Македонија
Нема настава во неколку подрачни училишта поради снегот
Поради обилните врнежи од снег, настава не се одржува во неколку подрачни училишта во десет општини во Македонија, информираат од Министерството за образование и наука.
Поради обилните врнежи од снег, настава не се одржува во неколку подрачни училишта во десет општини во Македонија, информираат од Министерството за образование и наука.Наставата не е започната во подрачните училишта во с. Јабланица и с. Луково, општина Струга, како и во подрачните училишта во Центар Жупа. Во општина Битола денес настава не се одвива во подрачните училишта во с. Бистрица, како и во општина Чучер Сандево во с. Брест, Малино и Танушевци. Во општина Кривогаштани по препорака на градоначалникот денес и утре нема да се одвива настава во две училишта. Во општина Могила поради големите наноси од снег настава не се одржува во ОУ „Кочо Рацин“, во две подрачни училишта на ОУ „Славко Лумбаркоски“, во две подрачни училишта на ОУ „Гоце Делчев“, како и во ОУ „Кирил и Методиј“ во с. Канатларци. Во општина Демир Хисар настава не се одржува во ОУ „Даме Груев“ во с. Смилево, како и во ПОУ во с. Обедник. Во истата општина прекин на наставата поради обилните врнежи од снег има и во ОУ „Св. Кирил и Методиј“ во с. Бучин и во уште две подрачни училишта. Настава не се одржува и во Општина Крушево, поточно во подрачните училишта во с. Саждево и с. Вирово, како и во општина Демир Капија во подрачното училиштево с. Челевев. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Во живо) Прес-конференција на портпаролката на СДСМ, Богданка Кузеска
Портпаролката на СДСМ, Богданка Кузеска одржува прес-конференција во седиштето на партијата.
Македонија
Меџити гласаше и упати порака до граѓаните: Не заборавајте дека секој глас е важен
Претседателот на Демократското движење и носител на листата на пратениците од коалицијата ВЛЕН во ИЕ 1, Изет Меџити го оствари правото на глас.
„Почитувани граѓани, денес е важен ден за нашата демократија. Ве молам учествувајте на изборите и изразете го својот глас за иднината на нашата земја. Ова е должност кон себе и кон другите. На овој прекрасен и демократски ден, не заборавајте дека секој глас е важен“, рече Меџити.
Македонија
Силјановска-Давкова: Како одговорна граѓанка со својот глас ги удостоив и парламентарните и претседателските избори
Како одговорна граѓанка, со својот глас ги удостоив парламентарните и претседателските избори, информира Гордана Силјановска-Давкова, кандидатка за претседател на државата, по гласањето за парламентарни и претседателски избори.
Во Македонија утрово започна вториот круг од претседателските и парламентарните избори.
Избирачките места беа отворени во седум часот, а беа затворени во 19 часот.
Во вториот круг од претседателските избори граѓаните одлучуваа меѓу Гордана Силјановска-Давкова и актуелниот претседател Стeвo Пандеровски.
На парламентарните избори, граѓаните избираат помеѓу 17-те изборни листи.