Свет
Семејството на Гадафи ќе се пресели во Јужна Африка
Членовите на семејството на поранешниот либиски лидер Моамер ел-Гадафи, кој беше убиен на 20-ти октомври во близината на неговиот роден град Сирт, планираат наскоро да се преселат во Јужноафриканската Република, пишува во вторникот алжирскиoт весник Al-Shuruk.
Членовите на семејството на поранешниот либиски лидер Моамер ел-Гадафи, кој беше убиен на 20-ти октомври во близината на неговиот роден град Сирт, планираат наскоро да се преселат во Јужноафриканската Република, пишува во вторникот алжирскиoт весник Al-Shuruk.Според информациите што ги поседува весникот, во Јужноафриканската Република треба да се соберат сите преостанати живи членови на потесното семејство на поранешниот водач на Либиската Џамахирија, полковникот Моамер ел-Гадафи, меѓу кои се и неговата вдовица Сафија, ќерката Ајша и синовите Ханибал и Мухамед, синот Саади кој се крие во Нигер, како и Саиф ал-Ислам синот на Гадафи кој најверојатно сé уште се наоѓа на либиска територија.Како што рекол извор близок на семејството Гадафи, првобитно како можно прибежиште биле разгледувани три земји: Јужноафриканската Република, Сирија и еден од земјите од Персискиот залив. Сепак, Сирија отпаднала поради внатрешната нестабилност на земјата а со изборот на неидентификуваната држава од Персискиот залив не се согласиле синовите на Гадафи, бидејќи тамошните власти се согласиле да даде азил само за неговата вдовица, ќерките и внуците. Изворот додава дека сите лични пари на Гадафи неодамна биле префрлени на сметки во банки во ЈАР, што навестува дека неговото семејство се решило за траен или подолг престој во оваа држава.Во вторникот, како што беше најавено утринава, телата на Гадафи, на неговиот син Маутасем и на поранешниот министер за одбрана на Либија, Абу Бакр Јунис, кои беа убиени од страна на бунтовниците на 20-ти октомври, се погребани во либиската пустина. Точната локација каде е погребан поранешниот либиски лидер, останува мистерија.Вдовицата Сафија ал-Гадафи претходно апелираше до меѓународната заедница да им се помогне на роднините на Гадафи во Сирт да го добијат телото на нејзиниот сопруг коешто ќе му го предадат на потесното семејство кое ќе организира закоп според муслиманските и племенските обичаи, но тоа барање беше одбиено од новите либиски власти.Сафија и ќерката Ајша Гадафи, неговите синови Ханибал и Мухамед, заедно со нивните семејства, од крајот на август се наоѓаат во Алжир. Тие пребегаа во соседната земја, бегајќи пред либиските востаници откако беше заземена престолнината Триполи. Уште еден син на Гадафи, Саади, претходно побегна во Нигер.Властите на Алжир и Нигер одбија да ги предадат најблиските роднини на убиениот Гадафи на претставниците на Националниот преоден совет, изразувајќи стравување за нивната безбедност и сомнеж за фер постапување кон нив.Еден од синовите на Гадафи, Сеиф ал-Ислам, кој до последните мигови беше со неговиот татко, во последен момент успеа да избегне да биде заробен во близината на Сирт, застанувајќи на чело на силите коишто се спротиставени на новите либиски власти, ветувајќи дека ќе се одмазди за бруталното ликвидирање на татко му. Сега, силите на Советот ја чешлаат либиската пустина, сметајќи дека ќе најдат трага од Сеиф ал-Ислам. Советот во меѓувреме соопшти дека синот на Гадафи може да се обиде да ја напушти територијата на Либија со фалсификуван пасош. Меѓународниот кривичен суд во Хаг претходно издаде налог за апсење Сеиф ал-Ислам, обвинувајќи го за злосторства строени против човештвото.Вооруженото востание во Либија траеше околу девет месеци. Во текот на судирите меѓу силите на режимот што владееше со земјата 42 години и опозициските сили загинаа илјадници луѓе (според Националниот преоден совет – најмалку 30 илјади), направена е огромна материјална штета врз економијата на земјата една од најголемите производители и извозници на нафта. /крај/аш/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.
Свет
Шојгу нареди да се обезбеди повеќе оружје за војната во Украина
Министерот за одбрана на Русија, Сергеј Шојгу нареди што поскоро да се обезбеди поголемо количество оружје за воената операција во Украина.
„За да се задржи темпото на офанзивата и да се зголеми составот на воените групи, неопходно е да се зголеми обемот и квалитетот на испорачаното оружје“, рече Шојгу, соопшти руското Министерство за одбрана.
Како што е соопштено, за време на состанокот, рускиот министер за одбрана истакнал дека групите војници продолжуваат да ги извршуваат задачите на оперативните линии во согласност со планот за специјална воена операција и укажал на потребата од дополнително зголемување на набавката на оружје, воена опрема и оружје, пренесува РИА Новости.
Свет
(Видео) Се урна дел од автопат во Кина: возила паднаа во провалија, десетици мртви
Се урна автопат во провинцијата Гуангдонг во јужна Кина.
Дел од автопатот се урна рано наутро во јужна Кина, при што загинаа најмалку 19 лица, соопштија локалните власти.
Осумнаесет автомобили паднаа по падина откако се урна дел од автопатот, соопштија властите во градот Меиџоу во провинцијата Гуангдонг. Инцидентот се случил околу 02:00 часот. Очевидци за локалните медиуми изјавиле дека слушнале силна бучава и виделе дупка отворена неколку метри зад нив, откако оделе дел од патот непосредно пред да се урне.
May 1: a section of the Meilong Expressway (梅龙高速公路) in Guangdong province collapsed at around 2:10am, and 18 vehicles fell into the sinkhole.
31 people were rescued and sent to the hospital. One of them died afterwards…https://t.co/X6QY2zwKdshttps://t.co/cKcJF8YwLB pic.twitter.com/8cUgXonCGR
— Byron Wan (@Byron_Wan) May 1, 2024
Видеото и фотографиите во локалните медиуми покажуваат чад и оган на местото на настанот. Спасувачите превезоа 30 лица во болница, објави државната телевизија CCTV.