велигден, Вам, на Светиот архиерејски Синод, на свештенството и монаштвото на Македонската православна црква – Охридска архиепископија, на православните верници и на сите граѓани кои денеска го чествуваат празникот.
Велигденската порака за победата на животот над смртта е порака која влева надеж дека за животот, вреди да се преземе секој чекор на храброст и пожртвуваност, чекор кој води кон светла цел. Заедничкото добро, е благословена човекова определба, и тоа може да се постигне само ако се почитуваат основните постулати на кои упатуваат бројните примери низ историјата. Особено во денешен контекст, кога човештвото и светот секојдневно се соочуваат со најразлични предизвици кои се закана по животот, мирот, здравјето и менталната благосостојба, потребни се повеќе од кога било пораките на надеж, единство и верба во тоа заедничко добро, засновано врз практикувањето на универзалните вредности како што се хуманоста, солидарноста, одговорноста и взаемната почит.
Вашата улога има голема одговорност и јас Ви посакувам мудрост во исполнувањето на благородната мисија. Ви пожелувам празникот да го поминете во добро здравје, спокој во душата и среќа меѓу саканите, а со разбирање, меѓусебна почит и обединети, да продолжиме да ја унапредуваме Република Северна Македонија и да обезбедиме благосостојба денес и за идните поколенија“, стои во честитката од премиерот Џафери до поглаварот на МПЦ – ОА, г.г. Стефан.