Меѓународните спасувачки тимови кои работат во Порт о Пренс, ја завршуваат активната фаза на операциите за пронаоѓање преживеани

Досега се спасени 121 лице, соопштиле од службата за кооридинирање на хуманитарните прашањња во Женева. Според шефот на рускиот спасувачки тим во Хаити,како што пренесуваат странските медиуми Салават Мингалеев, завршуваат спасувачките акции и главното сега е хуманитарна и медицинска мисија. Од утре руските спасувачи ќе работат само по барање за извлекување луѓе од урнатините.„Сега во градот треба да работи тешка механизација за да се расчистат урнатините“, изјавил тој.Од силите на ОН во главниот град на Хаити беше побарано вчера да откријат пари од под урнатините на банките. Според претставник на ОН, властите сакалњ наскоро да ги отворат банките, но за таа цел требало да се најде место.Советот за безбедност на ОН Советот за безбедност на Обединетите нации едногласно ја прифатил Резолуцијата, според која, уште 3.500 странски војници и полицајци ќе бидат испратени во Хаити, со цел да се помогне во зачувувањето на безбедноста во земјата и во справувањето со последиците од катастрофалниот земјотрес што минатата недела ја погоди таа сиромашна карипска држава.Генералниот секретар на ОН Бан Ки-мун им предложил на членовите на Советот за безбедност да го зголемат бројот на мировни сили на Светската организација на Хаити за 2.000. Освен тоа, тој препорача и бројот на странски полицаји да се зголеми за 1.500.Војниците и полицајците ќе им се приклучеле на 9.000 соработници на силите за безбедност на ОН кои веќе се распоредени во Хаити.САД испратиле уште 800 маринци кои се вклучени во распределувањето на хуманитарната помош со што бројот на американски персонал во Хаити е 11.000 луѓе. Зголемениот број војници од САД е да се спречи и избувнување улични безредија.„Тие нема да патролираат низ улиците на градовите туку ќе бидат задолжени само за обезбедување при распоредување на хуманитарната помош“, соопштиле претставници од мисијата на ОН за стабилизација на Хаити.Претставници на мисијата негирале дека во Порт о Пренс почнале „масовни грабежи“.„Извештаите дека градот е под контрола на банди, за што известуваат некои медиуми, се лага“, изјавил претставник на мировниот контигент.Американски војници зазеле позиции крај главната болница во Порт о Пренс што се наоѓала во близина на претседателската палата. Здравствените власти побарале помош за да можат да продолжат да се грижат за многубројните жртви од земјотресот. Болницата ќе била обезбедувана во следните пет дена по што војниците ќе преземат други задачи. Според „Лекари без граници“, бројот на повредените е половина милион луѓе.