Свет
Колумбија ја потврди ликвидацијата на лидерот на ФАРК
Претседателот на Колумбија, Мануел Сантос, потврди во саботата дека е ликвидиран првиот човек на леворадикалната воена групација Револуционерни вооружени сили на Колумбија (FARC), Aлфонсо Кано, пренесува AFP.
Претседателот на Колумбија, Мануел Сантос, потврди во саботата дека е ликвидиран првиот човек на леворадикалната воена групација Револуционерни вооружени сили на Колумбија (FARC), Aлфонсо Кано, пренесува AFP.
„Смртта на Алфонсо Кано е потврдена. Го нанесовме најсериозниот удар во историјата на оваа организација. Ќе продолжиме во истата насока сѐ додека не оствариме луѓето во Колумбија живеат во мирна земја, без насилство“, го цитира агенцијата колумбискиот претседател Сантос.„Предајте се!“, им порачал Сантос на останат членови на ФАРК.За ликвидацијата на Алфонсо Кано во петокот издаде соопштение минситерството за одбрана на Колумбија. Кано застана на чело на ФАРК во пролетта 2008 година, по смртта на дотогаш неприкосновениот лидер на организацијата Мануел Маруланда.Вооружената леворадикална формација FARC (Fuerzas Armadas Revolucionarias de Colombia), како и другите помали екстремни организации во Колумбија, се финансира од продажби на кокаин, e формирана во 1964 г. од страна на Комунистичката партија на Колумбија. Тие поведоа војна за воспоставување на „Нова Колумбија“ или „општество на социјална справедливост и еднаквост“. Таа е ставена на списокот на САД и на Европската унија како една од терористичките организации.Според колумбиските медиуми, Кано бил убиен во операција спроведена во планинската област во регионот Каука во западниот дел од земјата. Колумбиските воздушни сили со авиони ја бомбардирале областа каде што се претпоставувало дека се наоѓаат кампови на бунтовниците. Во овој воздушен напад биле убиени неколку борци, меѓу кои било пронајдено и телото на лидерот на ФАРК.Ликвидацијата на Кано претставува сериозен удар за иднината на ФАРК, која во последниве години изгуби многу од нејзините лидери и припадници. Бројот на борците во нејзиниот состав последниве години опадна речиси двојно – до осум илјади борци.Меѓутоа, под раководство на Кано тие беа во можност сериозно да се спротиставуваат на владините сили, преземајќи смртоносни напади врз полициски и воени патроли, воени конвои на саботажи врз нафтоводи. Една од последните од таквите акции беше извршена кон крајот на октомври кога бунтовниците нападнаа воена патрола на границата со Еквадор, при што загинаа десет војници и два дена претходно беше дигнат во воздух нафтовод во јужниот дел на Колумбија.Аналитичарите велат дека досега најмоќната бунтовничка организација во Колумбија од 2002 г. претрпува силни порази од владините сили, а во последно време се забележани масовно дезертирање од нејзините редови, па бројката нејзини борци во моментов се проценува до седум илјади. Според колумбиското министерство за одбрана, во моментов бројката на борците е и до 60 отсто помала отколку во 2000 г., или приближно осум илјади борци.Успехот во борбата против оваа пaравојска му се припишува на поранешниот претседател Алваро Урибе, чиј татко во 1983 г. беше киднапиран и убиен од оваа организација. Урибе го сметаат за херој во Колумбија, бидејќи им нанесе големи загуби на бунтовници и притоа привлече странски инвестиции во земјата, која со децении е поделена од граѓанска војна. Неговата политика доби значителна поддршка во воена помош и парични средства од САД.Во 2008 г., ФАРК за кусо време загуби три од седумте високи команданит. На 1-ви март таа година во напад на колумбиската војска врз камп на ФАРК на територијата на Еквадор беше убие Раул Рејес, на 7-ми март шефот на внатрешната безбедност на ФАРК, за награда од милион долари го уби вториот човек во раководството на герилата, Иван Риос, и на 26-ти март од срцев удар почина основачот и лидер на формацијата, 78-годишниот Мануел Маруланда..Со смртта на 63-годишниот Кано, еден од неколкумината од кои потекна идејата за формирање на ФАРК и главниот идеолог на движењето, можноста добивање поддршка од локалното население и за спротиставување на владините сили за „изградба на Нова Колумбија“, е навистина доведена во прашање./крај/афп/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Приведени 100 учесници на пропалестинските демонстрации на Универзитетот во Бостон
Полицијата денеска го растури студентскиот протест против израелската агресија во Појасот Газа на североисточниот универзитет во Бостон, а Универзитетот соопшти дека се уапсени околу 100 студенти.
Од универзитетот додаваат дека секој што имал универзитетска лична карта е ослободен и дека „ќе се соочи со дисциплинска постапка на универзитетот, но не и законска постапка“.
Во соопштението на универзитетот се нагласува дека активностите на демонстрантите се зголемени на ниво кое училиштето „не може да го толерира“, пренесува Бостон Хералд.
Les étudiants de l'Université Northeastern de Boston ont empêché les fourgons de police de quitter les locaux avec les étudiants arrêtés après avoir tenté de démanteler le camp de solidarité de Gaza. pic.twitter.com/bnJQQJ7YZU
— Marysieńka (@MarieMarysienka) April 27, 2024
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Свет
(Видео) Нарачала фустани преку интернет, а во пакетот ѝ стигнала епрувета со крв
Ана Елиот од Тенеси неодамна нарачала фустани преку онлајн продавница, а кога пристигнал пакетот била преплашена.
Во кутијата, покрај облеката, пронашла епрувета со човечка крв и конзерва грав!
„Епруветата немаше име, име на лабораторија, ниту датум кога е земена крвта“, објаснува таа во видеото кое е прегледано повеќе од седум милиони пати.
Девојчето го контактирало Центарот за контрола и превенција на болести, кој го третира инцидентот како „биолошка опасност“, пренесува New York Post.
Ана ги предупреди клиентите на онлајн продавницата да бидат внимателни при отворањето на пакетите, а подоцна откри дека била во контакт со нивните претставници.
„Покренавме истрага и утврдивме дека пакетот поминал контрола на квалитетот и го оставил нашиот пакет без дополнителни артикли. Само со артикли кои се нарачани“, велат од компанијата.
Жителката на Тенеси објави серија видеа во кои ги информира своите следбеници за најновите случувања.
Претставник на транспортната компанија изјави:
„Искрено се извинуваме за ова искуство. Ние ги третираме пратките на нашите клиенти со најголема грижа и преземаме соодветни чекори за да го решиме овој проблем“.
Сè уште не се знае чија крв е во шишето, а конзервата со грав е уште поголема мистерија.
@anna_200.1 @SHEIN is denying that they have anything to do with it. And the @CDC.govOfficial ♬ Spooky, quiet, scary atmosphere piano songs – Skittlegirl Sound