Свет
Полската полиција ја потврди смртта на едно лице во железничката несреќа
Полската полиција доцна вечерва ја потврди смртта на еден патник од меѓуградскиот воз кој се обраќаше на линијата од Варшава за Катовице, кој во петокот попладне излета од шините, пренесуваат полските медиуми.
Полската полиција доцна вечерва ја потврди смртта на еден патник од меѓуградскиот воз кој се обраќаше на линијата од Варшава за Катовице, кој во петокот попладне излета од шините, пренесуваат полските медиуми. Според информациите од противпожарната служба, по несреќата 56 лица се хоспитализирани со разни степени на повреди.Претходно попладнево според информациите на локалните медиуми, беше јавено дека во несреќата загинале четири лица а 30 се повредени, но таа информација не е потврдена. „Ние можеме да ја потврдиме смртта на еден човек, но бидејќи превртениот вагон сé уште не е подигнат, ние не исклучуваме дека бројот на жртвите може да биде поголем“, изјави портпаролот на локалната полиција, Адам Коласа Причината за несреќата, исто така, сé уште не е позната. Машиновозачот веднаш по несреќата беше подложен на алко-тест и кај него не беше пронајден алкохол во крвта, но како што соопштила медицинските екипи тој се наоѓал во ситуација на шок Возот, што е 14.04 часот по локално време тргнал од полската престолнина Варшава, во Катовице требало да пристигне во 18:30 часот. Несреќата се случила во 16.15 по локално време, крај селото Баби. Од композицијата која се состоела од четири вагони, еден се превртел а три излегоа од шините. Според очевидци, превртениот вагон речиси целосно бил уништен.На местото на несреќата сé уште се присутни пожарникари, медицински лица и полицијата. Во спасувачката операција се вклучени хеликоптери. Во возот имало околу 280 патници. Според самите патници, оние што останале неповредени во несреќата веднаш почнале да им помагаат на повредените пред доаѓањето на спасувачите, брзата помош и екипите на пожарната бригада/крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.
Свет
Едно лице е тешко повредено во експлозија во зграда во Турција
Едно лице е тешко повредено во експлозија во станбена зграда во турскиот град Текирдаг, во северозападна Турција.
Засега не е познато што ја предизвикало експлозијата во станот на последниот кат од петкатницата, а како што неофицијално дознава телевизијата ТРТ, најверојатно е дека експлодирала плинска боца.
Од силината на експлозијата оштетени се ѕидовите во станот, а искршени се прозорците.
Регион
Данка денес ќе правеше две години: тажната судбина на девојчето за кое плачеше цел регион
Малата Данка Илиќ, денеска, 6 мај, ќе наполнеше две години.
Пред точно 40 дена исчезна Данка.
Тогаш за прв пат се активираше системот „Најди ме“ и започна потрагата. Покрај полицијата се вклучија и луѓе, па веќе првата вечер по девојчето трагаа повеќе од 100 луѓе. По неа трагаа жителите на Бањско поле, соседи, пријатели, противпожарна единица, како и припадници на Планинарската спасувачка служба и полицијата. Кучиња трагачи беа на пат, беспилотни летала летаа над теренот, вклучени беа хеликоптери, а теренот беше дури и прегледан со термални камери.
Мештаните тој ден рекоа дека околу куќата на Илиќ имало неколку дупки длабоки меѓу еден и два метри и дека се наполниле со подземна вода. Сите беа загрижени дека девојчето залутало и паднало со едно од нив.
Единиците на полицијата во раните утрински часови го пребараа теренот, а потрагата се уште беше отежната поради силниот дожд.
Неколку дена подоцна беше откриено дека Данка Илиќ е убиена. Осомничени за делото се Срѓан Јанковиќ (50) од село Лука и Дејан Драгијевиќ (50) од Злот, работници на Бор „Водовод“ кои се уште не ја откриваат локацијата на која го пренеле телото на девојчето од дивината. Во притвор е и таткото на Драгијевиќ, Радослав (73), осомничен дека му помагал на синот да го премести телото на девојчето. Под истрага бил и најмладиот Драгијевиќ – Далибор (40). Но, тој почина на 7 април во притвор на полицијата на Бор.